Isaia 61:1-11
61 Tei nia iho ia ˈu te varua o te Arii hau ê e Fatu ra o Iehova,+No te mea ua faatavai Iehova ia ˈu no te faaite i te parau apî oaoa i te feia mǎrû.+
Ua tono mai oia ia ˈu no te taamu i te pepe o te feia aau mauiui,No te faaite i te mau tîtî e tiamâ ratouE i te feia tei tapeahia e araara maitai to ratou mata,+
2 No te faaite haere i te matahiti hamani maitai* o IehovaE te mahana tahooraa o to tatou Atua,+No te tamahanahana i te feia atoa e oto ra,+
3 No te aupuru i te feia no Ziona ratou e oto ai,No te horoa no ratou i te tahi taupoo faanehenehe eiaha râ te rehu,Te monoˈi o te oaoa eiaha râ o te oto,Te ahu o te arueraa eiaha râ te feruriraa toaruaru.
E e parauhia ratou tumu raau rarahi o te parau-tia,Tei tanuhia e Iehova, no te faahanahana* ia ˈna.+
4 E patu faahou ratou i te mau vahi tahito tei huˈahuˈa.E faatia mai ratou i te mau vahi faaruehia no tahito ra,+E e tataî ratou i te mau oire tei vavahihia,+Te mau vahi tei vai ano i tera e tera uˈi.+
5 “E tia mai te mau taata ěê e na ratou e faaamu i ta outou mau nǎnǎ,E o te mau taata ěê+ to outou mau taata faaapu e tanu vine.+
6 Outou râ, e piihia outou e tahuˈa na Iehova.+E pii ratou ia outou te mau tavini a to tatou Atua.
E amu outou i te faufaa a te mau nunaa,+E e haapeu outou i to ratou hanahana.*
7 E tuhaa tataipitihia ta to ˈu nunaa e fanaˈo eiaha râ te haama,E e umere ratou no ta ratou tuhaa eita râ ratou e haama.
Oia mau, e tuhaa tataipitihia te noaa ia ratou i to ratou fenua.+
E oaoa ratou e a muri noa ˈtu.+
8 Mea au roa hoi na ˈu, o Iehova, i te parau-tia.+Mea au ore roa na ˈu i te eiâ e te parau-tia ore.+
E horoa iho â vau ma te haapao maitai i ta ratou aufauraa,E e faaau vau i te tahi faufaa mure ore ia ratou.+
9 E itehia o vai ma to ratou huaai i rotopu i te mau nunaa+E ta ratou mau tamarii i rotopu i te mau taata.
E taa i te taata atoa e ite ia ratou o vai ratou,Oia hoi e huaai ratou ta Iehova i haamaitai.”+
10 E oaoa roa vau ia Iehova.
E oaoa vau* i to ˈu Atua.+
Ua faaahu hoi oia ia ˈu i te ahu o te faaoraraa.+Ua vehî oia ia ˈu i te ahu roa* o te parau-tia,Mai te tahi tane e faaipoipo ra o te amo i te taamu upoo mai to te tahuˈa,+E mai te tahi vahine e faaipoipo ra o te faanehenehe ia ˈna i to ˈna mau faaunauna.
11 Mai te fenua hoi o te faaoteo mai i te hueroE mai te ô o te faaoteo mai i tei tanuhia,E faaoteo+ atoa mai ïa te Arii hau ê e Fatu ra o IehovaI te parau-tia+ e te arueraa i mua i te mau nunaa atoa.
