Ioba 30:1-31
30 “E tane apî aˈe ia ˈuTeie e ata nei ia ˈu,+No ratou te mau metua tane ta ˈu i ore i fariiIa tauturu i te mau urî e tiai ra i ta ˈu nǎnǎ mamoe.
2 Eaha te faufaa o te puai o to ratou rima no ˈu?
Ua mou to ratou itoito.
3 Ua rohirohi roa ratou no te hiaai e te poia.E auau ratou i te fenua mǎrôTei ino e tei ano ê na.
4 E haaputu ratou i te mau rauere avaava o te mau tumu raau haehaa.O te aˈa o te mau tumu retama ta ratou maa.
5 Ua tiahihia ratou mai rotopu i to ratou mau taata.+E tuô te taata ia ratou mai te huru ra e eiâ.
6 E ora ratou na te mau afaa,I roto i te mau apoo i raro i te fenua e i roto i te mau mato.
7 Mai roto mai i te mau tumu raau haehaa e tuô ai ratouE e otaa ratou i ropu i te mau raau taratara.
8 Mai te mau tamarii a te feia maamaa e te faufaa ore,Ua tiahihia* ratou i teie fenua.
9 I teie nei râ e faaooo ratou ia ˈu i roto atoa i ta ratou mau himene.+Ua riro vau ei vahavaharaa* na ratou.+
10 Mea hae na ratou ia ˈu e e faaatea ratou ia ˈu.+Eita ratou e taiâ i te tutuha i nia i to ˈu hohoˈa mata.+
11 No te mea ua iriti ê te Atua i ta ˈu mau mauhaa tamaˈi* e ua faahaama ia ˈu,Eita ratou e haavî aˈe ia ratou* i mua i to ˈu aro.
12 I to ˈu pae atau, e tia amui mai ratou no te faahuehue.E tiahi ratou ia ˈuE e opani ratou i to ˈu eˈa no te haamou ia ˈu.
13 E tuino ratou i to ˈu mau purumuE e faauˈana ratou i to ˈu ati,+Aita hoê no te tapea* ia ratou.
14 E haere mai ratou mai te huru ra mea na roto i te tahi apoo rahi i roto i te patu.E tae rahi mai ratou i te vahi tei haamouhia.
15 Ua roohia vau i te mehameha.Ua tiahihia to ˈu tura mai te mataˈi,E ua moˈe to ˈu faaoraraa mai te ata.
16 I teie nei te iti ra to ˈu ora* i roto ia ˈu.+Te tapea ra te mau mahana ahoaho ia ˈu.+
17 E puta* to ˈu mau ivi i te mauiui i te po.+E ore te mauiui e faaea i te auau ia ˈu.+
18 Ua taui roa te hohoˈa o to ˈu ahu i te tahi puai rahi.*Mai te aˈî o to ˈu ahu, e uumi te reira ia ˈu.
19 Ua taora te Atua ia ˈu i roto i te vari.Ua riro vau mai te huˈahuˈa repo e te rehu.
20 E pii au ia oe ia tauturu mai, eita râ oe e pahono ia ˈu.+E tia vau i nia, e hiˈo noa mai râ oe ia ˈu.
21 Ua fariu mai oe ia ˈu ma te ino.+I te hope o te puai o to oe rima, ua aro oe ia ˈu.
22 E amo oe ia ˈu a pee atu ai au i te mataˈi.I reira oe e ueue ai ia ˈu i roto i te vero.*
23 Ua ite hoi au e haapou oe ia ˈu i te pohe,I te fare e farerei ai te feia ora atoa.
24 Eita râ hoê e tairi i te tahi taata hepohepo*+A pii ai oia ia tauturuhia o ˈna i te taime o to ˈna ati.
25 Aita anei au i taˈi no te feia tei faaruru i te fifi?*
Aita anei au i oto no te feia veve?+
26 Noa ˈtu ua hinaaro vau i te maitai, o te ino tei tae mai.Ua tiai au i te maramarama, o te poiri râ tei tae mai.
27 Aita te horuhoru i roto ia ˈu i faaea.Ua û vau i te mau mahana ahoaho.
28 Ua hahaere au ma te peapea.+ Aita e maramarama.
I roto i te amuiraa, e tia vau i nia e e pii au ia tauturuhia vau.
29 Ua riro vau ei taeae no te mau urî taehaeE ei hoa no te mau tamahine a te ione.+
30 Ua ereerehia e ua matara to ˈu iri.+Ua paapaa to ˈu mau ivi i te âhu.*
31 E faaohipahia ta ˈu kinura no te oto anaˈe,E ta ˈu vivo no te taˈi o te auê.
Nota i raro i te api
^ Heb: “huihia.”
^ Heb: “parau paari.”
^ Heb: “ua tuutuu te Atua i te taura o ta ˈu fana.”
^ Aore ra “E tatara ratou i te tavaha.”
^ Huri-atoa-hia “no te tauturu.”
^ Heb: “Ua putaputa.”
^ Huri-atoa-hia “E taui roa te hohoˈa o to ˈu tino i te uˈana o to ˈu ahoaho.”
^ Huri-atoa-hia “faahuˈahuˈa ˈi ia ˈu ma te haruru.”
^ Heb: “haapueraa huˈahuˈa.”
^ Aore ra “e roohia ra i te ahoaho?”
^ Huri-atoa-hia “fiva.”
