Ieremia 51:1-64

  • Tohuhia te ati ta Babulonia e faaruru (1-64)

    • E topa taue noa Babulonia i te ati Medai (8-12)

    • Taorahia te buka i roto i Eupharate (59-64)

51  Teie ta Iehova e parau ra: “E haafarara vau i te hoê mataˈi uˈanaNo te haamou ia Babulonia+ e tei parahi ra i Lebo-kamai.*   E tono vau i te taata i BabuloniaNo te haapurara ia ˈna mai te hoê mataˈi e puhi ê i te huˈahuˈa amaa huero maa, a vai ano atu ai oia.E haere ratou e aro ia ˈna na te mau vahi atoa i te mahana ati.+   Eiaha te taata teˈa ia faatô* i ta ˈna fana. Eiaha te hoê taata e ahu paruru to ˈna ia tia i nia. Eiaha e aumihi i to ˈna mau tane apî.+ A haamou i ta ˈna nuu taatoa.   E e topa to ratou mau tino pohe i te fenua o te mau Kaladaio,Ua patia-pipiha-roa-hia ratou i to ˈna mau aroâ.+   Aita hoi Iseraela e Iuda i riro ei ivi i te ereraa i to ratou Atua, o Iehova o te mau nuu.*+ Ua î râ to raua fenua* i te hapa i te hiˈoraa a Tei Moˈa o Iseraela.   A maue ê mai rotopu mai ia Babulonia,E a horo ê ia ora outou.+ Eiaha outou ia pohe no ta ˈna hape. Ua tae hoi te taime o ta Iehova tahooraa. Te faahoˈi ra oia i ta ˈna no ta ˈna i rave.+   I riro na Babulonia ei auˈa auro i roto i te rima o Iehova.Ua faataero oia i to te fenua atoa nei i te ava. O ta ˈna uaina ta te mau nunaa i inu.+No reira te mau nunaa i maamaahia ˈi.+   Ua topa taue noa o Babulonia e ua parari.+ A auê ia ˈna!+ A tii i te zuri no to ˈna mauiui, peneiaˈe e ora to ˈna maˈi.”   “Ua tamata matou i te faaora i te maˈi o Babulonia, aita râ to ˈna maˈi i ora. A vaiiho ia ˈna, e haere anaˈe te taata tataitahi i to ˈna fenua.+ Ua raea hoi ta ˈna faautuaraa i te raˈi.Hoê â teitei to te reira e to te mau ata.+ 10  Ua haava Iehova ia tatou ma te parau-tia.+ A haere mai, e faatia anaˈe i Ziona i te ohipa a Iehova to tatou Atua.”+ 11  “A faaanaana i te mau teˈa.+ A rave mai i te mau paruru menemene.* Ua faaaraara Iehova i te feruriraa o te mau arii o Medai,+No te mea te opua ra oia e haamou ia Babulonia. O te tahooraa hoi teie a Iehova, te tahooraa no to ˈna hiero. 12  A faatia i te hoê tapao*+ no te aro i te aua o Babulonia. A haapaari i te tiairaa, a tuu i te feia tiai i to ratou tiaraa. A faaineine i te mau pǔpǔ tamoemoe. Ua feruri hoi Iehova i te hoê ravea,E e faatupu oia i ta ˈna i fafau e rave i nia i tei parahi ra i Babulonia.”+ 13  “Oe te vahine e faaea ra i nia i te pape e rave rahi,+E ta oe rahiraa pueraa taoˈa,+Ua tae mai to oe hopea, te otia* o te apî e noaa mai ia oe.+ 14  Ua horeo o Iehova o te mau nuu i to ˈna iho ora:‘E faaî au ia oe i te taata, mai te vivi ra te rahi,E e huro ratou ia oe.’+ 15  O ˈna tei hamani i te fenua i to ˈna puai,O ˈna tei haamau i te fenua repo maitai i to ˈna paari+E tei hohora i te raˈi i to ˈna maramarama.+ 16  Ua haruru anaˈe to ˈna reo,E arepurepu te mau pape o te raˈi,E e haapee oia i te mau ata* i nia mai te hopea mai o te fenua. E faaanapa oia i te uira* no te ûa,E e faahaere oia i te mataˈi i rapae i ta ˈna mau fare vairaa taoˈa.+ 17  E haa te taata atoa ma te feruri ore e te ite ore. E haama te taata tupai auro atoa no te tii ta ratou i tarai,+E haavare hoi ta ratou tii faatôhia,*E aita e puai ora* i roto i taua mau idolo ra.+ 18  Mea faufaa ore ratou,+ e ohipa o te faaooohia. E mou ratou i te mahana e faautuahia ˈi ratou. 