Mika 7:1-20
7 Auê hoi au e! E au vau i te hoê taata,I muri aˈe i te pofairaa maa hotu o te tau auhuneE te pofairaa vine,O tei ore i ite i te tahi maa vine no te amu,Aore ra te tahi maa suke momona ta ˈna e hiaai.
2 Ua moˈe te taata taiva ore mai nia mai i te fenua nei. Aita hoê taata mea afaro.+
Te tamoemoe nei ratou paatoa no te haamanii i te toto.+
Te aˈuaˈu nei te taata tataitahi i to ˈna taeae i te upeˈa.
3 Mea aravihi to ratou rima no te rave i te mea ino.+Te titau nei te raatira i te hoê ô,Te ani nei te haava i te hoê aufauraa,+Te faaite nei te taata mana i to ˈna mau hinaaro,+E te opua amui nei ratou i te mea ino.
4 E au to ratou taata maitai roa ˈˈe i te raau taratara,Mea ino aˈe to ratou taata afaro roa ˈˈe i te hoê anairaa raau taratara.
E tae mai te mahana o ta oe mau tiai, te mahana e haavahia ˈi oe.+
I reira, e rapu roa ratou.+
5 Eiaha e tiaturi i to outou mau hoaE eiaha e tiaturi i te hoa piri.+
A ara i ta oe e parau i te vahine e taoto ra i nia i to oe ouma.
6 Te vahavaha ra hoi te tamaiti i to ˈna metua tane,Te orure hau nei te tamahine i to ˈna metua vahine,+E te patoi nei te hunoa vahine i to ˈna metua vahine hoovai.+No roto noa i te utuafare te enemi.+
7 O vau râ, e moemoe au ia Iehova.+
E tiai ru vau* i te Atua o te faaora ia ˈu.+
E faaroo mai to ˈu Atua ia ˈu.+
8 Eiaha oe e oaoa i to ˈu tupuraa, e to ˈu enemi.
Noa ˈtu ua marua vau, e tia vau i nia.Noa ˈtu te ora nei au i roto i te poiri, o Iehova to ˈu maramarama.
9 E faaoromai au i te riri rahi tahoo o Iehova(Ua hara hoi au ia ˈna)+Tae roa i te taime e paturu ai oia ia ˈu a faaupootia mai ai ia ˈu i ta ˈu haavaraa.
E aratai oia ia ˈu i te maramarama.E ite au i ta ˈna parau-tia.
10 E ite atoa to ˈu enemi i te reira,E e tapoˈi roa te haama ia ˈna o tei parau ia ˈu:
“Teihea o Iehova to Atua?”+
E hiˈo to ˈu mata ia ˈna.
E taataahihia o ˈna mai te vari o te mau aroâ.
11 O te mahana tera e faatia ˈi oe i to oe mau patu ofai.I tera mahana, e faanuuhia te mau otia.*
12 I tera mahana, e haere mai te taata ia oe raMai Asura mai e te mau oire o Aiphiti,Mai Aiphiti mai e tae roa ˈtu i te Anavai,*Mai tera miti i tera miti e tera mouˈa i tera mouˈa.+
13 E ano te fenua no te feia no reira,No te mau mea ta ratou i rave.*
14 I ta oe raau, a aratai* i to nunaa, te nǎnǎ o ta oe tuhaa tutuuhia,+Tei parahi o ratou anaˈe i roto i te hoê uru raau, i ropu i te hoê faaapu maa hotu.
Ia amu ratou i te aihere i Basana e i Gileada+ mai i tahito ra.
15 “Mai i te mau mahana i haere mai ai oe i rapae i Aiphiti,E faaite au ia oe* i te ohipa faahiahia mau.+
16 E ite te mau nunaa i te reira a haama ˈtu ai noa ˈtu to ratou puai rahi.+
E tuu ratou i to ratou rima i nia i to ratou vaha.E turihia to ratou tariˈa.
17 E mitimiti ratou i te repo mai te mau ophi.+Mai te mau animara nee o te fenua, e haere mai ratou ma te rûrû i rapae i to ratou haapuraa.
E haere mai ratou ia Iehova to tatou Atua ma te taiâ,E e mǎtaˈu ratou ia oe.”+
18 O vai te Atua mai ia oe,O te faaore i te hara e o te ore e haamanaˈo i te hapa+ a te toea o to ˈna nunaa?*+
Eita oia e riri e a muri noa ˈtu,Mea au hoi na ˈna te here taiva ore.+
19 E aroha hamani maitai faahou oia ia tatou.+ E vî ia ˈna* ta tatou mau hapa atoa.
E taora oe i ta ratou mau hara atoa i roto i te hohonuraa o te miti.+
20 Eita oe e taiva ia Iakoba,E faaite oe i te here taiva ore ia Aberahama,Mai ia oe i horeo i to matou mau tupuna mai tahito mai â.+
Nota i raro i te api
^ Aore ra “tiai au ma te faaoromai.”
^ Huri-atoa-hia “e atea roa te faaueraa mana.”
^ Oia hoi Eupharate.
^ Heb: “No te hotu o ta ratou mau ohipa.”
^ Aore ra “faaamu.”
^ Heb: “ia ˈna.”
^ Heb: “ta ˈna tuhaa.”
^ Aore ra “taataahi oia i.”