Isaia 6:1-13
6 I te matahiti i pohe ai te arii Uzia,+ ite ihora vau ia Iehova e parahi ra i nia i te tahi terono teitei mau,+ e ua î te hiero i te hiti o to ˈna ahu.
2 Te tia ra te tahi mau seraphi i nia ˈˈe ia ˈna, e ono pererau to ratou tataitahi. E piti pererau no te tapoˈi i to ratou* hohoˈa mata, e piti pererau no te tapoˈi i to ratou avae e e piti pererau no te rere.
3 Paraparau aˈera ratou te tahi i te tahi:
“E moˈa, e moˈa, e moˈa Iehova o te mau nuu.*+
Ua î te fenua taatoa i to ˈna hanahana.”
4 Rûrû aˈera te pou o te mau tomoraa i te haruru o te piiraa,* e î ihora te fare i te au auahi.+
5 Na ô ihora vau: “Ua ati au!
Papu e pohe au,*E taata utu viivii hoi au,E e ora na vau i rotopu i te feia utu viivii.+Ua ite hoi to ˈu mata i te Arii, o Iehova o te mau nuu!”
6 I reira, rere maira hoê seraphi ia ˈu ra, e e arahu ura+ ta ˈna i rave i nia i te fata+ i te tapea.
7 Tapea maira oia i to ˈu vaha e parau maira:
“Inaha, ua tanohia to oe utu i te reira.
Ua faaorehia ta oe hapa,E ua faaorehia* ta oe hara.”
8 Faaroo ihora vau i te reo o Iehova i te na ôraa: “O vai ta ˈu e tono, e o vai te haere no tatou?”+ Parau ihora vau: “Teie au! A tono ia ˈu!”+
9 Pahono maira oia ia ˈu: “A haere, e a parau i teie nunaa:
‘E na nia iho noa outou i te faaroo i te reira,Eita râ outou e taa.E ite â outou i taua mea noa ra,Aita râ e haapiiraa ta outou e tapea mai.’+
10 A faariro i te aau o teie nunaa ei aau etaeta,+A faariro i to ratou tariˈa ei tariˈa faaroo ore,+E a tapiri i to ratou mata,Ia ore to ratou mata ia iteE to ratou tariˈa ia faaroo,Ia ore to ratou aau ia taaE ia ore ratou ia hoˈi mai a faaorahia mai ai to ratou maˈi.”+
11 Pahono atura vau: “Ehia maororaa, e Iehova?” Parau maira oia:
“Ia purehu roa te mau oire e aita faahou anaˈe e taata e parahi ra i rotoE aita anaˈe e taata i roto i te mau fareE ia ano roa te fenua e aita anaˈe e taata.+
12 Ia faaatea ê roa Iehova i te taata+E ia parare roa te vai-ano-raa o te fenua.
13 E toe noa mai râ hoê tuhaa i nia ahuru o te nunaa o Iseraela, e e tanina-faahou-hia te reira, mai te tahi tumu raau rahi e mai te tahi tumu alona. O te tumu i raro noa te toe ua tâpû-anaˈe-hia te reira. E ohi* moˈa te tupu mai roto mai i tera tumu i raro.”
Nota i raro i te api
^ Heb: “to ˈna.”
^ Aore ra “sabaota.”
^ Heb: “te haruru o te reo o tei pii ra.”
^ Heb: “Ua haamamûhia vau.”
^ Aore ra “huaai.”
