Zephania 1:1-18
1 Teie te parau a Iehova tei tae mai ia Zephania* te tamaiti a Kusi te tamaiti a Gedalia te tamaiti a Amaria te tamaiti a Hezekia, i te mau mahana o Iosia+ te tamaiti a Amôna+ te arii o Iuda:
2 “E haamou vau i te mau mea atoa i te fenua nei,” te na reira mai ra Iehova.+
3 “E haamou vau i te taata e te animara.
E haamou vau i te mau manu o te raˈi e te mau iˈa o te tai,+Te mau turoriraa*+ e te taata ino atoa.E haamou vau i te huitaata i te fenua nei,” te na reira mai ra Iehova.
4 “E toro vau i to ˈu rima i nia ia IudaE i nia i to Ierusalema taatoa,E e faaore au i te mau ohipa atoa a Baala e vai ra i teie vahi,+Te iˈoa o te mau tahuˈa a te mau atua ěê e te mau tahuˈa haamori idolo,+
5 Te feia o tei tipapa i nia i te mau tapoˈi fare i mua i te nuu o te raˈi,+Te feia o tei tipapa a horeo ai eita ratou e taiva ia Iehova,+A horeo atoa ˈi eita ratou e taiva ia Malakama,+
6 E te feia o tei fariu ê ia Iehova+E o te ore e imi e e ui ia Iehova.”+
7 A mamû i mua i te Arii hau ê e Fatu ra o Iehova, ua fatata hoi te mahana o Iehova.+
Ua faaineine Iehova i te hoê tusia, ua haamoˈa oia i ta ˈna mau manihini.
8 “I te mahana o te tusia a Iehova, e faautua vau i te mau tamaiti huiarii,Te mau tamaiti a te arii+ e te taata atoa o tei oomo i te ahu no te mau fenua ěê.
9 I tera mahana, e faautua vau i te taata atoa o te haere ra i nia i te tahua,*Te feia o te faaî ra i te fare o to ratou fatu i te hamani-ino-raa e te haavarevare.
10 I tera mahana,” te na reira mai ra Iehova,“E faaroohia te auê i te Uputa o te iˈa,+Te taˈi, no ǒ mai i te tuhaa apî o te oire,+E te hoê paaina puai mai te mau aivi mai.
11 A auê, e te feia no Maketesa,*Ua haapohehia* hoi te feia hoohoo taatoa,Ua haamouhia te taatoaraa o te feia faito i te ario.
12 I tera taime, e imi maite au e te mori na roto ia Ierusalema,E e faautua vau i te feia haapeapea ore,* o te parau ra i roto i to ratou aau:‘Eita Iehova e rave i te mea maitai e eita oia e rave i te mea ino.’+
13 E haruhia ta ratou faufaa e e vavahihia to ratou mau fare.+
E patu ratou i te fare, eita râ ratou e parahi i roto.E tanu ratou i te vine, eita râ ratou e inu i te uaina.+
14 Mea piri te mahana rahi o Iehova!+
Mea piri e te haapeepee mai ra!+
Mea riaria te haruru o te mahana o Iehova.+
I reira, e tuô te taata tamaˈi.+
15 E mahana riri rahi tera mahana,+E mahana ati e te ahoaho,+E mahana vero e te haamouraa,E mahana poiri e te rumaruma,+E mahana tapoˈipoˈi e te rumaruma rahi,+
16 E mahana e faaroohia ˈi te pu tara e te huro+No te mau oire auahia i te patu e no te mau pare teitei i te poro o te mau aua.+
17 E tuu vau i te ati i nia i te huitaata,E e haere ratou mai te matapo ra,+Ua hara hoi ratou ia Iehova.+
E maniihia to ratou toto mai te repo,E faaruehia to ratou iˈo* mai te tutae.+
18 Eita ta ratou ario e ta ratou auro e faaora ia ratou i te mahana o to Iehova riri rahi,+E pau hoi te fenua taatoa i te auahi o to ˈna itoito rahi,+E haamou hoi oia i te taata atoa i te fenua nei, e mea riaria roa ta ˈna haamouraa.”+
Nota i raro i te api
^ “Ua huna (faaherehere maitai) Iehova” te auraa.
^ E au ra e taoˈa aore ra e ohipa niuhia i nia i te haamoriraa idolo.
^ Peneiaˈe te tahua o te terono o te arii.
^ Heb: “haamamûhia.”
^ E au ra e tuhaa teie no Ierusalema i pihai iho i te Uputa o te iˈa.
^ Heb: “te feia o tei mau i roto i to ratou rito,” mai i roto i te hoê tura uaina.
^ Heb: “aau.”
