Ieremia 6:1-30

  • Fatata Ierusalema i te haaatihia (1-9)

  • To Iehova riri rahi ia Ierusalema (10-21)

    • Parauraa “E hau!,” aita nei hoi e hau (14)

  • Na apatoerau mai te mau enemi ino mau (22-26)

  • Ia riro Ieremia ei taata tamâ ario (27-30)

6  A haapu, e te huaai o Beniamina, i te tahi vahi atea ia Ierusalema. A faaoto i te pu tara+ i Tekoa.+A tutui i te auahi ei tapao i nia ia Bete-hakerema! E ati hoi te tae mai ra na apatoerau mai, e ati rahi.+   E hohoˈa te tamahine o Ziona i te tahi vahine huiarii nehenehe.+   E haere mai te mau tiai e ta ratou mau nǎnǎ. E patia ratou i to ratou mau fare ie ati aˈe ia ˈna,+A aratai ai te tiai tataitahi i ta ˈna mau mamoe i ta ˈna iho vahi aihere.+   “A faaineine ia outou no te aro* ia ˈna! A tia mai, e e aro anaˈe ia ˈna i te avatea!” “Ua ati tatou, te ahiahi atu ra hoi,Te roa ˈtu ra hoi te marumaru o te ahiahi!”   “A tia mai, e aro anaˈe i te poE e vavahi anaˈe i to ˈna mau pare etaeta.”+   Teie hoi ta Iehova o te mau nuu* e parau ra: “A tâpû i te raau a faatia ˈtu ai i te tahi aua ati aˈe ia Ierusalema.+ O ˈna te oire te faautuahia.E haavîraa anaˈe te ravehia ra i reira.+   Mai te apoo pape e pihaa noa mai to ˈna pape,E pihaa noa atoa mai te ino i roto i teie oire. E haavîraa uˈana e te haamouraa te faaroohia i ǒ ˈna.+E maˈi e e ati noa to mua ia ˈu.   A faaroo i te faaararaa, e Ierusalema, a fariu ê hoi au ia oe ma te haafaufau.+E faariro vau ia oe ei vahi ano, e fenua aita e taata e parahi i reira.”+   Teie ta Iehova o te mau nuu e parau ra: “E ohi-pauroa-hia tei toe mai o Iseraela mai te peenave vine e toe ra o te hoê tumu vine. A faahaere faahou mai i to rima mai te tahi pofai vine i roto i te faaapu vine.” 10  “O vai ta ˈu e paraparau e e faaara? O vai te faaroo mai? Inaha, ua piri to ratou tariˈa,* a ore atu ai ratou e nehenehe e haapao mai.+ Inaha, ua riro te parau a Iehova ei vahavaharaa na ratou.+Eita ratou e au i te reira. 11  No reira vau i î ai i te riri rahi tahoo o Iehova,E ua rohirohi roa vau i te tapea-noa-raa i te reira.”+ “A ninii i te reira i nia i te tamarii i roto i te aroâ,+I nia i te mau pǔpǔ taata apî tei putuputu mai. E haruhia ratou pauroa, te tane e ta ˈna vahine faaipoipo,Te feia paari e te ruhiruhia atoa.*+ 12  E horoahia to ratou mau fare no vetahi ê,Oia atoa ta ratou mau faaapu e ta ratou mau vahine faaipoipo.+ E toro hoi au i to ˈu rima no te tairi i tei parahi ra i teie fenua,” te parau ra Iehova. 13  “Te imi ra hoi ratou tataitahi, te taata haihai e tae noa ˈtu te taata tiaraa teitei, i te apî i te ohipa taviri.+E ohipa taviri ta ratou pauroa, te peropheta e tae noa ˈtu te tahuˈa.+ 14  E te tamata ra ratou i te rapaau ma te haapao ore* i te hiˈaraa* o to ˈu nunaa, a na ô ai:‘E hau! E hau!’ Aita nei hoi e hau.+ 15  Te haama ra anei ratou i te mau mea hairiiri ta ratou i rave? Aita roa ˈtu ratou e haama ra! Aita atoa ratou i ite eaha te haama!