Paraleipomeno buka matamua 16:1-43
16 Afai maira ïa ratou i te Afata a te Atua mau e tuu ihora i te reira i roto i te tiahapa ta Davida i faatia no te Afata.+ E pûpû aˈera ratou i te tusia taauahi e te tusia no te hau i mua i te Atua mau.+
2 I te otiraa ta ˈna pûpûraa tusia taauahi+ e te tusia no te hau,+ haamaitai ihora Davida i te nunaa i te iˈoa o Iehova.
3 Opere atoa ˈtura oia na te ati Iseraela taatoa, te tane e te vahine tataitahi, hoê faraoa menemene, hoê faraoa momona tamara e hoê faraoa vine mǎrô.
4 Maiti ihora oia vetahi ati Levi no te tavini i mua i te Afata a Iehova,+ no te faahanahana,* haamauruuru e arue ia Iehova te Atua o Iseraela.
5 O Asapha+ te upoo e o Zekaria to muri iho ia ˈna. Na Ieiela, Semiramota, Iehiela,+ Matitia, Eliaba, Benaia, Obeda-edoma e Ieiela e hauti i te upaupa taura e te kinura.+ Na Asapha e hauti i te sumebalo,+
6 e na Benaia raua Iahaziela na tahuˈa e faaoto tamau i te pu i mua i te afata o te faufaa a te Atua mau.
7 Tei tera mahana to Davida haamataraa i te papai i te hoê himene haamauruuru ia Iehova, o ta ˈna i haapii ia Asapha+ e to ˈna mau taeae ia himene:
8 “A haamauruuru ia Iehova,+ a tiaoro i to ˈna iˈoa,A faaite i ta ˈna mau ohipa i te mau nunaa!+
