Isaia 28:1-29
28 Ua ati te hei arii* faahua* o te mau taero ava o Epheraima+E te tiare maemae o to ˈna nehenehe hanahana,Tei nia i te peho ruperupe o te feia tei taero i te uaina!
2 Inaha, e taata pautuutu e te puai to Iehova.
Mai te vero ûa paari, te vero mataˈi haamou,Mai te vero uira o te pape pue uˈana,E huri oia i te reira i raro i te fenua.
3 E taataahihia i te avae+Te mau hei arii faahua* o te feia taero ava o Epheraima.
4 E e riro te tiare maemae o to ˈna nehenehe hanahana,Tei nia i te peho ruperupe,Mai te tumu suke tei maahia na mua ˈˈe i te tau auhune.
Ia itehia ˈtu, e pofaihia a horomiihia ˈtu ai i reira iho.
5 I tera mahana, e riro Iehova o te mau nuu* ei hei upoo hanahana e ei hei nehenehe no te toea o to ˈna nunaa.+
6 E e riro oia ei varua parau-tia no te taata haava e ei tumu o te puai no te feia e faaatea ra i te aroraa i te uputa.+
7 E e hahi ê atoa ratou no te uaina.E peretete ratou i ta ratou mau ava.
E hahi ê te tahuˈa e te peropheta no te ava.E faahuru ê te uaina i to ratou feruriraa.E e peretete ratou no ta ratou ava.E hahi ê ratou i ta ratou mau orama,E e turori ratou i ta ratou mau haavaraa.+
8 Ua î hoi ta ratou mau amuraa maa i te pihaˈe faufau,Aita e vahi aita e pihaˈe i nia iho.
9 E horoahia te ite ia vai,E e faataahia te poroi ia vai?
I tei mairi noa ˈtu ra ta ratou û,Tei tatara-noa-hia ˈtu mai nia mai i te tîtî?
10 Mai teie hoi: “E faaueraa na nia iho i te faaueraa, e faaueraa na nia iho i te faaueraa,E reni na nia iho i te reni, e reni na nia iho i te reni,*+Maa vahi iti i ǒ nei, maa vahi iti i ǒ atu.”
11 Na roto ïa i te feia e uu ra* e e paraparau ra i te reo ê e paraparau ai oia i teie nunaa.+
12 Ua parau râ oia ia ratou: “Teie te vahi faafaaearaa. Ia faafaaea tei paruparu. Teie te vahi no te tamǎrûraa,” aita râ ratou i hinaaro e faaroo.+
13 Teie ïa ta Iehova e parau ia ratou:
“E faaueraa na nia iho i te faaueraa, e faaueraa na nia iho i te faaueraa,E reni na nia iho i te reni, e reni na nia iho i te reni,*+Maa vahi iti i ǒ nei, maa vahi iti i ǒ atu,”
E ia haere ratou,E turori e e topa ofera ratou.E fatifati, e topa ratou i roto i te marei e e noaahia.+
14 A faaroo ïa i te parau a Iehova, outou faaoru ma,Outou te feia faatere i teie nunaa i Ierusalema,
15 E parau hoi outou:
“Ua faaau hoi matou i te tahi faufaa ia Pohe ra,+E e faaauraa* ta matou ia Apoo ra.
Ia tae mai te ûa rahi,Eita matou e raeahia,Ua haapu hoi matou i roto i te hoê haavareE ua tapuni matou i roto i te hoê mea hape.”+
16 No reira, teie ta te Arii hau ê e Fatu ra o Iehova e parau ra:
“Te haamau nei au i Ziona i te tahi ofai tamatahia,+Te ofai tihi faufaa roa+ o te hoê niu papu.+
Eita te taata o te faatupu i te faaroo e taiâ.+
17 E e riro ia ˈu te ture tia ei reni faito+E te parau-tia ei mauhaa faaafaro reni.*+
E vavahi te ûa paari i te haapuraa o te mau haavare,E e pape-pue-hia te vahi hunaraa.
18 E faaorehia ta outou faufaa ia Pohe ra,E eita ta outou faaauraa ia Apoo* ra e mau.+
Ia tae mai te ûa rahi,E perehu roa outou i te reira.
19 Ia tae noa mai te reira,E hopoi-ê-hia outou.+E tae mai hoi te reira i tera e tera poipoi,Ia ao e ia po.
Maoti noa te mehameha e taa ˈi i te taata tei faaroohia.”*
20 Mea poto roa hoi te roˈi no te tarava roa i nia iho,E mea huˈa roa te tapoˈi no te puohu atu.
21 E tia hoi Iehova i nia mai i te mouˈa Perazima.E hautiuti oia mai i te peho i pihai iho ia Gibeona,+No te rave i ta ˈna ohipa, ta ˈna ohipa maere,E ia faatupu oia i ta ˈna ohipa, ta ˈna ohipa maere.+
22 Atira na ïa outou i te faaooo,+Ia ore te taura i taamuhia ˈi outou ia vî atu â,Ua faaroo hoi au i te Arii hau ê e Fatu ra o Iehova o te mau nuuE ua faaotihia e haamou i te fenua taatoa.+
23 A horoa mai i te tariˈa faaroo e a faaroo i to ˈu reo.A haapao e a faaroo i ta ˈu e parau.
24 E arote anei te taata arote i te mahana taatoa hou a ueue ai i te huero?
E utaru e e haapaari noa anei oia i te repo?+
25 Ia manina ia ˈna te repo,Eita anei oia e hue i te kumina ereere e e ueue i te kumina i reira?E eita anei oia e tanu i te sitona, te mileto e te kerite no te mono i te reiraE te sitona oviri+ na te hiti?
26 Mea tano hoi te huru haapiiraa* a to ˈna Atua ia ˈna.Na ˈna e haapii ia ˈna.+
27 Eita te kumina ereere e haaperehuhia i te mauhaa taataahi huero maa,+E eita te huira pereoo e faahaerehia na nia iho i te kumina.
E tairihia râ te kumina ereere i te raau,E te kumina i te tâpû raau.
28 E haaperehu anei te taata i te huero maa no te faraoa?
Eita, eita oia e tairi noa.+E ia faahaere oia i te huira pereoo puaahorofenua i nia iho,Eita oia e haaperehu i te reira.+
29 No ǒ atoa mai te reira ia Iehova o te mau nuu,Ta ˈna te aˈoraa* faahiahiaE ta ˈna te raveraa puai mau.*+
Nota i raro i te api
^ Aore ra “faateitei,” “teoteo.”
^ Eita e ore o te oire pu o Samaria.
^ Aore ra “faateitei,” “teoteo.”
^ Aore ra “sabaota.”
^ Aore ra “E reni faito na nia iho i te reni faito, e reni faito na nia iho i te reni faito.”
^ Heb: “utu uu.”
^ Aore ra “E reni faito na nia iho i te reni faito, e reni faito na nia iho i te reni faito.”
^ Huri-atoa-hia “orama.”
^ Aore ra “taura tapau.”
^ Huri-atoa-hia “Ia taa i te taata, e mehameha ratou.”
^ Aore ra “aˈoraa,” “tamaˈiraa.”
^ Aore ra “opuaraa.”
^ Aore ra “to ˈna ra te paari mau maere.”
