Ioba 42:1-17

  • Pahonoraa Ioba ia Iehova (1-6)

  • Tamaˈihia na toru hoa (7-9)

  • Faahoˈi Iehova te faufaa a Ioba (10-17)

    • Na tamaiti e tamahine a Ioba (13-15)

42  Pahono atura Ioba ia Iehova:   “I teie nei, ua ite au e nehenehe ta oe e rave i te mau mea atoaE aita hoê mea ta oe i opua e rave eita ta oe e nehenehe e faatupu.+   Ua na ô oe: ‘O vai teie e haapoiri nei i ta ˈu aˈoraa e aita to ˈna e ite?’+ Ua paraparau ïa vau, ma te taa ore râNo nia i te mau mea faahiahia roa ta ˈu i ore i ite.+   Ua na ô oe: ‘A faaroo na, e paraparau vau. E uiui au ia oe, e na oe e haamaramarama mai ia ˈu.’+   I faaroo tariˈa na vau i to oe parau,I teie nei râ te ite mata nei au ia oe.   No reira vau e hoˈi mai ai i nia i ta ˈu i parau,*+E e tatarahapa vau i roto i te repo e te rehu.”+  I muri iho i to Iehova paraparauraa ia Ioba, na ô maira Iehova ia Eliphaza ati Temana: “Ua riri roa vau ia oe e to oe na hoa e piti,+ aita hoi outou i parau i te parau mau no nia ia ˈu+ mai ta ˈu tavini Ioba.  I teie nei, a rave e hitu puaatoro oni e e hitu mamoe oni e a haere i ta ˈu tavini o Ioba, e a pûpû i te tahi tusia taauahi no outou. E e pure ta ˈu tavini o Ioba no outou.+ Oia mau, e farii au i ta ˈna aniraa* eiaha e rave ia outou ia au i to outou maamaa, aita hoi outou i parau i te parau mau no nia ia ˈu mai ta ˈu tavini o Ioba.”  Haere aˈera ïa Eliphaza ati Temana, Biladada ati Tua e Zophara ati Naama, e rave aˈera i ta Iehova i parau ia ratou e rave. Farii ihora Iehova i ta Ioba pure. 10  I muri iho i to Ioba pureraa no to ˈna mau hoa,+ faaore ihora Iehova i te ati o Ioba+ e faahoˈi maira i ta ˈna faufaa.* Ua tataipiti Iehova i ta ˈna faufaa na mua ˈtu.+ 11  Haere maira pauroa to ˈna taeae e tuahine e pauroa te taata tei matau ia ˈna+ e tamaa aˈera e o ˈna i roto i to ˈna fare. Faaite maira ratou i te aumauiui ia ˈna e tamahanahana maira ia ˈna i te mau ati atoa ta Iehova i vaiiho ia roohia oia. Horoa maira ratou tataitahi hoê moni e hoê tapea rima auro na ˈna. 12  Haamaitai maira ïa Iehova i te tuhaa hopea o to Ioba oraraa hau aˈe i te haamataraa,+ e fanaˈo ihora Ioba 14 000 mamoe, 6 000 kamela, 2 000 puaatoro e 1 000 asini ufa.+ 13  Fanau-atoa-hia maira ta ˈna e hitu â tamaiti e e toru â tamahine.+ 14  Topa ihora oia i ta ˈna tamahine matamua i te iˈoa o Iemima, te piti o Kezia e te toru o Kerena-hapuka. 15  Aita e vahine na te fenua taatoa mai te mau tamahine a Ioba ra te nehenehe, e tutuu ihora to ratou metua tane i te tahi tuhaa na ratou mai to ratou mau taeae. 16  I muri aˈe, ora ihora Ioba 140 â matahiti, e ua ite oia i ta ˈna mau tamarii e to ratou huaai, e maha uˈi. 17  Pohe ihora Ioba, ei ruhiruhia tei fanaˈo i te hoê oraraa maitai.*

Nota i raro i te api

Aore ra “e otohe ai.”
Heb: “e faateitei au i to ˈna hohoˈa mata.”
Heb: “faaore ihora Iehova i te hopoi-tîtî-raa o Ioba.”
Heb: “ua ruhiruhia e ua rahi roa to ˈna mau mahana.”