Ioba 27:1-23

  • Faaoti papu Ioba e vai hapa ore (1-23)

    • “E ore au e faarue i to ˈu hapa ore” (5)

    • Aita e tiaturiraa no te taata faatura ore i te Atua (8)

    • ‘No te aha e parau faufaa ore roa ˈi ta outou?’ (12)

    • Aita hoê aˈe maitai ta te taata ino (13-23)

27  Tamau noa ˈtura Ioba i ta ˈna oreroraa parau:*   “Te horeo nei au i te ora o te Atua, tei faaere ia ˈu i te parau-tia,+E i te iˈoa o te Manahope, no ˈna vau* i ahoaho ai,+   A huti noa ˈi au i te aho,E a vai noa ˈi te puai ora no ǒ mai i te Atua i roto i to ˈu apoo ihu,+   Eita to ˈu vaha e parau i te parau tia ore.Eita atoa to ˈu arero e parau mǎrû i te haavare!   E ore roa e tia ia ˈu ia parau e feia parau-tia outou! E ore au e faarue* i to ˈu hapa ore+ e pohe noa ˈtu vau!   E tapea vau i ta ˈu parau-tia e eita vau e tuu atu.+Eita to ˈu aau e faahapa* ia ˈu a ora noa ˈi au.*   Ia riro to ˈu enemi mai te taata ino,Te feia e patoi ra ia ˈu mai te feia parau-tia ore.   Eaha hoi te tiaturiraa o te taata faatura ore i te Atua* ua haamou-anaˈe-hia oia,+Ua rave anaˈe te Atua i to ˈna ora?*   E faaroo anei te Atua i ta ˈna auêUa roo-anaˈe-hia oia i te ati?+ 10  Aore ra e oaoa anei oia i te Manahope? E tiaoro anei oia i te Atua i te mau taime atoa? 11  E haapii au ia outou no nia i te mana* o te Atua.Eita vau e huna aˈe i te tahi mea no nia i te Manahope. 12  Inaha e orama ta outou pauroa i ite,No te aha ïa e parau faufaa ore roa ˈi ta outou? 13  Teie te tuhaa a te taata ino no ǒ i te Atua,+Tei tutuuhia e te Manahope na te feia haavî: 14  Ia rahi ta ˈna tamarii, e pohe pauroa ratou i te ˈoˈe,+E eita e navai te maa a to ˈna huaai. 15  E hunahia e te maˈi pohe tei ora â i muri mai ia ˈna,E eita ta ratou mau vahine ivi e taˈi ia ratou. 16  Noa ˈtu e haapue oia i te ario mai te repoE e haaputu i te mau ahu maitai mai te araea, 17  Noa ˈtu e nehenehe oia e haaputu i te reira,Na te taata parau-tia e oomo i te reira,+E na te taata hara ore e tufa i ta ˈna ario. 18  E parari hanoa te fare ta ˈna e patu mai to te manumanu,Mai te tahi tamaru+ hamanihia e te tahi taata tiai. 19  E taoˈa rahi ta ˈna ia taoto oia, eita râ oia e haaputu i te tahi mea.Ia araara to ˈna mata, aita hoê aˈe mea ati aˈe ia ˈna. 20  E roohia oia i te mehameha mai te ûa rahi.E hopoi ê te vero ia ˈna i te po.+ 21  E hopoi ê te mataˈi no hitia o te râ ia ˈna, a moˈe atu ai.E pee oia i te reira mai to ˈna vahi mai.+ 22  E farara te reira i nia ia ˈna ma te aroha ore+E e tamata faufaa ore oia i te horo ê i te puai o te mataˈi.+ 23  E popo faaooo te reira ia ˈnaE e hio+ atu ia ˈna mai to ˈna vairaa mai.*

Nota i raro i te api

Heb: “parau paari.”
Hebera nephe. Hiˈo i te titionare.
Aore ra “E ore au e hopoi ê,” “E tapea vau.”
Aore ra “faaooo.”
Aore ra “hoê aˈe o to ˈu mau mahana.”
Aore ra “taiva.”
Hebera nephe. Hiˈo i te titionare.
Huri-atoa-hia “na roto i te rima.”
Huri-atoa-hia “E popo faaooo ratou ia ˈna e e hio atu ia ˈna mai to ratou vairaa mai.”