Ioba 40:1-24
40 Pahono atura Iehova ia Ioba:
2 “Ia mârô anei te taata faahapahapa i te Manahope?+
Ia pahono mai tei hinaaro ra e tamaˈi i te Atua.”+
3 Pahono maira Ioba ia Iehova:
4 “Inaha, mea faufaa ore au.+
Eaha ta ˈu e nehenehe e pahono ia oe?
E tuu vau i to ˈu rima i nia i to ˈu vaha.+
5 Ua paraparau vau hoê taime, eita râ vau e pahono faahou.A piti taime, eita râ vau e paraparau faahou.”
6 Pahono atura Iehova ia Ioba mai roto mai i te mataˈi vero:+
7 “A faaineine na ia oe mai te hoê tane puai.E uiui au ia oe, e na oe e haamaramarama mai ia ˈu.+
8 E faahapahapa* anei oe i ta ˈu parau-tia?
E faautua anei oe ia ˈu a tano atu ai oe?+
9 E rima puai anei to oe mai to te Atua mau,+Aore ra e haruru anei to oe reo mai to ˈna?+
10 A faanehenehe na ia oe i te hanahana e te teitei.A ahu mai i te tura e te unauna.
11 A tuu i to oe riri uˈana.A hiˈo pauroa te taata teoteo, e a tuu ia ratou i raro.
12 A hiˈo pauroa te taata teoteo, e a faahaama ia ratou,E a taataahi i te feia ino i te vahi e tia ˈi ratou.
13 A huna ia ratou pauroa i raro i te repo.A taamu ia ratou* i te vahi hunahia,
14 Ei reira vau e faaite* atoa ˈi ia oeE nehenehe to oe rima atau e faaora ia oe.
15 I teie nei, teie o Behemota* ta ˈu i hamani, mai ia ˈu i hamani ia oe.
E amu oia i te aihere mai te puaatoro.
16 A hiˈo na i te etaeta o to ˈna tauupuE te puai o te mau uaua o to ˈna opu!
17 E faaetaeta oia i to ˈna aero mai te tumu arezi.Mea raraahia te mau uaua o to ˈna na huha.
18 Mea hamanihia to ˈna mau ivi i te veo.Mea hamanihia to ˈna mau mero i te auri.
19 To ˈna te tiaraa matamua* i rotopu i te mau ohipa a te Atua.Tei hamani ia ˈna noa te nehenehe e tapiri atu ia ˈna i ta ˈna ˈoˈe.
20 E faatupu hoi te mau mouˈa i te maa na ˈna,I te vahi e hauti ai te mau animara oviri atoa.
21 E tarava oia i raro aˈe i te mau tumu raau haehaa,I te marumaru o te mau aeho o te mau pape hopuna.
22 E tapoˈi te marumaru o te mau tumu raau haehaa ia ˈna,E e haaati te mau tumu arobe o te peho ia ˈna.
23 Ia puai te pape anavai, eita oia e taiâ.
E faaea noa oia, noa ˈtu e tahe puai o Ioridana+ i nia i to ˈna vaha.
24 E nehenehe anei ta te tahi e haru ia ˈna a mataitai ai oia,Aore ra e patia i to ˈna ihu i te mǎtau?*
Nota i raro i te api
^ Aore ra “faaore.”
^ Heb: “i to ratou hohoˈa mata.”
^ Aore ra “haapopou.”
^ Eita e ore e puaa pape.
^ Heb: “O ˈna te haamataraa.”
^ Heb: “herepata.”