9 A himene no ˈna, a himene i te arueraa* no ˈna,+A feruriruri* i ta ˈna mau ohipa faahiahia atoa.+
10 A haapeu i to ˈna iˈoa moˈa.+
Ia oaoa te aau o te feia e imi ra ia Iehova.+
11 A imi ia Iehova+ e to ˈna puai.
A tamau i te imi ia ˈna.+
12 A haamanaˈo i te mau ohipa faahiahia ta ˈna i rave,+Ta ˈna mau semeio e te mau haavaraa ta ˈna i haava,
13 Outou te huaai o Iseraela ta ˈna tavini,+Outou te mau tamaiti a Iakoba, tei maitihia e ana.+
14 O ˈna to tatou Atua o Iehova.+
E haava oia i te fenua taatoa.+
15 A haamanaˈo noa i ta ˈna faufaa,Te parau ta ˈna i fafau,* e tausani noa ˈtu te uˈi,+
16 Te faufaa ta ˈna i faaau ia Aberahama,+E te parau ta ˈna i horeo ia Isaaka,+
17 Ta ˈna i haamau ei faaueraa mana ia Iakoba+E ei faufaa vai maoro ia Iseraela,
18 Ma te parau: ‘E horoa vau i te fenua o Kanaana+ no oeEi tuhaa tutuuhia no oe.’+
19 Aita outou i rahi i taua tau ra,Oia mau, mea iti roa, e e feia ěê outou i taua fenua ra.+
20 Te hahaere ra ratou mai te tahi nunaa i te tahi atu nunaa,Mai te tahi faatereraa arii i te tahi atu nunaa.+
21 Aita oia i vaiiho i te tahi taata ia haavî ia ratou.+No ratou, ua aˈo oia i te tahi mau arii,+
22 Ma te parau: ‘Eiaha e hauti i to ˈu feia faatavaihia,E eiaha e hamani ino i ta ˈu mau peropheta.’+
23 A himene no Iehova, e to te fenua atoa e!
A faaite i ta ˈna faaoraraa i te mau mahana atoa!+
24 A faaite i to ˈna hanahana i rotopu i te mau nunaa,Ta ˈna mau ohipa faahiahia i rotopu i te mau opu atoa.
25 E Atua rahi hoi o Iehova e e au ia ˈna te arueraa.
E tano ia mǎtaˈuhia oia hau aˈe i te tahi atu mau atua.+
26 E atua faufaa ore anaˈe te mau atua o te mau nunaa,+O Iehova râ, na ˈna i hamani i te raˈi.+
27 Tei mua ia ˈna te tura e te hanahana,+Tei roto i to ˈna nohoraa te puai e te oaoa.+
28 A faahoˈi atu i tei au ia Iehova, outou te mau utuafare o te mau nunaa,A faahoˈi atu i tei au ia Iehova no to ˈna hanahana e to ˈna puai.+
29 A faahoˈi atu ia Iehova i te hanahana e au i to ˈna iˈoa.+A afai mai i te hoê ô e a haere mai i mua ia ˈna.+
A tipapa i mua* ia Iehova ma te ahu moˈa.*+
30 A rûrû i mua ia ˈna, e to te fenua atoa e!
Mea mau papu te fenua, eita e nehenehe e faahautiuti.*+
31 Ia oaoa te raˈi, e ia oaoa te fenua.+A faaite i rotopu i te mau nunaa: ‘Ua riro mai Iehova ei Arii!’+
32 Ia haruru te miti e te mau mea atoa i roto,Ia oaoa te mau vahi aihere e te mau mea atoa i reira.
33 Ia umere atoa te mau tumu o te uru raau i mua ia Iehova,Te haere mai ra* hoi oia no te haava i te fenua.
34 A haamauruuru ia Iehova, mea maitai hoi oia.+E vai â to ˈna here taiva ore e a muri noa ˈtu.+
35 A parau: ‘A faaora ia matou, e te Atua, to matou faaora,+A haaputuputu e a faaora ia matou i te mau nunaa,Ia faahanahana matou i to iˈoa moˈa+E ia arue matou ia oe ma te oaoa.*+
36 Ia aruehia Iehova, te Atua o Iseraela,E a muri noa ˈtu.’”
Parau aˈera te nunaa taatoa: “Amene!”* E arue aˈera ratou ia Iehova.
37 Vaiiho maira Davida ia Asapha+ e to ˈna mau taeae i mua i te afata o te faufaa a Iehova no te tavini noa i mua i te Afata,+ ia au i te tereraa i te mau mahana atoa.+
38 O Obeda-edoma e to ˈna mau taeae, e 68 ratou, e o Obeda-edoma, te tamaiti a Iedutuna, e o Hosa, e tiai uputa ïa.
39 E te tahuˈa Zadoka+ e te tahi atu mau tahuˈa ratou te taviniraa, ua vaiiho oia ia ratou i mua i te sekene o Iehova i nia i te vahi teitei i Gibeona.+
40 E tamau ratou i te pûpû i te tusia taauahi ia Iehova i nia i te fata o te tusia taauahi, i te poipoi e te ahiahi, e e rave ratou i te mau mea atoa i papaihia i roto i te Ture a Iehova, ta ˈna i horoa ia Iseraela.+
41 Tei ia ratou ra Hemana raua Iedutuna+ e te toea o te mau tane o tei maitihia ma to ratou iˈoa no te haamauruuru ia Iehova,+ no te mea “e vai â to ˈna here taiva ore e a muri noa ˈtu.”+
42 E faaoto Hemana+ raua Iedutuna i te pu, te sumebalo e te mau upaupa faaohipahia no te arue i* te Atua mau. E tiai na tamaiti a Iedutuna+ i te uputa.
43 Hoˈi atura ïa te nunaa taatoa i to ratou fare, e haere ihora Davida e haamaitai i to ˈna iho utuafare.
Nota i raro i te api
^ Heb: “haamanaˈo.”
^ Aore ra “hauti i te upaupa.”
^ Huri-atoa-hia “A paraparau no nia.”
^ Heb: “i faaue.”
^ Huri-atoa-hia “no te unauna o to ˈna moˈaraa.”
^ Aore ra “haamori.”
^ Aore ra “e faaaueue,” “e faatioioi.”
^ Aore ra “Ua haere mai.”
^ Aore ra “ia oaoa matou i te arueraa ia oe.”
^ Aore ra “Na reira ïa!”
^ Aore ra “te mau upaupa o te himene a.”
