Mika 6:1-16

  • Haavaraa te Atua ia Iseraela (1-5)

  • “Eaha ta Iehova e titau mai ra ia oe?” (6-8)

    • Te parau-tia, te taiva ore, te aau faahaihai (8)

  • Te faahaparaa e te faautuaraa ia Iseraela (9-16)

6  A faaroo mai na i ta Iehova e parau mai ra. A tia, a faaite i to outou tupuraa i mua i te mau mouˈa,E ia faaroo te mau aivi i to outou reo.+   E te mau mouˈa e, a faaroo i te haavaraa a Iehova,Outou te mau niu papu o te fenua nei,+E haavaraa hoi ta Iehova i to ˈna nunaa.E faahapa oia ia Iseraela:+   “To ˈu nunaa, eaha ta ˈu i rave ia oe? Mea nafea oe i rohirohi ai ia ˈu?+ A faahapa mai ia ˈu.   Ua aratai mai hoi au ia oe i rapae i Aiphiti,+Ua hoo mai au ia oe mai te fenua* mai i faatîtîhia ˈi oe.+Ua tono vau ia Mose, Aarona e Miriama i mua ia oe.+   To ˈu nunaa e, a haamanaˈo na i ta te arii Balaka no Moabi i opua,+E ta Balaama te tamaiti a Beora i pahono ia ˈna,+Eaha tei tupu mai Sitima+ e tae atu i Gilagala,+Ia taa ia outou te mau ohipa parau-tia a Iehova.”   E haere mai au i mua ia Iehova e te aha? E piˈo vau i mua i te Atua no te aha? E haere mai anei au i mua ia ˈna e te tusia taauahi,E te fanauˈa puaatoro hoê matahiti te paari?+   E mauruuru anei Iehova i te mamoe oni e tausani,I te anavai monoˈi e ahuru tausani?+ E horoa anei au i ta ˈu tamaiti matahiapo no ta ˈu orureraa hau,Ta ˈu tamarii* no ta ˈu hara?+   Ua faaite o ˈna ia oe i te mea maitai, e te taata e. E eaha ta Iehova e titau* mai ra ia oe Maori râ ia faaohipa i te parau-tia,+ ia hinaaro i te taiva ore,*+E ia haere ma te aau faahaihai+ e to Atua?+   Te tuô nei Iehova i te oire.Te feia e paari mau to ratou, e mǎtaˈu ratou i to iˈoa. A ara i te raau e i tei tuu mai i te utua.+ 10  Te vai noa ra anei i roto i te fare o te taata ino te pueraa taoˈa i noaa na roto i te ohipa inoE te faito epha* hape* ta te Atua e riri? 11  E tano* anei au ia faaohipa vau i te faito hape,E te hoê pute ofai faito hape?+ 12  E hamani-ino-raa anaˈe hoi to roto i to ˈna mau taata taoˈa,E te haavare ra to reira mau taata.+Mea haavare to ratou arero i roto i to ratou vaha.+ 13  “No reira, e tairi au ia oe a pepe atu ai oe,+E faaano vau ia oe no ta oe mau hara. 14  E tamaa oe, eita râ e paia,E poia faahou oe.+ Te mea ta oe e tuu i te hiti, eita oe e hopoi i te vahi papu,E tei haere ia oe ia hopoi i te vahi papu, e tuu vau i te reira i te enemi* ra. 15  E ueue oe i te huero, eita râ oe e ooti. E taataahi oe i te olive, eita râ oe e faaohipa i te hinu.E taataahi oe i te vine,* eita râ oe e inu i te uaina.+ 16  Te rave ra hoi outou i te mau peu a Omeri e te mau ohipa atoa a te utuafare o Ahaba,+E te haapao ra outou i ta ratou mau aˈoraa. E faariro ïa vau ia oe ei riariaraa,E te feia no reira ei faaoooraa.*+E vahavaha te mau nunaa ia outou.”+

Nota i raro i te api

Heb: “fare.”
Heb: “Te hotu o to ˈu opu.”
Aore ra “ani.”
Aore ra “ia here ma te hamani maitai e te taiva ore.” Heb: “ia here i te here taiva ore.”
Hiˈo i te tuhaa hau B14.
Aore ra “o tei ore i tia.”
Heb: “mâ.” Aore ra “vai hapa ore.”
Heb: “ˈoˈe.”
Aore ra “hamani oe i te uaina apî.”
Heb: “ei feia e hiohia e te taata.”