Ioba 31:1-40
31 “Ua faaau vau i te hoê faufaa i to ˈu mata.+
E nafea ïa vau e hiˈo ai i te tahi vahine apî* ma te tano ore?+
2 Eaha ïa ta ˈu tuhaa no ǒ mai i te Atua i nia,Eaha ta te Manahope i te ra ˈi e tutuu mai?
3 Aita anei te ati e tiai ra i te taata ohipa inoE te peapea rahi i te feia e rave ra i te ino?+
4 Aita anei oia e ite mai ra i to ˈu mau eˈa+A taio atu ai i to ˈu mau taahiraa avae?
5 Ua haere aˈena anei au i roto i te haavare?*
Ua ru anei to ˈu avae no te haavare atu?+
6 Ia faito te Atua ia ˈu i te faito tano.+E ite ïa oia i to ˈu hapa ore.+
7 Mai te peu e hahi ê to ˈu mau taahiraa avae i te eˈa,+Ua pee to ˈu aau i to ˈu mata+Aore ra ua viivii to ˈu rima,
8 Ia ueue ïa vau i te huero maa e na te tahi e amu,+E ia iriti-tumu-hia ta ˈu e tanu.*
9 Mai te peu ua riro to ˈu aau i te hoê vahine+E ua tamoemoe au i te pae uputa o to ˈu taata tupu,+
10 Ia oro ïa ta ˈu vahine faaipoipo i te huero maa na te tahi atu tane,E ia taoto te tahi atu mau tane ia ˈna.*+
11 E haerea haama hoi tera,E hape o te tano ia faautuahia e te mau haava.+
12 E auahi o te haapau e te haamou,*+A pau pauroa ˈi ta ˈu i faatupu tae roa i te aˈa.*
13 Mai te peu ua faaere au i ta ˈu mau tavini tane aore ra tavini vahine i te parau-tiaI to ratou amuamuraa ia ˈu,*
14 Eaha ta ˈu e nehenehe e rave ia haava te Atua ia ˈu?*
Eaha ta ˈu e nehenehe e pahono ia uiui mai oia ia ˈu?+
15 Aita anei tei hamani ia ˈu i roto i te opu i hamani atoa ia ratou?+
E ere anei hoê â tei hamani ia matou hou matou a fanauhia mai ai?*+
16 Mai te peu aita vau i horoa na te feia veve i ta ratou i hinaaro+Aore ra no ˈu aˈe i oto* ai na mata o te vahine ivi,+
17 Mai te peu ua amu vau i ta ˈu tuhaa maa o vau anaˈeMa te ore e tufa ˈtu na te mau otare,+
18 (Mai to ˈu apîraa hoi ua paari te otare* i pihai iho ia ˈu mai te huru ra e metua tane vau no ˈna,E ua riro vau ei aratai no te vahine ivi* mai to ˈu tamariiraa.*)
19 Mai te peu ua ite au i te tahi taata e pohe ra no te ahu oreAore ra te tahi taata veve aita e ahu no te tapoˈi ia ˈna,+
