Isaia 47:1-15
47 A pou mai e a parahi i raro i te repo,E te tamahine apî* o Babulonia.+
A parahi i raro i te vahi aita e terono,+E te tamahine a te mau Kaladaio,Eita faahou hoi oe e piihia e tamahine huiarii.
2 A rave i te tahi taviri huero maa e a oro i te huero maa ei faraoa ota.
A tatara i to oe puroˈu.
A tatara i to oe piritoti, e ia vai tahaa to oe avae.
A na roto atu i te mau anavai.
3 E faaitehia to oe vai-tahaa-raa.
E faaitehia to oe haama.
E tahoo vau,+ e aita hoê e tia i nia i to ˈu eˈa no te patoi ia ˈu.*
4 “Tei hoo mai ia matou,O Iehova o te mau nuu* to ˈna iˈoa,O ˈna Tei Moˈa o Iseraela.”+
5 A parahi mamû noa i reira e a tomo i roto i te poiri,E te tamahine a te mau Kaladaio.+Eita oe e pii-faahou-hia arii* vahine o te mau faatereraa arii.+
6 Ua riri roa vau i to ˈu nunaa.+
Ua vahavaha vau i ta ˈu tuhaa,+E ua tuu atu ia ratou i to oe rima.+
Aita râ oe i aroha ia ratou.+
I nia atoa i te ruhiruhia ua tuu oe i te hopoia teimaha.+
7 Ua parau oe: “O vau noa â te arii* vahine, e a muri noa ˈtu.”+
Aita oe i feruri i teie mau mea.Aita oe i imi eaha te hopea o te reira.
8 I teie nei, a faaroo mai i teie parau, oe o te au na i te mau mea navenave,+O te parahi ra ma te taiâ ore, o te parau ra i roto i to oe aau:
“O vau teie, e aita ˈtu.+
Eita vau e riro ei vahine ivi.
Eita roa ta ˈu tamarii e pohe.”+
9 I roto râ hoê noa mahana,+ e roohia oe i teie e piti ati:
E pohe ta oe tamarii e e riro oe ei vahine ivi.
E roohia iho â oe i tera e piti ati+No* ta oe rahiraa peu tahutahu e pauroa ta oe pifao puai mau.+
10 Ua tiaturi oe i to oe ino.
Ua parau oe: “Aita e taata e ite mai ra ia ˈu.”
Na to oe paari e to oe ite i faahahi ê ia oe,E ua parau oe i roto i to oe aau: “O vau teie, e aita ˈtu.”
11 E roohia râ oe i te ati,E eita hoê o ta oe mau peu tahutahu e tapea i te reira.*
E fifi te topa i nia ia oe. Eita ta oe e nehenehe e ape i te reira.
A tahi ra oe a roohia ˈi i te haamouraa mai teie te huru.+
12 A tamau ïa i ta oe mau pifao e ta oe peu tahutahu e rave rahi,+O ta oe hoi i tutava i te rave mai to oe apîraa mai.
Peneiaˈe e faufaahia oe.Peneiaˈe e mǎtaˈu roa te taata ia oe.
13 Ua rohirohi roa oe i te rahiraa o to oe feia aˈo.
Ia tia mai ratou i teie nei e ia faaora ratou ia oe,Ratou e haamori ra i te raˈi,* e hiˈo ra i te fetia,+Ratou e horoa ra i te ite, i te avaˈe apî,No nia i te tupu i nia ia oe.
14 Inaha, e au ratou i te sitona mǎrô.
E paapaa ratou i te auahi.
Eita ratou e nehenehe e faaora ia ratou iho i te puai o te auahi.
E ere ratou i te arahu no te haamahanahana,E e ere teie i te auahi no te parahi i pihai iho.
15 Tera ïa te huru o to oe feia tahutahu no oe,Te feia no ratou oe i rohi ai mai to oe apîraa mai.
E overe ratou, te taata tataitahi i to ˈna haereraa.*
Aita hoê no te faaora ia oe.+
Nota i raro i te api
^ Heb: “aita i taoto aˈenei i te tane.”
^ Huri-atoa-hia “eita vau e faaherehere i te taata ta ˈu e farerei.”
^ Aore ra “sabaota.”
^ Aore ra “fatu.”
^ Aore ra “fatu.”
^ Huri-atoa-hia “Noa ˈtu.”
^ Aore ra “eita oe e ite e nafea ia faaatea i te reira na roto i ta oe mau peu tahutahu.”
^ Huri-atoa-hia “e tufa ra i te raˈi,” “Te feia hiˈo fetia.”
^ Heb: “i to ˈna tuhaa fenua.”
