Isaia 44:1-28
44 Teie nei, a faaroo mai e Iakoba ta ˈu tavini,E oe, e Iseraela, ta ˈu i maiti.+
2 Teie te parau a Iehova,Tei hamani e tei haamau ia oe,+Tei tauturu ia oe mai te opu* mai:
‘Eiaha e mǎtaˈu, ta ˈu tavini Iakoba,+E oe, e Iesuruna,*+ ta ˈu i maiti.
3 E manii hoi au i te pape i nia i tei poihâ*+E te tahora pape i nia i te repo mǎrô.
E ninii au i to ˈu varua i nia i to oe huaai+E ta ˈu haamaitairaa i nia i ta oe mau tamarii.
4 E e oteo mai ratou i roto i te aihere,+Mai te tumu arobe i pihai iho i te mau taheraa pape.
5 E parau te tahi: “No Iehova vau.”+
E topa te tahi ia ˈna iho i te iˈoa o Iakoba.E papai te tahi atu i nia i to ˈna rima: “No Iehova,”
E e rave oia i te iˈoa o Iseraela.’
6 Teie te parau a Iehova,Te Arii o Iseraela+ e Tei hoo mai ia ˈna,+ Iehova o te mau nuu:*
‘O vau te matamua e o vau te hopea.+
Aita ˈtu e Atua, o vau anaˈe.+
7 O vai mai ia ˈu nei?+
Ia tuô mai oia, ia faaite i te reira e ia haapapu mai i te reira ia ˈu!+
Mai te tau i haamau ai au i te nunaa i tahito ra,Ia faaite mai oia i te mau mea e tupu a muri aˈeE eaha â te tupu i muri mai.
8 Eiaha e riaria,E eiaha e paruparu i te mǎtaˈu.+
Aita anei au i paraparau atea ia outou tataitahi e i faaite i te reira?
O outou to ˈu mau ite.+
Te vai ra anei te tahi Atua taa ê atu ia ˈu?
Aita, aita e Mato ê atu.+ Aita vau i ite hoê noa ˈˈe.’”
9 Pauroa tei tarai i te tii, mea faufaa ore,E ta ratou mau taihaa poiherehia, aita e faufaa.+
Mai to ratou mau ite, aita ratou* e ite ra i te tahi mea e mea maramarama ore ratou,+No reira ïa te feia i hamani i te reira e haama ˈi.+
10 O vai hoi te hamani i te atua aore ra te faatô* i te tiiAita e faufaa to te reira?+
11 Inaha, e haama pauroa to ˈna apiti!+
E taata noa hoi te mau tane rimaî.
Ia putuputu ratou pauroa e ia tia mai.
E mǎtaˈu e e haama ratou pauroa.
12 E tahu te taata tupai auri i te auri i nia i te arahu e ta ˈna mauhaa.*
E hamani oia i te tahi hohoˈa i te hamara,A tupaipai ai i te reira i to ˈna rima puai.+
E poia oia i muri iho e e iti mai to ˈna puai.Eita oia e inu i te pape e e rohirohi oia.
13 E toro te taata nanaˈo raau i te taura faito, a reni atu ai i te hohoˈa i te puˈa papai.
E nanaˈo oia i te reira i te paaro raau e e tapao oia i te reira i te faareni menemene.
E hohoˈa taata ta ˈna e hamani,+Te nehenehe o te tahi taata,No te tuu i roto i te fare.*+
14 Te vai ra te tahi taata e tâpû tumu arezi ta ˈna ohipa.
E maiti oia i te tumu raau, te tumu alona,E e vaiiho oia ia tupu maitai te reira i rotopu i te mau tumu raau o te uru raau.+
E tanu oia i te tahi tumu arana e na te ûa e faatupu mai.
15 I muri iho e riro te reira ei vahie na te tahi taata no te tahu i te auahi.
E rave oia i te tahi tuhaa o te reira no te haamahanahana ia ˈna.E tahu oia i te auahi e e tunu oia i te faraoa.
E hamani atoa râ oia i te tahi atua e e haamori oia i te reira.
E tarai oia i te tahi tii e e tipapa oia i mua i te reira.+
16 E tahu oia i te afaraa o te reira i te auahi.E i taua afaraa ra e tunu paa oia i te iˈo animara ta ˈna e amu, a paia ˈtu ai oia.
