Isaia 53:1-12
53 O vai tei tiaturi i te mau parau ta matou i faaite atu?*+
E ua faaitehia+ te puai o te rima o Iehova+ ia vai?
2 E tia mai oia mai te tahi ohi+ i mua ia ˈna,* mai te tahi aˈa i te tahi fenua mǎrô.
Aita oia e hohoˈa ra i te tahi taata tiaraa teitei, aore ra taata taoˈa rahi.+E ia ite tatou ia ˈna, eita tatou e au i to ˈna hohoˈa.*
3 I vahavahahia na oia e i apehia na e te taata,+Tera taata tei faataahia no* te mauiui e tei matau i te maˈi.
Mai te huru ra ua hunahia to ˈna hohoˈa mata ia tatou nei.*
I vahavahahia na oia, e ua haafaufaa ore tatou ia ˈna.+
4 Ua rave mau â oia i to tatou mau maˈi,+E ua amo oia i to tatou mau mauiui.+
Ua manaˈo râ tatou e ua faautuahia, ua tairihia e ua haamauiuihia oia e te Atua.
5 Tera râ, ua patiahia oia+ no ta tatou mau hapa.+Ua haamauiui-roa-hia oia no ta tatou mau hape.+
Ua faautuahia oia ia ite tatou i te hau,+E maoti to ˈna mau pepe i ora ˈi to tatou maˈi.+
6 Ua overe haere noa tatou pauroa mai te mamoe,+A haere ai te taata tataitahi na to ˈna iho eˈa,E ua faatae Iehova i nia ia ˈna i te hape ta tatou pauroa i rave.+
7 I haavîhia na oia+ e ua vaiiho oia ia hamani-ino-hia oia,+Aita oia i hamǎmǎ i to ˈna vaha.
Ua arataihia oia mai te hoê mamoe i te tupairaa,+Mai te tahi mamoe e mamû noa i mua i te feia e hahu ia ˈna,E aita oia i hamǎmǎ i to ˈna vaha.+
8 No te faaheporaa e te haavaraa i ravehia ˈi oia.E o vai te haapao i to ˈna pǎpǎraa tupuna?*
Ua iriti-ê-hia oia mai te fenua ˈtu o te feia ora.+No te hapa a to ˈu nunaa i tairihia ˈi* oia.+
9 E ua horoahia te tahi* vahi hunaraa no ˈna i pihai iho i te feia ino,+Ua hunahia oia i pihai iho i te feia* taoˈa rahi i to ˈna poheraa+Noa ˈtu aita oia i rave i te ino*E aita e haavare i roto i to ˈna vaha.+
10 O te hinaaro râ o* Iehova ia haamauiui roa ia ˈna, e ua vaiiho oia ia maˈihia oia.
Ia pûpû oe i to ˈna ora ei tusia no te hapa,+E ite ïa oia i to ˈna huaai, e roa ˈtu â to ˈna mau mahana,+E na roto ia ˈna e tupu ai te hinaaro o* Iehova.+
11 No to ˈna* mauiui,* e mauruuru oia i ta ˈna e ite.
Na roto i to ˈna ite, e tauturu te taata parau-tia, ta ˈu tavini,+I te taata e rave rahi ia fanaˈo i te tiaraa taata parau-tia,+E na ˈna e amo i ta ratou mau hape.+
12 No reira vau e faataa ˈi i te tuhaa na ˈna i rotopu i te nahoa taata,E e tufa oia e te mau aito i tei haruhia,No te mea ua manii oia i to ˈna ora* tae roa i te pohe+E ua amuihia oia i te feia ofati ture.+Ua hopoi oia i te hara a te taata e rave rahi,+E ua tia ˈtu oia no te feia ofati ture.+
Nota i raro i te api
^ Huri-atoa-hia “i ta matou i faaroo?”
^ Te tahi taata mataitai paha aore ra te Atua.
^ Aore ra “e ere to ˈna i te hohoˈa faahiahia a hinaaro atu ai tatou ia ˈna.”
^ Huri-atoa-hia “Mai te tahi taata oia e fariu ê ai te taata i to ratou hohoˈa mata.”
^ Aore ra “tei taa ia ˈna.”
^ Aore ra “huru oraraa.”
^ Aore ra “tairi-pohe-hia ˈi.”
^ Aore ra “e horoa te tahi taata i to ˈna.”
^ Heb: “taata.”
^ Aore ra “ohipa haavî uˈana.”
^ Aore ra “e mauruuru roa ˈi.”
^ Aore ra “Ua tia râ ia.”
^ Aore ra “hepohepo rahi.”
