Isaia 26:1-21
26 I tera mahana, e himenehia teie himene+ i te fenua o Iuda:+
“E oire etaeta to tatou.+
E horoa ˈtu oia* i te faaoraraa ei patu e ei aua.+
2 A tatara i te mau uputa+ ia nehenehe te nunaa parau-tia e tomo,E nunaa haerea haapao maitai noa.
3 E paruru oe i te feia e turui papu ra i nia ia oe.*E faafanaˈo oe ia ratou i te hau mure ore,+No te mea o oe ta ratou e tiaturi ra.+
4 A tiaturi ia Iehova e a muri noa ˈtu,+O Ia* Iehova hoi te Mato mure ore.+
5 Ua faahaehaa hoi oia i tei noho ra i te vahi teitei, te oire teitei.
Ua tuu oia i te reira i raro,Ua tuu oia i te reira i raro i te fenua,Ua taora oia i te reira i raro i te repo.
6 E taataahihia te reira i te avae,Te avae o tei hamani-ino-hia, te taahiraa a te feia riirii.”
7 Mea afaro* te eˈa o te taata parau-tia.
No te mea e mea afaro oe,E haamanina oe i te purumu o te taata parau-tia.
8 Te pee nei hoi matou i te eˈa o ta oe mau haavaraa, e Iehova,Tei ia oe ra to matou tiaturiraa.
E hinaaro rahi to matou i to iˈoa e te haamanaˈoraa ia oe.*
9 E hinaaro rahi to te hohonuraa o to ˈu aau ia oe i te po.Oia mau, i roto ia ˈu,* te imi noa nei au ia oe.+Ia haava hoi oe i te fenua,E haapii to te fenua i te parau-tia.+
10 Noa ˈtu e hamani-maitai-hia te taata ino,Eita oia e haapii i te parau-tia.+
I te fenua atoa o te parau-tia,* e ohipa ino ta ˈna,+E eita oia e ite i te teitei o Iehova.+
11 E Iehova, to nia to oe rima, aita râ ratou e ite ra.+
E ite ratou i to itoito rahi no to oe nunaa e e haama ratou.
Oia mau, e pau ratou i te auahi tei faataahia no to oe mau enemi.
12 E Iehova, e tuu mai oe i te hau ia matou,+No te mea, te mau ohipa atoa ta matou i rave,Na oe i rave no matou.
13 E Iehova to matou Atua, na te tahi mau fatu ê atu ia oe i faatere ia matou,+To oe anaˈe râ iˈoa ta matou e faahiti.+
14 Ua pohe ratou. Eita ratou e ora faahou.
Tei roto ratou i te pohe ma te puai ore, eita ratou e tia mai i nia.+
Ua haapao hoi oe ia ratouNo te haamou ia ratou e no te faaore roa i to ratou parau.
15 Ua faarahi oe i te nunaa, e Iehova,Ua faarahi oe i te nunaa.Ua faahanahana oe ia oe.+
Ua faanuu oe i te mau otia atoa o te fenua i te atea roa.+
16 E Iehova, i roto i te ahoaho ua fariu ratou ia oe.I to oe aˈoraa ia ratou, ua haamahora ratou i ta ratou pure ma te paraparau mǎrû.+
17 Mai te vahine hapû ua fatata i te fanauE roohia ra i te mauiui fanau e e tuô ra no te mauiui,Mai tera atoa ïa matou i ta oe raveraa, e Iehova.
18 Ua hapû matou, ua roohia i te mauiui fanau,Mai te huru râ ua fanau matou i te mataˈi.
Aita matou i hopoi i te faaoraraa i te fenua,E aita hoê i fanauhia no te parahi i te fenua.
19 “E ora faahou mai to oe feia pohe.
E tia mai te tino pohe o to ˈu mau taata.+
A ara e a umere,Outou to te repo!+
E au te hupe i ǒ outou i te hupe o te poipoi,*E e vaiiho te fenua ia ora faahou mai* te feia puai ore i roto i te pohe.
20 Haere, to ˈu nunaa, a tomo i roto i to outou mau piha i roto,A tapiri i te opani.+
A tapuni maa taimeE ia ore roa te riri rahi tahoo.*+
21 Inaha hoi, te haere mai ra Iehova mai to ˈna vahi maiNo te titau i ta te feia no teie fenua ia au i ta ratou hara,E e faaiteitehia te toto tei haamaniihia i nia i te fenua,E eita to ˈna feia tei haapohehia e huna-faahou-hia.”
Nota i raro i te api
^ Eita e ore o te Atua.
^ Huri-atoa-hia “feia mea aueue ore to ratou tiaturiraa.”
^ “Ia” e haapotoraa ïa o te iˈoa Iehova.
^ Aore ra “manina.”
^ Oia hoi ia haamanaˈohia e ia faaitehia te Atua e to ˈna iˈoa.
^ Aore ra “ohipa afaro.”
^ Huri-atoa-hia “te hupe o te matie.”
^ Aore ra “e fanau mai te fenua i.”
^ Aore ra “faautuaraa.”
