Nahuma 3:1-19
3 Ua ati te oire o te haamanii i te toto!
Ua î roa o ˈna i te haavare e te eiâ.
Aita e ravea e pau ai ta ˈna maa!
2 Te vai ra te paaina o te hui e te maniania o te huira pereoo,Te puaahorofenua o te horo ra e te pereoo o te ouˈauˈa ra.
3 Te taata faahoro puaahorofenua i nia i to ˈna parahiraa, te ˈoˈe anaana e te omore purapura,Te pueraa feia o tei taparahi-pohe-hia e te mau haapueraa tino pohe:Eita e nehenehe e taio i tei pohe.
Te turori noa ra te taata no te mau tino pohe.
4 No te rahiraa ohipa taiata a te vahine taiata i tupu ai te reira:Mea nehenehe oia e te haviti, e fatu vahine no te mau peu tahutahu,O te faahema i te mau nunaa i ta ˈna taiataraa e i te mau utuafare i ta ˈna mau peu tahutahu.
5 “E aro vau ia oe,”* te parau mai ra Iehova o te mau nuu.*+“E amo vau i to oe ahu piritoti na nia i to oe hohoˈa mata.E haamataitai au i to oe vai-tahaa-raa i te mau nunaa,E to oe haama i te mau faatereraa arii.
6 E hue au i te pehu i nia ia oe,A faariro atu ai ia oe ei faufauraa na te taata atoa.E faariro vau ia oe ei mataitairaa na te taata.+
7 E horo te taata atoa o te ite ia oe+ a na ô ai:‘Ua haamouhia o Nineve!
O vai te oto ia ˈna?’
Ihea e itehia ˈi te feia tamahanahana no oe?
8 Mea maitai aˈe anei oe ia No-amona,+ o tei parahi na i pihai iho i te mau taheraa pape o Nile?+
I haaati na te pape ia ˈna.O te miti ta ˈna faufaa, e o te miti to ˈna patu.
9 Na Etiopia e Aiphiti i horoa i to ˈna puai otia ore.
I haere mai na Puta+ e to Libia e tauturu ia ˈna.*+
10 Tera râ, ua riro oia ei tîtî.Ua afai-tîtî-hia oia.+
Ua taparahi-pohe-hia ta ˈna mau tamarii na te mau poro aroâ atoa.
Ua maiti-kelero-hia to ˈna huimana,E ua ponaohia to ˈna mau taata rahi i te ponao auri.
11 E taero atoa oe,+E haere oe e tapuni.
E imi oe i te haapuraa i mua i to oe enemi.
12 E au to oe mau vahi auahia i te patu i te tumu suke ua para te mau maa matamua.Ia ueuehia ratou, e marua te mau suke i roto i te vaha o te feia amu.
13 Inaha! E au ta oe mau pǔpǔ faehau i te vahine.
E matara rahi te mau uputa o to oe fenua no to oe mau enemi.
E pau te mau teˈa o ta oe mau uputa i te auahi.
14 A huti i te pape no te haaatiraa o te oire!+
A haapaari i to oe mau vahi auahia i te patu.
A pou i roto i te vari e a taataahi i te araea.A hamani i te ofai araea.
15 I reira atoa, e pau oe i te auahi.
E pohe oe i te ˈoˈe.+
E amu haapau te reira ia oe mai te mau vivi apî ia tamaa ratou.+
Ia rahi roa oe mai te mau vivi apî!
Oia mau, ia rahi roa oe mai te mau vivi!
16 Ua faarahi oe i to oe feia hoo taoˈa hau aˈe i te fetia o te raˈi.
E vaiiho te vivi apî i to ˈna paa tahito a maue ê atu ai.
17 E au ta oe mau tiai i te vivi,E to oe feia toroa i te hoê aere vivi.
E faaea ratou i roto i te mau patu ofai i te mahana toˈetoˈe,Ia hiti râ te mahana, e maue ê ratou.E aita e taata i ite teihea ratou.
18 Te vareahia ra ta oe mau tiai i te taoto, e te arii o Asura,Te faaea noa ra to oe huimana i ǒ ratou.
Ua purara ê to oe nunaa na nia i te mau mouˈa,E aita e taata no te haaputuputu mai ia ratou.+
19 Aita e tamǎrûraa no to oe ati.
Eita e nehenehe e rapaau i to oe pepe.
E popou te feia atoa o te faaroo i te parau no oe.+O vai hoi o tei ore i mauiui i to oe ino tuutuu ore?”+
