Isaia 20:1-6
-
Tapao no Aiphiti e no Etiopia (1-6)
20 I te matahiti i tono ai te arii Saragona no Asura i te Taratana* i Asadoda,+ aro atura oia ia Asadoda e haru atura ia ˈna.+
2 I tera taime, paraparau ihora Iehova na roto ia Isaia+ te tamaiti a Amoza, na ô maira ia ˈna: “A haere, a tatara i te ahu oto i to oe tauupu e to oe tiaa i to oe avae.” Na reira ihora oia, a haere tahaa ˈi* e te tiaa ore.
3 Parau ihora Iehova: “Mai ta ˈu tavini o Isaia tei haere tahaa e te tiaa ore e toru matahiti ei tapao+ e ei faaararaa no Aiphiti+ e no Etiopia,+
4 e na reira atoa te arii o Asura e aratai ai i te tîtî o Aiphiti+ e te tîtî o Etiopia, te tamarii e te ruhiruhia, ma te ahu ore e te tiaa ore a ite-noa-hia ˈi to ratou ohure, te vai-tahaa-raa* o Aiphiti.
5 E mehameha e e haama ratou no Etiopia to ratou tiaturiraa e no Aiphiti to ratou teoteo.*
6 I tera mahana, e parau to tera fenua na te hiti miti: ‘A hiˈo na i tei roohia i to tatou tiaturiraa, ia ˈna tatou i horo na ia tauturuhia tatou e ia faaorahia i te arii o Asura! E nafea tatou e ora mai ai i teie nei?’”
Nota i raro i te api
^ Aore ra “te raatira.”
^ Aore ra “a haere ai aita rea ahu i nia iho ia ˈna.”
^ Aore ra “haama.”
^ Aore ra “to ˈna te nehenehe ta ratou i faahiahia na.”
