Eaha to roto?

Mau faaho'iraa ê

Tapura tumu parau

Ite no Iehova

Tahiti

O vai te rave nei i to Iehova hinaaro i teie mahana?

Eaha te hinaaro o te Atua?

Eaha te hinaaro o te Atua?

Ia ora tatou e a muri noa ’tu ma te hau e te oaoa i roto i te paradaiso i te fenua.

E na ô râ paha oe: ‘E nafea te reira e tupu ai?’ Maoti ïa te Faatereraa arii a te Atua ia au i te Bibilia. Te hinaaro ra te Atua ia ite te taata no nia i tera Faatereraa arii e ta ’na opuaraa no tatou.—Salamo 37:11, 29; Isaia 9:7.

Ia maitai tatou.

E hinaaro iho â te hoê metua tane ia maitai ta ’na mau tamarii. Oia atoa to tatou Metua i te ra‘i, ia oaoa tatou e a muri noa ’tu. (Isaia 48:17, 18) Ua fafau te Atua e “te taata e rave i te hinaaro o te Atua, e vai noa mai ïa e a muri noa ’tu.”—Ioane 1, 2:17.

Ia haere tatou na to ’na mau e‘a.

Te faataa ra te Bibilia i te hinaaro o to tatou Atua poiete. “E haapii mai i ta ’na haapaoraa” ia “haere tatou na te e‘a ta ’na e faaite maira.” (Isaia 2:2, 3) Ua faanaho oia i “te hoê nunaa no te amo i to ’na i‘oa” o te faaite i to ’na hinaaro e ati a‘e te fenua.—Ohipa 15:14.

Ia hoê tatou no te haamori ia ’na.

E tahoê te haamoriraa viivii ore a Iehova i te taata i roto i te here mau. (Ioane 13:35) O vai ma i teie mahana e haapii nei i te mau tane e vahine i te ao nei ia tavini i te Atua ma te tahoê? Na teie buka rairai e pahono mai.