Ioela 2:1-32
2 “A faaoto i te pu tara i Ziona!+
A huro i nia i to ˈu mouˈa moˈa.
Ia rûrû to te fenua taatoa,Te piri mai ra hoi te mahana o Iehova,+ te fatata mai ra!
2 E mahana poiri e te rumaruma+ tera mahana,E mahana ata e te rumaruma rahi,+Mai te maramarama o te aahiata e hiti ra i nia i te mau mouˈa.
Te vai ra te tahi nunaa rahi e te puai.+Aita te hoê nunaa mai teie i itehia aˈenei,E eita e ite-faahou-hia te hoê mai teieI roto i te mau uˈi atoa a muri aˈe.
3 E auahi te haapau ra i te mau mea atoa i mua ia ratou,E e ura auahi te haapau+ ra i te mau mea atoa i muri ia ratou.
E au te fenua i mua ia ratou i te ô i Edene,+I muri râ ia ratou, e medebara ano ïa,E aita e mea e nehenehe e ora mai.
4 E au ratou i te puaahorofenua,E te horo ra ratou mai te mau puaahorofenua o te tamaˈi.+
5 Mai te haruru o te mau pereoo tamaˈi te maniania ia ouˈa ratou na nia i te mau tupuai mouˈa,+Mai te paapaaina o te hoê auahi puai o te haapau ra i te aihere mǎrô.
E au ratou i te hoê nunaa puai e faanaho ra ia ratou no te tamaˈi.+
6 No ratou, e hepohepo te mau nunaa.
E mǎtaˈu te itehia i nia i te mau hohoˈa mata atoa.
7 Te aro ra ratou mai te feia tamaˈi,Te pauma ra ratou i te mau patu mai te faehau,Te haere afaro noa ra ratou tataitahi,Aita ratou e fariu ê ra i to ratou mau eˈa.
8 Aita ratou e turai ra te tahi i te tahi.Te haere noa ra te tane tataitahi na to ˈna eˈa.
Ia hiˈa vetahi i te mauhaa tamaˈi,*Eita te toea e faarue i te anairaa faehau.
9 Te horo ra ratou i roto i te oire, te horo ra ratou i nia i te aua.
Te pauma ra ratou i nia i te mau fare, te tomo ra ratou na roto i te haamaramarama mai te tahi taata eiâ.
10 I mua ia ratou, te aueue nei te fenua e te aueue nei te raˈi.
Ua haapoiri te mahana e te avaˈe,+E ua ere te mau fetia i to ratou anaana.
11 E tuô Iehova i mua i ta ˈna nuu,+ e tiapai nuu hoi ta ˈna+
E e mana rahi hoi to tei faatupu i ta ˈna parau.E mahana rahi hoi te mahana o Iehova e mea riaria roa.+
O vai te nehenehe e faaoromai i te reira?”+
12 “Aita râ i taere roa no te hoˈi mai ia ˈu nei ma to outou aau atoa,”+ te na reira mai ra Iehova,“A haapae i te maa,+ a taˈi e a auê.
13 A hahae i to outou aau,+ eiaha to outou ahu,+E a hoˈi ia Iehova ra to outou Atua,E Atua aumihi e te aroha hamani maitai hoi oia, o te ore e riri oioi+ e o tei rahi i te here taiva ore,+E eita oia e faatae faahou mai* i te ati.
14 Peneiaˈe e taui oia i to ˈna manaˈo a ore atu ai e faatupu i ta ˈna i opua.*+Peneiaˈe e horoa oia i te tahi haamaitairaa na outouA nehenehe atu ai outou e pûpû i te tahi tusia huero maa e te tahi tusia uaina ia Iehova to outou Atua.
15 A faaoto i te pu tara i Ziona!
A faaite* i te hoê haapaeraa maa, a titau i te tahi tairururaa taa ê.+
16 A haaputuputu i te nunaa, a haamoˈa i te amuiraa.+
A haaputuputu i te mau tane paari,* a haaputuputu i te mau tamarii e te mau aiû.+
Ia haere mai te tane faaipoipo e te vahine faaipoipo i rapae i to raua piha.
