Isaia 11:1-16
11 E amaa apî+ te tupu mai no roto i te tumu i raro ra o Iese,+E e horoa te hoê ohi+ no roto i to ˈna mau aˈa i te maa.
2 E e parahi te varua o Iehova i nia ia ˈna,+E noaa ˈi ia ˈna te paari+ e te haroˈaroˈa,Te aˈoraa maitai e te puai,+Te ite e te mǎtaˈu ia Iehova.
3 E e au oia i te mǎtaˈu ia Iehova.+
Eita oia e haava ia au i ta to ˈna mata e ite,Eita atoa e tamaˈi atu na nia noa i ta to ˈna tariˈa e faaroo.+
4 E haava oia i te taata rii ma te tano,*E e tamaˈi atu oia ma te afaro no te maitai o te feia mǎrû o te fenua.
E tairi oia i te fenua i te raau o to ˈna vaha+E e haapohe oia i te taata ino i te aho o to ˈna vaha.+
5 E riro te parau-tia ei hatua ati aˈe to ˈna tauupu,E e riro atoa te haapao maitai ei hatua no to ˈna tauupu.+
6 E faafaaea te luko raua te fanauˈa mamoe maa taime,+E e taoto te nemera e te fanauˈa puaaniho,E* te fanauˈa puaatoro raua te liona, ratou pauroa e te animara haaporiahia.+E na te tahi tamaroa iti e aratai ia ratou.
7 Hoê â amuraa ta te puaatoro raua te daba,E e tarava ta raua fanauˈa te tahi i pihai iho i te tahi.
E amu te liona i te aihere mai te puaatoro.+
8 E hauti te aiû na pihai iho i te tapuniraa o te asepi,E e tuu te tamarii ua mairi ta ˈna û i to ˈna rima i nia i te tapuniraa o te ophi taero.
9 Aita e hamani-ino-raa,+Aita e tuinoraa e tupu na to ˈu mouˈa moˈa atoa,+No te mea e î te fenua i te ite ia IehovaMai te moana tei î i te miti.+
10 I tera mahana e tia ˈi te aˈa o Iese+ ei tapao* no te mau nunaa.+
Ia ˈna e fariu ai te mau nunaa no te aratairaa,*+E e hanahanahia to ˈna vahi faaearaa.
11 I tera mahana e toro faahou ai Iehova i to ˈna rima, te pitiraa ïa, no te fatu faahou i te toea o to ˈna nunaa tei vaiihohia i Asura,+ Aiphiti,+ Patarota,+ Kusa,+ Elama,+ Sinara,* Hamata e i te mau motu o te moana.+
12 E faatia oia i te tahi tapao* no te mau nunaa, e haaputuputu oia i te feia no Iseraela tei purara ê,+ e e haaputuputu oia i te feia no Iuda tei purara ê i na poro e maha o te fenua.+
13 E ore te pohehae o Epheraima,+E e mou te feia tei aro na ia Iuda.
Eita o Epheraima e pohehae ia Iuda,Eita atoa o Iuda e aro ia Epheraima.+
14 Na nia mai i te mau taha aivi* o te mau Philiseti ratou ia purehu mai i tooa o te râ.E haru amui ratou i te mau taoˈa a te nunaa no Hitia o te râ.
E toro ratou i to ratou rima* i nia ia Edoma+ e Moabi,+E e auraro te ati Amona ia ratou.+
15 E vahi* Iehova i te ooa* o te miti o Aiphiti,+E e amo oia i to ˈna rima i nia i te Anavai.*+
E tairi oia i to ˈna na tahora e hitu* i to ˈna aho paapaa,E e faahaere oia i te taata i te tahi atu pae ma te tiaa i to ratou avae.
16 E ei purumu rahi+ na Asura mai no te toea o to ˈna nunaa,+Mai te purumu rahi no Iseraela i te mahana i haere mai ai ratou i rapae i te fenua o Aiphiti.
Nota i raro i te api
^ Aore ra “parau-tia.”
^ Huri-atoa-hia “E hoê â amuraa ta.”
^ Aore ra “pou tapao.”
^ Aore ra “E imi te mau nunaa ia ˈna.”
^ Oia hoi Babulonia.
^ Aore ra “pou tapao.”
^ Aore ra “E faatae ratou i to ratou puai.”
^ Heb: “tapono.”
^ Huri-atoa-hia “haamǎrô.”
^ Heb: “arero.”
^ Oia hoi Eupharate.
^ Huri-atoa-hia “i te reira a riro atu ai ei hitu tahora.”
