Isaia 15:1-9
-
Faahaparaa ia Moabi (1-9)
15 E parau faahaparaa teie ia Moabi:+
No te mea ua haamouhia oia hoê noa po,Ua haamamûhia Ara+ no Moabi.
No te mea ua haamouhia oia hoê noa po,Ua haamamûhia Kira+ no Moabi.
2 Ua pauma te taata i te Hiero* e i Dibona,+I te mau vahi teitei no te taˈi.
E auê Moabi ia Nebo+ e ia Medeba.+
Ua hahuhia te mau upoo atoa,+ e ua tâpûhia te mau huruhuru taa atoa.+
3 E ahu oto to te taata i roto i te mau aroâ.
I nia i to ratou tapoˈi fare e i ta ratou mau mahora, e auê ratou pauroa.E topa turi ratou ma te taˈi.+
4 Te tuô ra o Hesebona raua Eleale.+Te faaroo-roa-hia ra to raua reo tae roa i Iahaza.+
No reira te mau tane Moabi e mauhaa tamaˈi ta ratou e tuô noa ˈi.
Te rûrû nei te nunaa.
5 Te auê nei to ˈu aau ia Moabi.
Te horo ê nei te feia tei ora ˈtu i ta ˈna faatîtîraa tae roa i Zoara+ e Egelata-selisia.+
I te eˈa e pauma ˈi i Luhi, e taˈi ratou a pauma ˈi.E auê ratou no te ati a haere ai ratou i Horonaima.+
6 Ua mǎrô roa hoi te mau pape o Nimirima.Ua mǎrô te aihere,Ua moˈe te aihere e aita e mea matie faahou.
7 No reira e hopoi-ê-hia ˈi tei toe o tei haaputuhia e ratou e ta ratou mau faufaa.Te na roto atu ra ratou i te peho o te mau tumu arobe.
8 Te faaroohia ra hoi te vevo auê na te tuhaa fenua atoa o Moabi.+
Ua tae roa te auê i Egelaima.Ua tae roa te auê i Beere-elima.
9 Ua î roa hoi te mau pape o Dimona i te toto,E mea rahi atu â ati ta ˈu no Dimona:
E liona no to Moabi te ora ˈtuE no tei toe i nia i te fenua.+
Nota i raro i te api
^ Heb: “Fare.”