17 I ropu i te taupee e te fata,+Ia taˈi e ia parau te mau tahuˈa, te mau tavini a Iehova:
‘Ia aroha oe i to nunaa e Iehova e,Eiaha e farii ia vahavahahia ta oe tuhaa tutuuhiaMa te vaiiho ia faatere te mau nunaa ia ratou.
Eaha hoi te mau nunaa e parau ai: “Teihea to ratou Atua?”’+
18 E paturu ïa Iehova i to ˈna fenua ma te itoito rahiE e aroha oia i to ˈna nunaa.+
19 E pahono Iehova i to ˈna nunaa:
‘E faatae atu vau i te huero maa, te uaina apî e te hinu na outou,E e mâha maitai outou.+Eita vau e farii faahou ia vahavahahia outou i rotopu i te mau nunaa.+
20 E faaatea vau i to apatoerau ia outou,E haapurara vau ia ˈna i te hoê fenua ano e te mǎrô,Ta ˈna pǔpǔ faehau no mua,* e tiahi au ia ratou i te miti i te pae hitia o te râ*E ta ˈna pǔpǔ faehau no muri, i te miti ïa i te pae tooa o te râ.*
E haere to ˈna hauˈa ino i nia,E haere roa to ˈna hauˈa neoneo i nia,+E ohipa faahiahia hoi ta ˈu e rave.’
21 Eiaha e mǎtaˈu, e te fenua!
A oaoa e a popou, e ohipa faahiahia hoi ta Iehova e rave.
22 Eiaha e mǎtaˈu, e te mau animara oviri!E ruperupe hoi te mau vahi aihere o te mau fenua aita i faaapuhia,+E e faahotu te mau tumu raau i te maa.+E auhune te maa i nia i te tumu suke e te tumu vine.+
23 E te mau tamaiti o Ziona, a oaoa e a popou no ta Iehova to outou Atua+ e rave!E horoa mai hoi oia na outou te faito ûa tano i te taime tano,E faatopa mai oia i nia ia outou i te ûa rahi,Te ûa matamua e te ûa hopea, mai i mutaa ihora.+
24 E î te mau vahi tairiiriraa huero maa* i te huero maa tamâhia,E e manii mai te uaina apî e te hinu+ mai roto mai i te mau taataahiraa olive e te vine.
25 E e faahoˈi atu vau i ta outou no tei amuhia i tera roaraa matahitiE te vivi pererau, te vivi aita e pererau, te vivi taehae e te vivi amu rahi,Ta ˈu nuu rahi ta ˈu i tono atu i ǒ outou.+
26 E tamaa e e paia maitai outou,+E e arue outou i te iˈoa o Iehova to outou Atua,+O tei rave i te ohipa faahiahia mau no outou,Eita to ˈu nunaa e haama faahou.+
27 E ite outou e tei rotopu vau ia Iseraela,+O vau o Iehova to outou Atua,+ aita ˈtu!
Eita to ˈu nunaa e haama faahou.
28 I muri aˈe i te reira, e ninii au i to ˈu varua+ i nia i te mau huru taata atoa.E tohu ta outou mau tamarii tamaroa e ta outou mau tamahine,E moemoeâ to outou mau ruhiruhia,E e ite to outou mau taata apî i te orama.+
29 E i nia atoa i ta ˈu mau tavini tane e tavini vahineE ninii au i to ˈu varua i taua mau mahana ra.
30 E faaite atu vau i te ohipa faahiahia mau* i nia i te raˈi e i nia i te fenua:Te toto, te auahi e te pou au auahi.+
31 E riro te mahana ei poiri e te avaˈe ei toto+Hou to Iehova mahana rahi e te mǎtaˈuhia e tae mai ai.+
32 E faaorahia te taata atoa o te tiaoro i te iˈoa o Iehova.+Oia hoi, mai ta Iehova i parau, ei nia i te mouˈa Ziona e i Ierusalema e tia ˈi tei ora mai,+Te feia o tei ora mai o ta Iehova e pii ra.”
Nota i raro i te api
^ Aore ra “mauhaa tamaˈi mea taora.”
^ Aore ra “e tatarahapa oia.”
^ Aore ra “e e tatarahapa oia.”
^ Heb: “haamoˈa.”
^ Aore ra “te mau matahiapo.”
^ Heb: “To ˈna aro.”
^ Oia hoi te miti Pohe.
^ Oia hoi Mediteranea.
^ Aore ra “tapao.”
