Te rata i to Philipi 2:1-30

  • Haehaa Kerisetiano (1-4)

  • To te Mesia haehaa e faateiteiraahia (5-11)

  • A tutava ia noaa ia outou te ora (12-18)

    • Anaana ei tiarama (15)

  • Tonohia Timoteo raua Epapherodito (19-30)

2  E teie nei, mai te peu e te vai ra i rotopu ia outou maa faaitoitoraa no to outou hoêraa e te Mesia, maa tamahanahanaraa na roto i te here, maa haapeapearaa te tahi i te tahi,* maa here rahi e te aumihi,  a faahope roa mai i to ˈu oaoa ma te faaite i te hoê â huru feruriraa, ma te here te tahi i te tahi e ia tahoê-maite-hia outou i te hoê â manaˈo.+  Eiaha roa e rave i te tahi noa ˈˈe mea ma te mârô+ aore ra ma te faateitei.+ Ma te haehaa râ, a haamanaˈo e mea hau aˈe vetahi ê ia outou,+  a imi atoa ˈi i to vetahi ê maitai,+ eiaha noa râ i to outou iho.+  A tapea i teie huru feruriraa i vai atoa na i te Mesia ra o Iesu,+  e noa ˈtu e i ora na oia mai te Atua ra te huru,+ aita oia i manaˈo noa ˈˈe e haru i te tiaraa o te Atua, oia hoi ia aifaito ia ˈna.+  Aita râ, ua haapae oia ia ˈna iho e ua riro mai te hoê tavini ra te huru+ e ua fanauhia mai oia ei taata.*+  Hau atu â, ia ˈna i riro mai ei taata,* ua faahaehaa oia ia ˈna e ua auraro noa e tae noa ˈtu i te pohe,+ oia hoi te pohe i nia i te hoê pou haamauiuiraa.*+  No reira mau te Atua i faateitei ai ia ˈna i te hoê tiaraa teitei aˈe+ e i horoa ˈi no ˈna i te iˈoa tei hau ê i te mau iˈoa atoa,+ 10  e i te iˈoa ra o Iesu ia tuu te mau turi atoa i raro, to te raˈi e to te fenua e to raro aˈe i te fenua,+ 11  e ia faˈi te mau vaha atoa e o Iesu Mesia te Fatu+ a faahanahanahia ˈtu ai te Atua te Metua. 12  No reira, to ˈu mau taeae here, ua auraro noa na outou a parahi ai au i ǒ outou e hau atu â i teie nei aita vau i ǒ outou, a tutava noa ïa ma te mǎtaˈu e te rûrû ia noaa ia outou te ora. 13  O te Atua hoi te haapuai ia outou e te tuu i roto ia outou i te hinaaro e te puai no te rave i te mau mea atoa ta ˈna e au. 14  A rave i te mau mea atoa ma te amuamu ore+ e te aimârô ore,+ 15  ia riro mai outou ei feia hapa ore, ei tamarii na te Atua+ ma te tafetafeta ore i rotopu i te hoê uˈi ino e te piˈo,+ i rotopu hoi ia ratou e anaana ˈi outou ei tiarama i roto i teie nei ao,+ 16  ma te mau maite i te parau o te ora.+ E tumu ïa to ˈu e oaoa ˈi i te mahana o te Mesia, a ite ai e aita ta ˈu hororaa aore ra ta ˈu rohiraa i faufaa ore. 17  E noa ˈtu e e niniihia vau mai te hoê tusia uaina+ i pûpûhia+ na roto i te taviniraa moˈa ta outou atoa i rave no to outou faaroo, e oaoa ïa vau e e oaoa vau e o outou atoa. 18  Na reira atoa, ia oaoa outou e o vau atoa. 19  E teie nei, te manaˈo nei au e tono oioi ia Timoteo+ ia outou ia tia i te Fatu ra o Iesu, e ia itoitohia vau i te faaroo i te parau apî no outou. 20  Aita ˈtu hoi ta ˈu e taata mai ia ˈna ra te huru o te haapeapea mau ra no outou. 21  Te imi nei hoi te tahi atu i to ratou iho maitai, eiaha râ i to Iesu Mesia ra. 22  Ua ite râ outou i to Timoteo haapao maitai, e mai te hoê tamarii+ e to ˈna metua ua tavini mâua ia atutu te parau apî oaoa. 23  O ˈna mau ta ˈu e manaˈo nei e tono atu, ua ite anaˈe au eaha te tupu i nia ia ˈu. 24  Ua papu ia ˈu e ia tia i te Fatu, e haere oioi atoa ˈtu vau i ǒ outou.+ 25  I teie nei râ, e manaˈo vau e mea tia ia faahoˈi atu ia Epapherodito, to ˈu taeae e hoa ohipa e faehau atoa a te Mesia, ta outou hoi i tono mai no te aupuru ia ˈu,+ 26  e hinaaro iti rahi hoi to ˈna e ite ia outou paatoa, e te hepohepo ra oia no te mea ua faarooroo outou e ua maˈihia oia. 27  Mai pohe roa hoi oia i to ˈna maˈiraahia. Aroha* maira râ te Atua ia ˈna e ia ˈu atoa, ia ore au ia oto atu â. 28  No reira, te tono ru atu nei au ia ˈna, ia nehenehe outou ia oaoa a ite ai ia ˈna, e ia iti atoa mai to ˈu hepohepo. 29  A farii ia ˈna mai ta outou e farii popou na i te mau pǐpǐ a te Fatu, e a poihere noa i teie huru taata,+ 30  no te mea mai pohe oia no te ohipa a te Mesia,* e aita oia i faaherehere i to ˈna ora* no te mea aita outou i ǒ nei no te aupuru ia ˈu.+

Nota i raro i te api

Hel: “faaiteraa i te hoê â varua.” Heleni peneuma. Hiˈo i te titionare.
Hel: “ua riro oia mai te taata ra te hohoˈa.”
Hel: “ia ˈna i itehia mai te taata ra te hohoˈa.”
Hiˈo i te titionare.
Aore ra “Aroha hamani maitai.”
Huri-atoa-hia “te ohipa a te Fatu.”
Aore ra “ua faaruru oia i te pohe.”