Isaia 66:1-24
66 Teie ta Iehova e parau ra:
“O te raˈi to ˈu terono, e o te fenua to ˈu taahiraa avae.+
Teihea ïa te fare ta outou e nehenehe e hamani no ˈu,+E teihea to ˈu vahi faafaaearaa?”+
2 “Na to ˈu rima i hamani i teie mau mea atoa,E mea na reira te otiraa mai pauroa te reira,” te parau ra Iehova.+
“Teie ïa te taata ta ˈu e hiˈo,Te taata haehaa e te aau hepohepo o te rûrû i* ta ˈu parau.+
3 Tei tupai i te puaatoro, e au ïa i tei taparahi pohe i te tahi taata.+
Tei pûpû i te mamoe ei tusia, e au ïa i tei ofati i te afii o te tahi urî.+
Tei pûpû i te ô, e au ïa i tei pûpû i te toto puaa!+
Tei pûpû i te tapau libano+ ei haamanaˈoraa, e au ïa i tei parau i te tahi haamaitairaa ma te mau parau manamana.*+
Ua maiti ratou i to ratou iho mau eˈa,E mea au na ratou i te mea faufau.
4 E maiti ïa vau i te ravea no te faautua ia ratou,+E e faatae mai au i nia ia ratou i te mea e riaria ratou.
No te mea i to ˈu piiraa, aita hoê aˈe i pahono.I to ˈu paraparauraa, aita hoê aˈe i faaroo mai.+
Ua rave noa ratou i te mea ino i to ˈu aro,E ua maiti ratou e rave i ta ˈu e au ore.”+
5 A faaroo i te parau a Iehova, outou e rûrû i* ta ˈna parau:
“Ua parau to outou mau taeae e hae ra e e tiavaru ra ia outou no to ˈu iˈoa: ‘Ia faahanahanahia Iehova!’+
E fa mai râ oia e e oaoa outou,E o ratou te haama.”+
6 E haruru te faaroohia na te oire mai, e haruru na te hiero mai!
E haruru o te tahoo a Iehova i to ˈna mau enemi mai tei au ia ratou.
7 Hou oia a mamae ai, ua fanau mai oia.+
Hou oia a mauiui ai, ua fanau mai oia i te tamarii tamaroa.
8 O vai tei faaroo aˈenei i teie huru ohipa?
O vai tei ite aˈenei i te mau mea mai tera?
E fanauhia mai anei te tahi fenua i te hoê noa mahana?
Aore ra e fanauhia mai anei te tahi nunaa hoê noa fanauraa?
Area Ziona, i to ˈna iho â mamaeraa, fanau maira oia i ta ˈna mau tamaiti.
9 “E haafatata anei au i te taime fanauraa, a tapea ˈtu ai i te aiû ia ore ia fanauhia mai?” te parau ra Iehova.
“Aore ra e haamata anei au i te faafanau mai, a tapea ˈtu ai i te fanauraa?” te parau ra to oe Atua.
10 A popou e o Ierusalema e a oaoa e o ˈna,+ outou pauroa e here ra ia ˈna.+
A popou rahi e o ˈna, outou pauroa e oto ra no ˈna,
11 E hiihia hoi outou e e paia maitai outou i to ˈna û o te tamahanahanaraa.E inu maitai outou e e oaoa outou i te rahi o to ˈna hanahana.
12 Teie hoi ta Iehova e parau ra:
“Teie au e faatae nei i nia ia ˈna i te hau mai te hoê anavai+E te hanahana o te mau nunaa mai te hoê tahora pape uˈana.+
E hiihia outou, e amohia i nia i te tauupuE e faaouˈauˈahia outou i nia i te turi.
13 Mai te hoê metua vahine e tamahanahana i ta ˈna tamaiti,E tamau ïa vau i te tamahanahana ia outou.+E e tamahanahanahia outou no nia ia Ierusalema.+
14 E ite outou i te reira, e e oaoa to outou aau,E ruperupe to outou mau ivi mai te aihere ota.
E e faaite Iehova i to ˈna puai* i ta ˈna mau tavini,E faahapa râ oia i to ˈna mau enemi.”+
15 “E haere mai hoi Iehova mai te auahi,+E mai te mataˈi vero ta ˈna mau pereoo tamaˈi,+No te tahoo ia ratou i roto i te riri rahi,No te tamaˈi ma te ura auahi.+
16 I te auahi hoi e faatupu ai Iehova i ta ˈna haavaraa,Oia mau, i ta ˈna ˈoˈe, i nia i te taata atoa.E mea rahi ta Iehova e haapohe.
17 “Te feia e haamoˈa e e tamâ ia ratou no te tomo i roto i te mau ô,*+ a tia ˈtu ai i muri mai i to ropu, te feia e amu i te puaa+ e te mau mea faufau e te iore,+ o ratou pauroa te mou,” te parau ra Iehova.
18 “Ua ite hoi au i ta ratou mau ohipa e to ratou mau manaˈo, te haere mai nei ïa vau e haaputuputu i to te mau nunaa e reo atoa, e e haere mai ratou e e ite ratou i to ˈu hanahana.”
19 “E tuu vau i te tahi tapao i rotopu ia ratou, e e tono vau vetahi o te ora mai i te mau nunaa tei ore i faaroo i te parau no ˈu aore ra tei ore i ite i to ˈu hanahana, oia hoi i Taresisa,+ Pula e Luta,+ e feia teˈa, i Tubala e Iavana,+ e i te mau motu atea. E na ratou e faaite i to ˈu hanahana na rotopu i te mau nunaa.+
20 E faahaere mai ratou i to outou mau taeae atoa mai roto mai i te mau nunaa atoa+ ei ô na Iehova i nia i to ˈu mouˈa moˈa, o Ierusalema, na nia i te puaahorofenua, te pereoo rahi, te pereoo nainai, te niuru e te kamela vitiviti,” te parau ra Iehova, “mai to te nunaa o Iseraela afairaa i ta ratou ô i roto i te tahi farii viivii ore i te fare o Iehova.”
21 “E rave atoa vau vetahi ei tahuˈa e ei ati Levi,” te parau ra Iehova.
22 “Mai te raˈi apî hoi e te fenua apî+ ta ˈu e hamani nei o te vai tamau noa i mua ia ˈu,” te parau ra Iehova, “e vai tamau atoa ïa to outou huaai e to outou iˈoa.”+
23 “E mai tera avaˈe apî i tera avaˈe apî e mai tera Sabati i tera Sabati,E haere pauroa mai te taata e tipapa i mua* ia ˈu,”+ te parau ra Iehova.
24 “E haere ratou e hiˈo i te tino pohe o te feia tei orure hau ia ˈu.Eita hoi te mau tuˈa i nia iho ia ratou e pohe,Eita to ratou auahi e pohe,+E e riro ratou ei mea faufau na te taata atoa.”
Nota i raro i te api
^ Aore ra “haapeapea no.”
^ Huri-atoa-hia “tei arue i te tahi idolo.”
^ Aore ra “haapeapea no.”
^ Heb: “rima.”
^ Oia hoi e ô faataahia no te haamoriraa idolo.
^ Aore ra “haamori.”