20 Mai te peu aita oia* i haamaitai ia ˈu,+A haamahanahana ˈi oia ia ˈna i te huruhuru o ta ˈu mau mamoe,
21 Mai te peu ua toro vau i to ˈu poro rima i te otare,+A hinaaro mau ai oia i ta ˈu tauturu i te uputa o te oire,*+
22 Ia taa ïa to ˈu rima* i to ˈu tapono,E ia fati to ˈu rima i te poro rima.*
23 Ua riaria roa hoi au i te ati no ǒ mai i te Atua,E eita ta ˈu e nehenehe e tia i mua i to ˈna hanahana.
24 Mai te peu ua tuu vau i to ˈu tiaturi i te auroAore ra ua parau vau i te auro tamâhia: ‘O oe to ˈu haapuraa!,’+
25 Mai te peu ua faariro vau i te rahi o ta ˈu mau taoˈa ei oaoaraa na ˈu+No te rahi o te faufaa tei noaa ia ˈu,+
26 Mai te peu ua ite au i te mahana* i te anaanaraaAore ra te avaˈe i te tereraa ma to ˈna hanahana,+
27 E ua haamata to ˈu aau i te haavare ia ˈu,E ua apa to ˈu vaha i to ˈu rima no te haamori i te reira,+
28 Ua hape ïa vau, no reira, ua tano ia faautuahia vau e te mau haava,Ua taiva hoi au i te Atua mau i nia.
29 Ua oaoa aˈena anei au i te haamouraahia to ˈu enemi+Aore ra ua oaoa aˈena anei au no te mea ua roohia oia i te ino?
30 Aita vau i faatia aˈenei i to ˈu vaha ia haraMa te ani i to ˈna ora* na roto i te hoê horeo.+
31 Aita anei te mau taata o to ˈu fare ie i parau:‘O vai te nehenehe e ite mai i te tahi taata aita i paia i ta ˈna maa?’*+
32 Aita roa e taata ê i taoto i rapae i te po.+Ua tatara vau i to ˈu mau opani no te ratere.
33 Ua tamata aˈena anei au i te tapoˈi i ta ˈu mau hapa, mai te tahi atu mau taata,+A huna ˈi i ta ˈu hape i roto i te pute o to ˈu ahu?
34 Ua mǎtaˈu anei au i ta te nahoa e rave mai,Aore ra ua riaria anei au ia vahavaha mai te tahi atu mau utuafare,A mamû atu ai au e a mǎtaˈu atu ai i te haere i rapae?
35 Ahani iho â e taata te faaroo ia ˈu!+
E tuurima vau i te mau parau ta ˈu i parau i to ˈu iˈoa.*
Ia pahono te Manahope ia ˈu!+
Ahani iho â tei faahapa ia ˈu i papai i ta ˈna mau pariraa i nia i te tahi api!
36 E amo vau i te reira i nia i to ˈu tapono,E e taamu vau i te reira i nia i to ˈu upoo mai te tahi hei.
37 E faˈi au ia ˈna pauroa to ˈu taahiraa avae.E faafatata vau ia ˈna ma te tiaturi, mai te tahi huiarii.
38 Ahani to ˈu iho fenua i amuamu ia ˈuE to ˈna mau vahi arotehia i taˈi amui,
39 Ahani au i amu i ta ˈna i faatupu ma te aufau ore,+Aore ra ahani to ˈna mau fatu i autâ no ˈu aˈe,+
40 Ia tupu ïa te raau taratara no ˈu, eiaha râ te sitonaE te aihere hauˈa ino, eiaha râ te kerite.”
Ua oti ta Ioba mau parau i ǒ nei.
Nota i raro i te api
^ Heb: “aita i taoto aˈenei i te tane.”
^ Huri-atoa-hia “e te feia haavare?”
^ Aore ra “ia haamouhia to ˈu huaai.”
^ Heb: “ia tuturi te tahi atu mau tane i nia ia ˈna.”
^ Heb: “te amu haapau.”
^ Aore ra “A iriti tumu ai pauroa ta ˈu i faatupu.”
^ Aore ra “hororaa ia ˈu i te haavaraa.”
^ Heb: “ia tia mai te Atua i nia?”
^ Heb: “i roto i te opu.”
^ Heb: “poopoo.”
^ Heb: “oia.”
^ Heb: “no ˈna.”
^ Heb: “mai te opu mai â o to ˈu metua vahine.”
^ Heb: “to ˈna na mape.”
^ Huri-atoa-hia “A ite ai au e turuhia vau i te uputa o te oire.”
^ Aore ra “ivi tapono.”
^ Aore ra “ia taa to ˈu rima i to ˈna puoiraa ivi,” “ia taa to ˈu rima i te ivi rima i nia.”
^ Heb: “maramarama.”
^ Heb: “inaˈi.”
^ Aore ra “Teie ta ˈu tuurimaraa.”