Isaia 63:1-19
63 O vai tera e haere mai ra na Edoma+ mai,Na Bozara+ mai ma te ahu araaraa,*Ma te ahu nehenehe mau,O te taahi mai ra ma to ˈna puai rahi?
“O vau ïa, Tei paraparau ra ma te parau-tia,Tei ia ˈu ra te mana rahi no te faaora.”
2 No te aha mea uteute ai to oe ahu,E no te aha to oe ahu mai to te taata e taataahi ra i te vine i roto i te taataahiraa vine?+
3 “O vau anaˈe iho i te taataahiraa i te vine.
Aita hoê o te mau nunaa to pihai iho ia ˈu.
Ua taataahi noa vau i to ˈu mau enemi i roto i to ˈu riri,E ua tamau vau i te taataahi ia ratou i roto i to ˈu riri rahi tahoo.+
Ua pahi to ratou toto i nia i to ˈu ahu,E ua tafetafeta pauroa to ˈu ahu ia ˈu.
4 Ua faaoti hoi au e faatae mai i te mahana tahooraa,+E ua tae mai te matahiti o to ˈu feia hoohia mai.
5 Ua hiˈo vau, aita râ hoê no te tauturu mai.Ua maere au aita hoê i turu mai.
Faaora* maira ïa to ˈu rima ia ˈu,+E na to ˈu riri rahi tahoo i turu ia ˈu.
6 Ua taataahi au i te mau nunaa i roto i to ˈu riri,Ua faataero vau ia ratou i to ˈu riri rahi tahoo+E ua manii au i to ratou toto i raro i te fenua.”
7 E faahiti au i te mau ohipa here taiva ore a Iehova,Te mau ohipa a Iehova te au ia aruehia,No te mau mea atoa ta Iehova i rave no tatou,+Te mau mea maitai atoa ta ˈna i rave no te nunaa o Iseraela,Ia au i to ˈna aroha hamani maitai e te rahi o to ˈna here taiva ore.
8 Ua parau hoi oia: “O ratou mau â to ˈu nunaa, e tamarii o te ore e taiva.”*+
Riro atura ïa oia ei Faaora no ratou.+
9 I roto i to ratou mau tupuraa ahoaho atoa, ua ahoaho oia.+
E na ta ˈna iho vea* i faaora ia ratou.+
I roto i to ˈna here e aumihi i hoo mai ai oia ia ratou,+E ua faatia mai oia ia ratou e ua amo ia ratou i te mau mahana atoa i tahito ra.+
10 Ua orure hau râ ratou+ e ua faainoino i to ˈna varua moˈa.+
Riro atura ïa oia ei enemi no ratou,+E aro atura oia ia ratou.+
11 E haamanaˈo ihora ratou i te mau mahana i tahito ra,Te mau mahana o Mose ta ˈna tavini:
“Teihea Tei aratai ia ratou mai roto mai i te miti+ e te mau tiai o ta ˈna nǎnǎ?+
Teihea Tei tuu i roto ia ˈna i to ˈna varua moˈa,+
12 Tei apee i te rima atau o Mose i to ˈna rima hanahana,+Tei vahi i te pape i mua ia ratou+Ia haamanaˈohia to ˈna iˈoa e a muri noa ˈtu,+
13 Tei faahaere ia ratou na roto i te pape mataare,*A haere atu ai ratou ma te peretete ore,Mai te hoê puaahorofenua i te vahi papu?*
14 Mai te nǎnǎ animara ia pou mai i roto i te peho,E rave te varua o Iehova ia faafaaea ratou.”+
Mai tera oe i aratai ai i to oe nunaa,Ia faateiteihia to oe iˈoa.+
15 Mai nia mai i te raˈi, a hiˈo mai e ia ite oeMai to oe nohoraa teitei e te moˈa e te hanahana.*
Teihea to oe itoito rahi e to oe puai,Te pihaahaaraa o to oe aumihi*+ e to oe aroha hamani maitai?+
Ua faaere oe ia matou i te reira.
16 O oe hoi to matou Metua.+Noa ˈtu aita Aberahama i ite o vai matouE aita i taa ia Iseraela o vai matou,O oe, e Iehova, to matou Metua.
Tei hoo mai ia matou mea maoro aˈenei, o to oe ïa iˈoa.+
17 No te aha, e Iehova, e vaiiho ai oe ia overe* matou i rapae i to oe mau eˈa?
No te aha oe e vaiiho ai i to matou aau ia etaeta,* a ore atu ai matou e mǎtaˈu ia oe?+
A hoˈi mai, no te maitai o ta oe mau tavini,To oe mau opu.+
18 E taime poto i fatu ai to oe nunaa moˈa i te reira.
Ua taataahi to matou mau enemi i to oe nao.*+
19 Mea maoro roa hoi ua riro matou mai te feia aita oe i faatere aˈenei,Mai te feia aita i amo aˈenei i to oe iˈoa.
Nota i raro i te api
^ Huri-atoa-hia “uteute araaraa.”
^ Aore ra “Faaupootia.”
^ Aore ra “haavare.”
^ Aore ra “te melahi no mua i to ˈna aro.”
^ Aore ra “hohonu.”
^ Aore ra “medebara?”
^ Heb: “Te horuhoruraa o to oe aau.”
^ Aore ra “nehenehe.”
^ Aore ra “e faaovere ai ia.”
^ Heb: “e faaetaeta ˈi i to matou aau.”
