Ioba 26:1-14

  • Pahonoraa a Ioba (1-14)

    • “Ua tauturu mau â oe i te taata mana ore!” (1-4)

    • ‘E faatautau te Atua i te fenua i roto i te aore’ (7)

    • ‘Te hiti noa o te mau eˈa o te Atua’ (14)

26  Pahono atura Ioba:   “Ua tauturu mau â oe i te taata mana ore! Ua faaora mau â oe i te rima puai ore!+   E aˈoraa faahiahia mau â ta oe i horoa i tei ere i te paari!+ Ua faaite noa* mau â oe i to oe paari mau!*   O vai ta oe e tamata ra i te paraparau,E na vai i turai ia oe ia parau i tera huru parau?*   E rûrû te feia puai ore i roto i te pohe.To raro atu â ratou i te mau pape e to reira.   E vai tahaa noa te Apoo* i mua i te Atua,*+E e tarava noa te vahi haamouraa* ma te tapoˈi ore.   E vauvau oia i te raˈi no apatoerau* i nia iho i te mau vahi ano,*+A faatautau ai i te fenua i roto i te aore.   E puohu oia i te mau pape i ta ˈna mau ata,+Ia ore te mau ata ia parari no to ratou teiaha.   E tapoˈi oia i to ˈna terono,A vauvau ai i ta ˈna ata i nia iho.+ 10  E reni oia i te iriatai* i nia aˈe i te mau pape.+E tuu oia i te otia i ropu i te maramarama e te poiri. 11  Te mau pou o te raˈi te aueue.E taparuru ratou ia tamaˈi oia ia ratou. 12  E maraa te miti i to ˈna mana,+E ma to ˈna maramarama e faahuˈahuˈa oia i te animara rahi o te miti.*+ 13  I to ˈna aho* e faaateatea oia i te mau raˈi.Na to ˈna rima e patia i te ophi mau ore ia tapea.* 14  Inaha, o te mau hiti noa tera o to ˈna mau eˈa.+E parau mǎrû noa tei faaroohia no ˈna! O vai ïa te nehenehe e taa i ta ˈna patiri puai?”+

Nota i raro i te api

Aore ra “rahi.”
Aore ra “i to oe manaˈo paari.”
Heb: “E no vai te aho tei haere mai i rapae ia oe?” Hebera rua. Hiˈo i te titionare.
Aore ra “Hade,” oia hoi te menema o te huitaata. Hiˈo i te titionare.
Heb: “ia ˈna.”
Aore ra “Abadona.”
Heb: “te apatoerau.”
Heb: “i roto i te aore.”
Heb: “te tahi menemeneraa.”
Heb: “Rahaba.”
Aore ra “mataˈi.”
Aore ra “heehee noa.”