Isaia 64:1-12
64 Ahani oe i hahae i te raˈi e i pou mai,Ia aueue te mau mouˈa no oe,
2 Mai te amaamaa e ama i te auahi,E mai te pape e pihaa i te auahi,E ite ïa to oe mau enemi i to oe iˈoa,E e rûrû te mau nunaa i mua ia oe!
3 I to oe raveraa i te mau ohipa maere mau ta matou i ore i manaˈo aˈe e tupu,+Ua pou mai oe, e ua aueue te mau mouˈa i mua ia oe.+
4 Mai te tau mai â aita hoê i faaroo aore ra i haapao aˈenei,Aita atoa hoê mata i ite aˈenei i te tahi atu Atua ia oe,I te ohiparaa no te feia e tamau ra i te tiai ia ˈna.*+
5 Ua farerei oe i te feia e rave ra i te parau-tia ma te oaoa,+Te feia e haamanaˈo ra ia oe e e pee ra i to oe mau eˈa.
Inaha, ua inoino oe a rave noa ˈi matou i te hara,+Ua na reira matou no te hoê tau maoro.
Ia faaorahia anei ïa matou i teie nei?
6 E ua riro matou pauroa mai te tahi taata viivii,E e au ta matou mau ohipa parau-tia atoa i te hoê ahu tei viivii i te maˈi avaˈe.+
E mǎrô matou pauroa mai te hoê rauere,E e pee matou i ta matou mau hape mai te mataˈi ra.
7 Aita hoê e tiaoro nei i to oe iˈoa,Aita hoê e hauti nei no te tapea ia oe,Ua huna hoi oe i to oe aro ia matou,+E ua haaparuparu* roa oe ia matou no* ta matou hape.
8 I teie nei râ, e Iehova, o oe to matou Metua.+
O matou te araea, e o oe to matou Potera.*+E ohipa anaˈe matou na to oe rima.
9 Eiaha oe e inoino roa, e Iehova,+E eiaha e haamanaˈo i ta matou hape e a muri noa ˈtu.
A hiˈo mai na ia matou, e nunaa hoi matou pauroa no oe.
10 Ua riro to oe mau oire moˈa ei medebara.
Ua riro Ziona ei medebara,E Ierusalema ei vahi taata ore.+
11 Ta matou fare* moˈa e te hanahana,*I reira to matou mau tupuna i te arueraa ia oe,Ua paapaa ïa i te auahi,+E te vai ano ra te mau mea atoa ta matou i poihere.
12 E faaea noa anei ïa oe mai tera noa, e Iehova?
E mamû noa anei oe e e vaiiho anei oe ia haamauiuihia matou ma te ino mau?+
