Ioba 6:1-30
6 Pahono atura Ioba:
2 “Ahani to ˈu ahoaho+ e nehenehe e faito-roa-hiaE e tuuhia i nia i te faito e to ˈu ati atoa!
3 Mea teiaha aˈe hoi te reira i te one o te mau moana.
No reira ta ˈu mau taˈo i riro ai ei parau feruri-ore-hia.*+
4 Ua puta hoi au i te mau teˈa a te Manahope,E te inu ra vau* i to ratou taero.+Mea anaihia te mau mea riaria no ǒ mai i te Atua i mua ia ˈu.
5 E taˈi anei te asini oviri+ e aihere anaˈe ta ˈna?E uâ anei te puaatoro oni e maa aihere anaˈe ta ˈna?
6 E amuhia anei te maa taitai ma te tamiti ore?E momona anei to te pape raau tupu?
7 Aita vau i farii e tapea i tera mau mea.
Mai te huru ra e ino te reira no ta ˈu maa.
8 Ia tupu ta ˈu aniraaE ia horoa mai te Atua i ta ˈu e hinaaro ra!
9 Ia ineine te Atua i te taataahi ia ˈu,Ia toro mai oia i to ˈna rima e ia haapohe oia ia ˈu!+
10 E tamahanahana-atoa-hia hoi au i te reira.E ouˈauˈa vau no te oaoa noa ˈtu te mauiui tamau,Aita hoi au i haafaufaa ore i te mau parau a Tei Moˈa.+
11 E puai anei to ˈu no te tiai noa?+
E eaha te hopea e tiai mai ra ia ˈu, ia tamau â vau i te ora?*
12 E au anei to ˈu puai i to te mato?
Aore ra ua hamanihia anei to ˈu iˈo i te veo?
13 Te vai ra anei te tahi ravea no te tauturu ia ˈu ihoUa faaere-anaˈe-hia vau i te mau tauturu atoa?
14 Te taata e ore e faaite i te here taiva ore i to ˈna taata tupu,+E faarue ïa i te mǎtaˈu i te Manahope.+
15 Mea haavarevare atoa to ˈu iho mau taeae+ mai te tahora uˈana o te tau toˈetoˈe,Mai te pape o te tahora uˈana o te tau toˈetoˈe o te mǎrô.
16 Ua haapoirihia te reira e te pape paari,E tei roto te hunaraahia te hiona e tahe ra.
17 I te tau veavea râ, aita faahou e pape e e mou te reira.Ia âhu roa, e mǎrô ïa.
18 E tioi to ratou taheraa,E tahe te reira i te medebara e e mǎrô roa.
19 E imi te pǔpǔ ratere no Têma+ i te reira.E tiai te mau ratere no Seba*+ i te reira.
20 E haama ratou no te mea ua hape to ratou tiaturiraa ˈtu.E tae mai ratou i reira e e tatarahapa.
21 Mai tera hoi outou no ˈu.+Ua ite outou i te riaria o to ˈu ati, e ua mǎtaˈu outou.+
22 Ua parau anei au: ‘A horoa mai i te tahi mea’?
Ua ani anei au ia pûpû mai outou i te tahi ô no roto i ta outou faufaa?
23 Ua ani anei au ia faaorahia vau i te rima o te tahi enemiAore ra ia faaorahia vau* i tei haavî mai?
24 A haapii mai ia ˈu, e e mamû vau.+A tauturu mai ia ˈu ia taa i ta ˈu hape.
25 E ere te mau parau afaro i te mea mauiui!+
Eaha râ te mea e faufaahia ˈi i ta outou faahaparaa?+
26 Te opua ra anei outou e faahapa i ta ˈu mau parau,Ta te hoê taata hepohepo mau parau+ o te pee i te mataˈi?
27 E tuu atoa outou i te kelero no te tahi otare+E e hoo outou i to outou iho hoa!+
28 No reira a fariu mai e a hiˈo mai ia ˈu,Eita hoi au e haavare i to outou aro.
29 A feruri faahou na, eiaha ia hape ta outou haavaraa ia ˈu.Oia mau, a feruri faahou, te vai papu noa ra hoi ta ˈu parau-tia.
30 Te parau ra anei to ˈu arero i te parau tia ore?
Aita anei to ˈu aroaro vaha e haroˈaroˈa ra e te hape ra te tahi mea?
Nota i raro i te api
^ Aore ra “iria.”
^ Aore ra “ia faaroa hoi au i to ˈu ora?”
^ Aore ra “te pǔpǔ ratere no Sabea.”
^ Heb: “hoohia mai au.”
