Isaia 1:1-31
1 Te orama ta Isaia*+ te tamaiti a Amoza i ite no nia ia Iuda e Ierusalema i te mau mahana o Uzia,+ Iotama,+ Ahaza+ e Hezekia,+ arii o Iuda:+
2 A faaroo mai, e te raˈi e, e a horoa mai i to tariˈa, e te fenua e,+Teie hoi ta Iehova i parau:
“Ua faaamu vau i te tamaiti e ua paari mai,+Ua orure hau râ ratou ia ˈu.+
3 Ua ite maitai te puaatoro i to ˈna fatu,E ua ite te asini i te vahi paruraa a to ˈna fatu.Aita râ Iseraela i ite ia ˈu,*+Aita to ˈu nunaa e haa ra ma te maramarama.”
4 Ua ati taua nunaa rave hara ra,+Te nunaa i teiaha roa i te hapa,E huaai feia iino, e tamarii piˈo!
Ua faarue ratou ia Iehova.+Ua faatura ore ratou i Tei Moˈa o Iseraela.Ua huri tua ˈtu ratou ia ˈna.
5 Inaha te tamau ra outou i te orure hau, ihea ïa outou e tairihia ˈi i muri iho?+
Ua maˈihia te upoo taatoa,E ua maˈihia te aau taatoa.+
6 Mai te tapuae avae e tae atu i te upoo, aita e vahi maˈi ore.
E mutu, e pepe e e tutuˈa,Aita i rapaauhia,* i taamuhia aore ra i tamǎrûhia i te monoˈi.+
7 Te vai ano ra to outou fenua.
Ua taninahia to outou mau oire.
Te pau ra to outou fenua i te feia ěê i mua ia outou.+
E au taua fenua ra i te hoê fenua i tuinohia e te feia ěê.+
8 Ua vaiihohia te tamahine o Ziona mai te hoê tamaru* i roto i te faaapu vine,Mai te hoê tiahapa i roto i te hoê faaapu totoma,Mai te hoê oire i haaatihia.+
9 Ahiri aita Iehova o te mau nuu* i vaiiho mai i te hoê toea ia ora,Ua riro ïa tatou mai ia Sodoma raE mai ia Gomora atoa ra.+
10 A faaroo i te parau a Iehova, outou te mau faatere iino o Sodoma.+
A faaroo i te ture* a to matou Atua, outou te nunaa o Gomora.+
11 “Eaha hoi na ˈu ta outou mau tusia?”+ te parau ra Iehova.
“Ua navai roa vau i ta outou mau tusia taauahi mamoe oni+ e te mii o te mau animara haaporiahia,+Mea au ore na ˈu te toto+ o te mau puaatoro oni apî,+ o te fanauˈa mamoe e te puaaniho.+
12 Ia haere mai outou i mua ia ˈu,+Na vai i faaue ia outouIa taataahi i to ˈu mau aua?+
13 Eiaha e hopoi faahou mai i te tusia huero maa faufaa ore.
Mea riri na ˈu ta outou mau mea noˈanoˈa.+
Te mau avaˈe apî,+ te mau Sabati,+ te faaararaa ia tairuru,+Eita ta ˈu e nehenehe e faaoromai i ta outou faaohiparaa i te peu tahutahu+ a faatupu noa ˈi outou i ta outou mau tairururaa taa ê.
14 Ua hae roa vau* i ta outou mau avaˈe apî e ta outou mau oroa.
Ua riro te reira ei mea teiaha no ˈu.Ua rohirohi roa vau i te amo i te reira.
15 Ia hohora outou i to outou rima,E huna vau i to ˈu mata ia outou.+
Noa ˈtu mea rahi ta outou pure,+Eita vau e faaroo.+Ua î to outou rima i te toto.+
16 A horoi ia outou, a tamâ ia outou.+A faaea i te rave i ta outou mau ohipa iino i mua i to ˈu mata.Eiaha e rave faahou i te mea ino.+
17 A haapii i te rave i te mea maitai, a imi i te parau-tia,+A aˈo i te taata hamani ino,A paruru i te mau tiaraa o te tamarii aita e metua tane,*E a tauturu i te vahine ivi.”+
18 “A haere mai, i teie nei, e e faaafaro anaˈe i te fifi i rotopu ia tatou,” te parau ra Iehova.+
“Noa ˈtu mea uteute ta outou mau hara,E uouo roa ïa mai te hiona,+Noa ˈtu mea uteute mai te ahu uteute paˈo,E riro ïa mai te huruhuru mamoe ra te uouo.
19 Ia hinaaro mau outou e auraro,E amu ïa outou i te mau mea maitatai o te fenua.+
20 Mai te peu râ e patoi outou a orure hau atu ai,E pau outou i te ˈoˈe,+Na te vaha hoi o Iehova i parau i te reira.”
21 Ua riro te oire haapao maitai+ ei vahine taiata!+
I î na hoi oia i te parau-tia,+I parahi na te parau-tia i reira,+I teie nei râ, e taparahi taata anaˈe ïa.+
22 Ua viiviihia ta oe ario,+E ua anoihia ta oe ava* i te pape.
23 Mea haapaari to oe huiarii, e te amui ra i te feia eiâ.+
Mea au na ratou i te ohipa peta e te imi ra ratou i te ô.+
Aita ratou e haava ra i te feia aita e metua tane* ma te parau-tia,E aita ratou e haapao ra i te mau haapeapearaa a te vahine ivi.+
24 No reira te Fatu mau, Iehova o te mau nuu,Tei Puai o Iseraela, e parau ai:
“Ua navai tera! E faaore au i to ˈu mau enemi,E e tahoo vau i to ˈu mau enemi.+
25 E fariu vau i to ˈu rima i nia ia oe,E faaore au i te mau mea viivii atoa i roto ia oeMai te feia o te faatahe i te ario no te faaore i te mau mea viivii.+
26 E faahoˈi mai au i ta oe mau haava mai te omuaraa raE ta oe feia aˈo mai te haamataraa ra.+
I muri aˈe i te reira, e parauhia oe te Oire o te parau-tia, te Oire haapao maitai.+
27 I te parau-tia e hoohia mai ai o Ziona,+E e hoˈi mai to ˈna nunaa ma te parau-tia.
28 E ofatihia te feia orure hau e te feia rave hara i te hoê â taime,+E te feia e faarue ia Iehova, e mou ïa.+
29 E tupu hoi te haama i te mau tumu raau puai ta outou i hinaaro noa na,+E e haama outou no te mau ô* ta outou i maiti na.+
30 E riro hoi outou mai te hoê tumu raau rahi e te rauere maemae,+E mai te hoê ô aita e pape.
31 E riro te taata pautuutu ei aihere mǎrô,E ta ˈna ohipa, ei pura auahi.E ura raua,Aita e taata no te tupohe atu.”
Nota i raro i te api
^ “Faaoraraa a Iehova” te auraa.
^ Aore ra “i to ˈna fatu.”
^ Heb: “faahûhia.”
^ Aore ra “tiahapa.”
^ Aore ra “sabaota.”
^ Aore ra “haapiiraa.”
^ Aore ra “te otare.”
^ Aore ra “rito sitona.”
^ Aore ra “feia otare.”
^ E au ra e e tuatiraa to te mau tumu raau e te mau ô e te haamoriraa idolo.
