Ioba 22:1-30

  • Toru o te paraparauraa a Eliphaza (1-30)

    • “Nehenehe anei te tahi taata e tauturu i te Atua?” (2, 3)

    • Pariraa ia Ioba i te nounou e te parau-tia ore (6-9)

    • ‘A hoˈi i te Atua e ia maitai faahou mai oe’ (23)

22  Pahono maira Eliphaza+ ati Temana:   “E nehenehe anei te tahi taata e tauturu i te Atua? E nehenehe anei te tahi taata haroˈaroˈa e tauturu ia ˈna?+   E haapao* anei te Manahope e taata parau-tia oe,Aore ra e apî anei oia no te mea e pee oe i te haerea hapa ore?+   E faautua anei oia ia oeE e horo anei oia ia oe i te haavaraa no to oe faatura ia ˈna?   E ere anei no te rahi mau o to oe inoE aita e hopearaa to ta oe mau hape?+   E haru hoi oe i te tahi piri taoˈa i to oe mau taeae ra aita e tumu,E e tatara oe i te ahu o te mau taata, a vai tahaa ˈtu ai ratou.*+   Eita oe e horoa i te pape na tei rohirohi,E eita oe e horoa i te maa na tei poia.+   No te taata mana te fenua,+E o te taata fanaˈo te parahi i nia iho.   Ua tuu râ oe i te vahine ivi ia haere aita hoê aˈe faufaa,E ua taataahi oe i te rima o te tamarii aita e metua tane.* 10  No reira oe i haaatihia ˈi i te marei,*+E e mehameha oe i te mau mea riaria tupu taue. 11  No reira mea poiri roa ˈi a ore atu ai ta oe e nehenehe e ite,No reira e poˈi ai oe i te pape pue. 12  Aita anei te Atua i te teiteiraa o te raˈi? E a hiˈo i te teiteiraa o te mau fetia. 13  Ua parau râ oe: ‘Eaha mau na ta te Atua i ite? E nehenehe anei ta ˈna e haava na roto i te rumaruma rahi? 14  E moˈe oia i te mau ata a ore atu ai oia e ite maiA hahaere ai oia na nia iho i te aroaro* o te raˈi.’ 15  E pee anei oe i te eˈa tahitoI na reira ˈi te feia ino i te haere, 16  E feia tei pohe oioi a apî noa ˈi ratou,*No ratou te niu tei ninahia i te pape pue?*+ 17  I parau na ratou i te Atua mau: ‘A vaiiho ia matou!’ E ‘Eaha ta te Manahope e nehenehe e rave ia matou?’ 18  O ˈna hoi tei faaî i to ratou mau fare i te mau mea maitai. (Mea atea tera manaˈo ino i to ˈu.) 19  E ite te taata parau-tia i te reira e e oaoa ratou.E e faaooo te taata hapa ore ia ratou e e na ô: 20  ‘Ua haamouhia to tatou mau enemi,E ua pau tei toe ia ratou i te auahi.’ 21  Ia ite oe o vai o ˈna, e hau ïa oe.E fanaˈo ïa oe e rave rahi maitai. 22  A farii i te ture no roto i to ˈna vaha,E a tapea i ta ˈna mau parau i roto i to oe aau.+ 23  Ia hoˈi oe i te Manahope, e maitai faahou mai oe.+Ia tatara oe i te parau-tia ore mai roto mai i to oe fare ie, 24  Ia taora oe i ta oe auro* i roto i te repoE te auro no Ophira+ i roto i te mau afâ mato, 25  E riro ïa te Manahope ei auro* na oe,E o ˈna ta oe ario moni roa ˈˈe. 26  Ei reira hoi oe e oaoa ˈi i te Manahope,E e fariu oe i to oe aro i te Atua. 27  E taparu oe ia ˈna, e e faaroo oia ia oe.E haapao oe i ta oe mau euhe. 28  E manuïa pauroa ta oe e faaoti,E e anaana te maramarama i nia i to oe eˈa. 29  E faahaamahia hoi oe ia paraparau oe ma te teoteo,E faaora râ oia i te feia haehaa.* 30  E faaora oia i te feia hapa ore.No reira, mai te peu e rima viivii ore to oe, e faaorahia oe.”

Nota i raro i te api

Aore ra “oaoa.”
Heb: “te mau taata e vai tahaa ra.”
Aore ra “otare.”
Heb: “herepata no te manu.”
Aore ra “menemeneraa.”
Aore ra “tei haapotohia te ora.”
Heb: “anavai.”
Aore ra “huˈahuˈa auro.”
Aore ra “huˈahuˈa auro.”
Aore ra “tei hiˈo te mata i raro.”