Eaha to roto?

Mau faaho'iraa ê

Tapura tumu parau

Ite no Iehova

Tahiti

O vai te rave nei i to Iehova hinaaro i teie mahana?

 HAAPIIRAA 9

Eaha te ravea maitai roa ’‘e no te faaineine no te mau putuputuraa?

Eaha te ravea maitai roa ’‘e no te faaineine no te mau putuputuraa?

Cambodge

Ukraine

Mai te peu e te haapii ra oe e te hoê Ite no Iehova, eita e ore e e faaineine oe i ta oe haapiiraa. Mea maitai roa ia na reira atoa oe hou a haere ai i te putuputuraa a te amuiraa maoti ïa te hoê porotarama tano maitai.

A faataa i te taime e te vahi no te haapii. Eaha te taime maitai a‘e no oe no te feruriruri? Te aahiata anei hou te ohipa, aore ra te po ia taoto te mau tamarii? A faaoti ehia minuti aore ra hora ta oe e nehenehe e faataa no te haapii ma te ore e vaiiho i te tahi mea ia haafifi ia oe. A imi i te hoê vahi maniania ore e a tupohe i te radio, te afata teata e te vini. E tamǎrû te pure hou te haapiiraa i te ahoaho no te oraraa, a nehenehe atu ai oe e feruri maite i te Parau a te Atua.—Philipi 4:6, 7.

A faaineine i te tumu parau e i te pahono. Ia ite oe na mua i te mana‘o tumu. A feruri ïa i te upoo parau o te tumu parau aore ra o te pene, i te taairaa i rotopu i te mau upoo parau iti e te mana‘o tumu, e a hi‘o i te mau hoho‘a e te mau uiraa haamana‘oraa o te haamataratara i te mau mana‘o faufaa. Ia oti, a taio i te paratarafa tataitahi e a imi i te pahonoraa o te uiraa. A taio i te mau irava i horoahia e a feruri e nafea te reira e tuea ’i i te tumu parau. (Ohipa 17:11) Ia itehia ia oe te pahonoraa, a reni i te tahi noa mau ta‘o faufaa o te paratarafa. I te putuputuraa, e haamana‘o ïa oe i te pahonoraa. E ia hinaaro oe, a amo i te rima i nia e a pahono poto noa ’tu na roto i ta oe iho parau.

Ma te hi‘opoa i te mau tumu parau rau e aparauhia i te mau putuputuraa i te mau hebedoma atoa, e apo mai oe i te mau mana‘o apî, a pue atu â ’i to oe ite i te Bibilia.—Mataio 13:51, 52.

  • Eaha te porotarama ta oe e nehenehe e haamau no te faaineine ia oe no te mau putuputuraa?

  • E nafea ia faaineine i te hoê pahonoraa no te putuputuraa?

No te ite atu â

PUTUPUTURAA

Eaha te tereraa o te mau putuputuraa a te mau Ite no Iehova?

Nafea matou e haamori ai i te Atua?