Ioba 33:1-33

  • Tamaˈi Elihu ia Ioba i te faataata-parau-tia-raa ia ˈna (1-33)

    • Itehia mai te tahi hoo (24)

    • Hoˈiraa i te itoito o te apîraa (25)

33  “I teie nei râ Ioba, a faaroo na i ta ˈu mau parau.A haapao mai pauroa ta ˈu e parau.   A faaroo na ia ˈu! E hamǎmǎ vau i to ˈu vaha.E paraparau to ˈu arero.*   E faaite ta ˈu mau parau i te afaroraa o to ˈu aau,+E e parau to ˈu utu i ta ˈu i ite ma te haavare ore.   Na te varua o te Atua i hamani ia ˈu,+E na te aho o te Manahope i horoa mai i te ora.+   A pahono mai ia ˈu ia nehenehe ta oe.A vauvau mai i ta oe mau parau haapapuraa i mua ia ˈu. Ia ineine oe.   Inaha, mai ia oe atoa vau i mua i te Atua mau.No roto atoa mai au i te araea i te hamaniraahia.+   Eiaha ïa oe e riaria ia ˈu,E eiaha oe ia toaruaru no ta ˈu mau parau.   Ua parau râ oe i mua ia ˈu,Oia mau, ua faaroo noa vau i teie mau parau:   ‘Mea viivii ore au, aita ta ˈu e hapa.+Mea mâ vau, aita ta ˈu e hape.+ 10  Te ite nei râ te Atua i te tahi mau tumu no te patoi ia ˈu.Te hiˈo ra oia ia ˈu ei enemi no ˈna.+ 11  E haamau oia i to ˈu avae i roto i te raau.E hiˈopoa oia i to ˈu mau haerea atoa.’+ 12  Aita râ oe i tano i te na reiraraa i te parau. E pahono ïa vau ia oe: Mea hau aˈe te Atua i te taata.+ 13  Eaha oe e amuamu ai ia ˈna?+ No te mea anei aita oia i pahono i ta oe mau parau?+ 14  E paraparau hoi te Atua hoê e e piti taime,Aita râ e taata e haapao, 15  I roto i te tahi moemoeâ, te tahi orama i te po,+Ia varea te taata i te taoto rahi,A taoto ai ratou i nia i to ratou roˈi. 16  E haafatafata oia i to ratou tariˈa+E e nenei* oia i ta ˈna mau faaueraa i nia ia ratou, 17  No te faafariu ê i te taata i te raveraa i te ino+E no te paruru i te taata i te teoteo.+ 18  E faaherehere te Atua ia ˈna* i te apoo,*+I to ˈna ora ia ore ia pohe i te ˈoˈe.* 19  E aˈo-atoa-hia te tahi taata e te mauiui i nia i to ˈna roˈiE te mamae tamau o to ˈna mau ivi, 20  E ia faufau roa oia* i te faraoa,E ia ore atoa oia e hiaai i te maa maitai roa.+ 21  E pau to ˈna iˈo a ore atu ai e ite-faahou-hia ˈtu,E e itehia* i teie nei to ˈna mau ivi tei hunahia na. 22  E piri atu oia* i te apoo,*E to ˈna ora i te feia o te haapohe. 23  Mai te peu te vai ra te tahi vea* no ˈna,Hoê paruru i nia hoê tausani,No te parau i te taata eaha te mea afaro, 24  E farii maitai ïa te Atua ia ˈna e e parau oia:‘A tapea ia ˈna eiaha e pou i roto i te apoo!*+ Ua itehia mai ia ˈu te tahi hoo!+ 25  Ia apî aˈe to ˈna tino* i to ˈna apîraa.+Ia hoˈi oia i te mau mahana o te itoito o to ˈna apîraa.’+ 26  E taparu oia i te Atua,+ o te farii ia ˈna,E ite oia i te hohoˈa mata o te Atua ma te umere,E e horoa faahou te Atua i ta ˈna parau-tia i te taata. 27  E parau* tera taata ia vetahi ê:‘Ua hara vau+ e ua taviri au i te mea tia,Aita râ vau i faautuahia.* 28  Ua hoo mai oia ia ˈu* ia ore au ia pou i roto i te apoo,*+E e ite to ˈu ora i te maramarama.’ 29  Oia mau, e rave te Atua i teie mau mea atoaE piti, e toru taime, no te tahi taata, 30  No te faahoˈi mai ia ˈna mai roto mai i te apoo,*Ia nehenehe oia ia turamahia i te maramarama o te ora.+ 31  A haapao mai i ta ˈu mau parau Ioba! A faaroo mai ia ˈu! A mamû noa, e e paraparau noa vau. 32  Mai te peu e parau ta oe, a pahono mai. A paraparau, e hinaaro hoi au e haapapu ua tano oe. 33  Mai te peu aita ta oe e parau, ia faaroo mai ïa oe ia ˈu.A mamû noa, e e haapii au ia oe i te paari.”

Nota i raro i te api

Heb: “to ˈu arero e to ˈu aroaro vaha.”
Heb: “e tuu i te tahi tapao titiro i nia.”
Aore ra “i to ˈna ora.” Hebera nephe. Hiˈo i te titionare.
Aore ra “apoo hunaraa.”
Aore ra “mauhaa tamaˈi.”
Heb: “to ˈna ora.”
Aore ra “e vai tahaa.”
Aore ra “to ˈna ora.”
Aore ra “apoo hunaraa.”
Aore ra “melahi.”
Aore ra “apoo hunaraa.”
Aore ra “Ia maitai aˈe oia.”
Heb: “himene.”
Huri-atoa-hia “faufaahia.”
Aore ra “i to ˈu ora.”
Aore ra “apoo hunaraa.”
Aore ra “apoo hunaraa.”