Isaia 17:1-14
17 E parau faahaparaa ia Damaseko:+
“Inaha, e ere faahou o Damaseko i te hoê oire,E e riro oia ei haapueraa huˈahuˈa.+
2 E faaruehia te mau oire o Aroera.+E riro te reira ei vahi taotoraa na te mau nǎnǎ animaraAita hoê e faariaria ia ratou.
3 E mou te mau oire auahia i te patu i Epheraima,+E te faatereraa arii a Damaseko.+E e riro te toea o SuriaMai te hanahana o te ati Iseraela,”* te parau ra Iehova o te mau nuu.*
4 “I tera mahana, e iti mai te hanahana o Iakoba,E e pararaihia to ˈna tino pautuutu.*
5 E riro te reira mai te taata ooti ia haaputu i te amaa huero maaE ia haaputu to ˈna rima i te mau peenave huero maa,Mai te tahi taata ia ohi haere i te mau peenave huero maa i te peho o te ati Repha.+
6 E toe noa mai te mea e nehenehe e ohi-haere-hia,Mai te tumu olive ia tairiirihia:
E piti aore ra e toru olive para te toe i nia i te amaa teitei roa ˈˈe,E maha aore ra e pae i nia i to ˈna mau amaa hotu,”+ te parau ra Iehova te Atua o Iseraela.
7 I tera mahana, e hiˈo aˈe te taata i Tei hamani ia ˈna, e e tiatonu to ˈna mata i Tei Moˈa o Iseraela.
8 Eita oia e hiˈo i te mau fata,+ te ohipa a to ˈna rima.+ Eita oia e tiatonu i ta to ˈna manimani rima i hamani, te mau raau haamoriraa* e te mau fata mea noˈanoˈa.
9 I tera mahana, e riro to ˈna mau oire auahia i te patu mai te tahi vahi faaruehia i te uru raau,+Mai te tahi amaa faaruehia i mua i te ati Iseraela.E riro te reira ei vahi taata ore.
10 Ua moˈe hoi ia oe te Atua+ o te faaora ia oe.Aita oe i haamanaˈo i te Mato+ o to oe haapuraa.
No reira oe e faanehenehe ai i ta oe mau faaapuA tanu atu ai i reira i te ohi a te taata* ê.
11 Ia ao, e aua maitai oe i ta oe faaapu.I te poipoi, e faatupu oe i ta oe mau huero maa,Aita râ e maa ta oe e ooti i te mahana e roohia ˈi oe i te maˈi e te mauiui eita e ore.+
12 A faaroo na! E maniania rahi no ǒ i te nunaa e rave rahi,Mai te moana ra ratou i te arepurepu!
E haruru rahi no ǒ i te mau nunaa,Mai to te mau pape puai ra to ratou haruru!
13 E haruru te mau nunaa mai te pape e rave rahi ia haruru.
E tamaˈi te Atua ia ratou, a horo ê atu ai ratou,Mai te ota i nia i te mau mouˈa e puhihia ra e te mataˈi,Mai te raau taratara e taviriviri ra i roto i te vero.
14 Mea mehameha i te ahiahi.
Aita faahou râ e enemi hou te poipoi.
Tera te tuhaa a te feia tei eiâ ia matouE te taoˈa a tei haru mai i ta matou mau taoˈa.
Nota i raro i te api
^ Heb: “te mau tamarii a Iseraela.”
^ Aore ra “sabaota.”
^ Heb: “te mii o to ˈna tino.”
^ Aore ra “atua.”
