Isaia 52:1-15
52 A ara mai! A ara mai! A ahu mai i te puai,+ e Ziona!+
A oomo i to oe mau ahu nehenehe,+ e Ierusalema, te oire moˈa!
E ore roa hoi te feia peritome-ore-hia e te feia viivii e tomo faahou mai i ǒ oe.+
2 A tia mai, a tûtû i te repo i nia ia oe e a parahi, e Ierusalema.
A tatara i te mau taura i nia i to oe aˈî, e te tamahine o Ziona tei hopoi-tîtî-hia.+
3 Teie hoi ta Iehova e parau ra:
“Ua hoohia ˈtu oe ma te tamoni ore,+E e hoohia mai oe ma te tamoni ore.”+
4 Teie hoi ta te Arii hau ê e Fatu ra o Iehova e parau ra:
“Na mua roa, ua pou to ˈu nunaa i Aiphiti e ora ei feia ěê.+I muri aˈe, ua hamani ino Asura ia ratou aita e tumu.”
5 “Eaha ïa ta ˈu e rave?” te parau ra Iehova.
“Ua ravehia hoi to ˈu nunaa ma te tamoni ore.
Te tamau ra te feia e faatere ra ia ratou i te huro,”+ te parau ra Iehova,“E i te mahana taatoa, e faatura-ore-noa-hia to ˈu iˈoa.+
6 No reira to ˈu nunaa e ite ai i to ˈu iˈoa.+No reira ratou e ite ai i tera mahana o vau teie e paraparau nei.
Inaha, o vau!”
7 Auê te nehenehe i nia i te mau mouˈa te avae o tei hopoi ra i te parau apî oaoa,+Tei faaite haere ra i te hau,+Tei hopoi ra i te parau apî oaoa o te tahi mea maitai aˈe,Tei faaite ra i te faaoraraa,Tei parau ra ia Ziona: “Ua riro to oe Atua ei Arii!”+
8 A faaroo! Te faateitei ra to oe mau tiai i to ratou reo.
Te umere amui ra ratou,E ite maitai hoi ratou* ia haaputuputu faahou mai Iehova ia Ziona.
9 A ataata, a umere amui, outou te mau vahi ano o Ierusalema,+Ua tamahanahana hoi Iehova i to ˈna nunaa.+ Ua hoo mai oia ia Ierusalema.+
10 Ua oviriviri Iehova i te rima ahu o to ˈna rima moˈa i mua i te mata o te mau nunaa atoa.+Pauroa to te hopea o te fenua te ite i te mau ohipa faaoraraa* a to tatou Atua.+
11 A fariu ê, a fariu ê, a haere ê mai i rapae,+ eiaha e tapea i te tahi mea viivii!+
A haere ê mai i rapae mai rotopu mai ia ˈna,+ ia vai viivii ore noa outou,Outou e taˈitaˈi ra i te mau taihaa a Iehova.+
12 Eita hoi outou e haere ma te ahoaho,Eita atoa outou e horo ê,O Iehova hoi te haere na mua ia outou,+E o te Atua o Iseraela te paruru ia outou na muri.+
13 Inaha, e ohipa ta ˈu tavini+ ma te haroˈaroˈa.
E tuuhia oia i nia,E faateiteihia oia e e faahanahanahia.+
14 Mea rahi tei hiˈo maere ia ˈna,Ua faahuru-ê-hia hoi oia hau aˈe i te tahi atu taataE to ˈna nehenehe hau aˈe i to te huitaata.
15 E na reira atoa e rave rahi nunaa e hitimahuta ˈi ia ˈna.+
E tapiri te mau arii i to ratou vaha* i mua ia ˈna,+No te mea e ite ratou i tei ore i faatiahia ia ratouE e haapao i ta ratou i ore i faaroo.+
Nota i raro i te api
^ Aore ra “E ite hoi ratou, te mata e te mata.”
^ Aore ra “te upootiaraa.”
^ Aore ra “E mamû te mau arii.”
