Ioba 17:1-16
17 “Ua ore roa to ˈu puai, ua mou to ˈu mau mahana.Te tiai ra te menema ia ˈu.+
2 Ua haaatihia vau e te feia faaooo,+E te tiatonu noa ra to ˈu mata i to ratou haerea orure hau.
3 A farii na i ta ˈu piri taoˈa, e a tapea ˈtu ia oe.
O vai atu â te aroha rima ia ˈu e te turu ia ˈu?+
4 Ua huna hoi oe i te haroˈaroˈa i to ratou aau.+No reira oe e ore ai e faateitei ia ratou.
5 Te vai ra te tufa i ta ratou faufaa na to ratou mau hoa,A poopoo ai te mata o ta ratou mau tamarii.
6 Ua faariro oia ia ˈu ei vahavaharaa* i rotopu i te mau nunaa,+A riro atu ai au ei taata ta ratou e tutuha i nia i te hohoˈa mata.+
7 No te hepohepo e mohimohi atu â ˈi to ˈu mata,+E e marumaru noa to ˈu mau mero atoa.
8 E maere te feia afaro ia ite i te reira,E e peapea te taata hara ore no te taata faatura ore i te Atua.*
9 E mau papu noa te taata parau-tia i to ˈna haerea,+E e puai noa ˈtu â te taata rima viivii ore.+
10 Tera râ, e nehenehe outou pauroa e haere mai e e faahiti faahou i ta outou mǎrôraa,Aita hoi au i ite i te tahi taata feruriraa paari i rotopu ia outou.+
11 Ua hope to ˈu mau mahana.+Ta ˈu mau opuaraa, te mau hinaaro o to ˈu aau, ua tuinohia ïa.+
12 E taui noa ratou i te po ei ao,A na ô ai: ‘Fatata te maramarama no te mea e mea poiri.’
13 Ia tiai au, e riro te Apoo* ei nohoraa no ˈu.+E tuu vau i to ˈu roˈi i roto i te poiri.+
14 E pii au i te apoo:*+ ‘O oe to ˈu metua tane!’
I te toˈe: ‘To ˈu metua vahine e to ˈu tuahine!’
15 Teihea ˈtura ïa to ˈu tiaturiraa?+
O vai te nehenehe e manaˈo e tiaturiraa to ˈu?
16 E pou te reira* i te mau uputa o te Apoo*Ia pou amui tatou pauroa i raro i te repo.”+
Nota i raro i te api
^ Heb: “parau paari.”
^ Aore ra “taiva.”
^ Aore ra “apoo hunaraa.”
^ Oia hoi to ˈu tiaturiraa.