Ioba 11:1-20

  • Paraparauraa matamua a Zophara (1-20)

    • Pariraa e parau faufaa ore ta Ioba (2, 3)

    • Parauraa ia Ioba e haapae i te ino (14)

11  Pahono maira Zophara+ ati Naama:   “E ore anei tera mau parau atoa e pahonohia,Aore ra i te rahi anei o te paraparau e tano ai te tahi taata?*   E haamamû anei ta oe mau parau faufaa ore i te taata? Aita anei e taata e tamaˈi ia oe no ta oe mau parau faaooo?+   Te na ô ra hoi oe: ‘Mea viivii ore ta ˈu haapiiraa,+E mea mâ vau i to oe mata.’+   Ahani te Atua e hinaaro e paraparauE e hamǎmǎ i to ˈna vaha no te pahono ia oe,+   E faaite ïa oia ia oe i te mau parau huna o te paari,Mea rahi hoi te parau o te paari mau. E taa ïa ia oe e opua te Atua e faaore vetahi o ta oe mau hape.   E nehenehe anei ta oe e ite mai i te mau mea hohonu no nia i te AtuaAore ra e ite pauroa no nia i* te Manahope?   Mea teitei aˈe te paari i te raˈi. Eaha ta oe e nehenehe e rave? Mea hohonu aˈe te reira i te Apoo.* Eaha ta oe e nehenehe e ite mai?   Mea roa aˈe te reira i te fenuaE mea aano aˈe i te moana. 10  Ia haere aˈe oia, ia haru oia i te tahi taata e ia afai ia ˈna i te haavaraa,O vai te nehenehe e haapaari atu? 11  Ua ite hoi oia ia haavarevare te taata. Ia ite oia i te mea ino, eita anei oia e haapao? 12  E taa râ i te hoê taata maamaaI te taime noa e nehenehe ai te hoê asini oviri e fanau mai i te hoê taata.* 13  Ahani iho â oe i faaineine i to aauE i toro i to rima ia ˈna ra. 14  Mai te peu te rave ra to rima i te mea ino, a haapae atu i te reira,E eiaha te parau-tia ore ia parahi i roto i to mau fare ie. 15  I reira hoi oe e nehenehe ai e faateitei i to aro ma te haama ore.E nehenehe oe e mau papu, ma te mǎtaˈu ore. 16  I reira e moˈe ai ia oe to oe ati.E haamanaˈo oe i te reira mai te mau pape tei reva ê. 17  E riro to oraraa ei mea marama aˈe i te avatea.To ˈna atoa poiri, mai te poipoi ïa. 18  E papu to oe tiaturi, no te mea te vai ra te tiaturiraa,E hiˈo oe ati aˈe e e tarava oe ma te taiâ ore. 19  E tarava oe e aita hoê e faariaria ia oe,E mea rahi te taata o te ani ia hamani maitai oe ia ratou. 20  E mohimohi râ te mata o te feia ino.Eita ratou e ite mai i te tahi vahi e haapu ai,E o te pohe* noa to ratou tiaturiraa.”+

Nota i raro i te api

Aore ra “e tano anei te tahi taata faatietie?”
Aore ra “ite i te otia o.”
Aore ra “Hade,” oia hoi te menema o te huitaata. Hiˈo i te titionare.
Aore ra “e fanauhia mai ai te hoê asini oviri ei taata.”
Aore ra “puhiraa aho hopea.” Hebera rua. Hiˈo i te titionare.