+ E hiˈa ïa ratou i rotopu i tei hiˈa ê na. Ia faautua vau ia ratou, e turori ratou,” te parau ra Iehova. 16  Teie ta Iehova e parau ra: “A tia i te maaraa purumu e a hiˈo. A ui teihea te mau purumu tahito,A ui teihea te eˈa maitai, e a haere na reira,+E ia itea mai ia outou te faafaaearaa no outou.”* E na ô râ ratou: “Eita matou e haere na reira.”+ 17  “E ua faatoroa vau i te feia tiai+ o tei parau:‘A horoa i te tariˈa faaroo i te oto o te pu tara!’”+ Ua na ô râ ratou: “Eita matou e horoa i te tariˈa faaroo.”+ 18  “A faaroo mai ïa outou te mau nunaa! E ia ite outou, e te amuiraa,I te tupu i nia ia ratou. 19  A faaroo mai, e te fenua! Te faatae nei au i te tahi ati i nia i teie nunaa+Ei faahopearaa o ta ratou iho mau opuaraa,Aita hoi ratou i tâuˈa i ta ˈu mau parauE ua faarue ratou i ta ˈu ture.”* 20  “Ei aha hoi na ˈu ia hopoi mai oe i te tapau libano na Seba maiE te aeho noˈanoˈa* na te hoê fenua atea mai? Eita vau e farii i ta outou mau tusia taauahi taatoa,Mea au ore na ˈu ta outou mau tusia.”+ 21  Teie ïa ta Iehova e parau ra: “Teie au e tuu nei i te turoriraa i mua i teie nunaa,E e turori ratou no te reira,Te mau metua tane e te mau tamaiti atoa,Te taata tupu e to ˈna hoa,E mou ratou pauroa.”+ 22  Teie ta Iehova e parau ra: “Inaha, te haere mai ra te tahi nunaa na te fenua no apatoerau,E e ara mai te tahi nunaa rahi na te mau vahi atea roa ˈˈe o te fenua.+ 23  E rave mai ratou i te fana e te mahae. Mea ino roa ratou e e ore e aroha noa ˈˈe. E haruru to ratou reo mai te miti,E e na nia iho ratou i te puaahorofenua.+ E faanaho ratou ia ratou no te aroraa, mai te tahi taata tamaˈi o te aro ia oe, e te tamahine o Ziona.” 24  Ua faarooroo matou i to ratou parau. E tarere to matou rima,+Ua roohia matou i te ahoaho,Te mauiui rahi* mai to te hoê vahine e fanau ra.+ 25  Eiaha e haere i rapae i te oire,E eiaha e haere na nia i te purumu,E ˈoˈe hoi ta te enemi.Mea riaria ati aˈe. 26  Oe te tamahine a to ˈu nunaa,A oomo i te ahu oto+ e a taaviriviri i roto i te rehu. A oto ma te auê rahi,+ mai no te tahi tamaiti otahi,E tae taue mai hoi tei haamou i nia ia tatou.+ 27  “Ua faariro vau ia oe* ei taata tamâ ario i rotopu i to ˈu nunaa,E taata o te rave i te tahi hiˈopoaraa papu.Ia haapao maitai oe e ia hiˈopoa i to ratou haerea. 28  O ratou pauroa te feia etaeta roa ˈˈe,+O te hahaere ei pari haavare.+ E au ratou i te veo e te auri.E haerea piˈo anaˈe to ratou. 29  Ua paapaa te puhipuhi. E tapau te matara mai roto mai i ta ratou auahi. E tamâhia e e tamâhia â, aita râ e faufaa,+Aita hoi te feia ino i faataa-ê-hia i te nunaa.+ 30  Ario faaruehia, mai tera iho â ratou ia piihia,Ua faarue hoi Iehova ia ratou.”+

Nota i raro i te api

Heb: “haamoˈa i te aroraa.”
Aore ra “sabaota.”
Heb: “aita to ratou tariˈa i peritomehia.”
Heb: “e tei î i te pue mahana.”
Aore ra “rii noa.”
Aore ra “fati.”
Hebera nephe. Hiˈo i te titionare.
Aore ra “haapiiraa.”
Aore ra “kane monamona.”
Heb: “mauiui fanau.”
Oia hoi Ieremia.