E haamahanahana atoa oia ia ˈna e e parau oia:
“Auê! Ua mahanahana vau a hiˈo noa ˈi i te auahi.”
17 I te toea râ o te reira e hamani oia i te atua, te tii taraihia na ˈna.
E tipapa oia i mua i te reira a haamori atu ai.
E pure oia i te reira e e parau oia:
“A faaora ia ˈu, o oe hoi to ˈu atua.”+
18 Aita e ite to ratou, aita e maramarama to ratou,+No te mea ua piri roa to ratou mata e eita ta ratou e nehenehe e ite,E aita e haroˈaroˈa to to ratou aau.
19 Aita hoê e feruri ra i roto i to ˈna aau,Aita atoa e ite aore ra e maramarama to ˈna a parau ai:
“Te afaraa o te reira ta ˈu i tahu i te auahi,E i nia i taua arahu ra vau i tunu ai i te faraoa e i tunu paa ˈi i te iˈo animara no te amu.
Ia hamani anei ïa vau i te tahi mea hairiiri i te toea o te reira?+
Ia haamori anei au i te tâpû raau?”*
20 E amu oia i te rehu.
Ua hahi ê oia no to ˈna aau tei haavarehia.
Eita oia e nehenehe e faaora ia ˈna iho,* eita atoa oia e parau:
“E ere anei i te haavare tei to ˈu rima atau?”
21 “A haamanaˈo i teie mau mea, e Iakoba, o oe atoa e Iseraela,O oe hoi ta ˈu tavini.
Na ˈu i hamani ia oe e e tavini oe na ˈu.+
E Iseraela, e ore oe e moˈe ia ˈu.+
22 E haamoˈe au i ta oe mau hapa mai i muri mai i te tahi ata+E ta oe mau hara mai i muri mai i te tahi ata meumeu.
A hoˈi mai ia ˈu nei, na ˈu hoi e hoo mai ia oe.+
23 A umere, oe te raˈi,Ua ohipa hoi Iehova!
A huro, outou te mau hohonuraa o te fenua!
A tuô ma te oaoa, outou te mau mouˈa,+Oe te uru raau, e to oe mau tumu raau atoa!
Ua hoo mai hoi Iehova ia Iakoba,E te faaite ra oia i to ˈna unauna i nia ia Iseraela.”+
24 Teie te parau a Iehova, Tei hoo mai ia oe,+Tei hamani ia oe to roto noa â oe i te opu:
“O vau o Iehova, tei hamani i te mau mea atoa.
Na ˈu noa i hohora i te raˈi,+E na ˈu i vauvau i te fenua.+
O vai tei tauturu na ia ˈu?
25 Te haafifi nei au i te mau tapao a te mau taata paraparau faufaa ore,*E o vau tei rave ia ohipa te feia hiˈohiˈo mai te maamaa,+Tei haapainu i te mau tane feruriraa paariE tei taui i to ratou ite ei mea maamaa,+
26 Tei faatupu i te parau a ta ˈna taviniE tei faatupu hope roa i te mau tohu a ta ˈna mau vea,+Tei parau no Ierusalema: ‘E parahihia oia e te taata,’+
E no te mau oire o Iuda: ‘E patu-faahou-hia ratou,+E e patu faahou vau ia Ierusalema tei huˈahuˈa,’+
27 Tei parau no te mau pape hohonu: ‘Ia mǎrô outou,E e haamǎrô vau i ta outou mau anavai atoa.’+
28 Tei parau no Kuro:+ ‘O ˈna ta ˈu tiai,E e faatupu hope roa oia i to ˈu hinaaro,’+Tei parau no Ierusalema: ‘E patu-faahou-hia oia,’
E no te hiero: ‘E haamauhia to oe niu.’”+
Nota i raro i te api
^ Aore ra “mai te fanauraa.”
^ “Taata afaro” te auraa, e tiaraa faaturahia o Iseraela.
^ Aore ra “fenua mǎrô.”
^ Aore ra “sabaota.”
^ Oia hoi te mau tii.
^ Aore ra “faatahe.”
^ Aore ra “tipi fefe.”
^ Aore ra “vahi haamoriraa.”
^ Aore ra “tâpû raau mǎrô.”
^ Aore ra “peropheta haavare.”