19  E ere te Tuhaa a Iakoba mai teie mau mea,Na ˈna hoi i hamani i te mau mea atoa,Oia atoa te raau o ta ˈna tuhaa.+ O Iehova o te mau nuu to ˈna iˈoa.”+ 20  “E omore tamaˈi oe na ˈu, e mauhaa tamaˈi,Ia oe hoi au e vavahi ai i te mau nunaa. Ia oe au e faaano ai i te mau faatereraa arii. 21  Ia oe au e vavahi ai i te puaahorofenua e to ˈna taata faahoro. Ia oe au e vavahi ai i te pereoo tamaˈi e to ˈna taata faahoro. 22  Ia oe au e vavahi ai i te tane e te vahine. Ia oe au e vavahi ai i te taata paari e te tamarii. Ia oe au e vavahi ai i te tane apî e te vahine apî. 23  Ia oe au e vavahi ai i te tiai e ta ˈna nǎnǎ. Ia oe au e vavahi ai i te taata faaapu e ta ˈna nǎnǎ animara. Ia oe au e vavahi ai i te tavana e te huitoofa. 24  E e faahoˈi au i ta Babulonia e ta te feia atoa e parahi ra i KaladaioNo te ino atoa ta ratou i rave i Ziona i mua i to outou mata,”+ te parau ra Iehova. 25  “E aro vau ia oe+ te mouˈa haamou,” te parau ra Iehova,“Oe o te haamou i te fenua atoa nei.+ E toro vau i to ˈu rima e tairi ia oe a taaviri atu ai oe i raro mai nia mai i te mau matoE e faariro vau ia oe ei mouˈa tei ninahia i te auahi.” 26  “Eita te taata e ohi i ǒ oe i te hoê ofai tihi aore ra i te hoê ofai niu,E riro hoi oe ei vahi taata ore e a muri noa ˈtu,”+ te parau ra Iehova. 27  “A faatia i te hoê tapao* i te fenua.+ A faaoto i te pu tara i rotopu i te mau nunaa. A faatoroa* i te mau nunaa e aro ia ˈna.* A titau mai i te mau faatereraa arii no Ararata,+ no Mini e no Asekeneza+ no te aro ia ˈna. A faatoroa i te hoê taata tihepu no te aro ia ˈna. A faahaere mai i te mau puaahorofenua mai te aere vivi huruhuru. 28  A faatoroa* i te mau nunaa e aro ia ˈna,Te mau arii o Medai,+ to ˈna mau tavana e to ˈna huitoofa atoaE te mau fenua atoa ta ratou e faatere ra. 29  E aueue e e rûrû te fenua,E tupu hoi ta Iehova e manaˈo e rave i nia ia BabuloniaNo te faariro i te fenua o Babulonia ei riariaraa, aita hoê taata e parahi ra i roto.+ 30  Ua faarue to Babulonia mau aito i te aroraa. Te parahi nei ratou i roto i to ratou mau pare etaeta. Ua ere ratou i to ratou puai.+ Ua riro ratou mai te vahine.+ Ua tutuihia to ˈna mau fare. Ua ofatihia te mau raau tarava o to ˈna mau uputa.+ 31  Te horo nei te taata hopoi parau e farerei i te tahi atu taata hopoi parau,E te hoê vea e farerei i te tahi atu vea,No te faaite i te arii o Babulonia ua haruhia to ˈna mau oire na te mau vahi atoa,+ 32  Ua haruhia te mau vahi papaˈu,+Ua taninahia te mau poti môˈu,E ua riaria roa te mau faehau.” 33  Teie hoi ta Iehova o te mau nuu, te Atua o Iseraela, e parau ra: “E au te tamahine a Babulonia i te tahi vahi tairiiriraa huero maa.* Ua tae te taime e taataahi ai ia ˈna. E tae oioi mai te tau ootiraa no ˈna.” 34  “Ua pau vau i te amuhia e Nebukanesa te arii o Babulonia.+Ua rapu roa vau ia ˈna. Ua tuu oia ia ˈu i raro mai te tahi farii aita hoê mea i roto. Ua horomii oia ia ˈu mai te hoê ophi rahi.+Ua faaî oia i to ˈna opu i ta ˈu mau taoˈa maitai roa ˈˈe. Ua tiahi ê oia ia ˈu i te pape. 35  ‘Ia tae te ino tei ravehia i nia ia ˈu e to ˈu tino i nia ia Babulonia!’ te parau ra tei parahi ra i Ziona.+ ‘E ia tae to ˈu toto i nia i tei parahi ra i Kaladaio,’ te parau ra Ierusalema.” 36  No reira, teie ta Iehova e parau ra: “E paturu vau i ta oe haavaraa,+E e tahoo vau ia oe.+ E mǎrô to ˈna miti e ta ˈna mau apoo pape ia ˈu.+ 37  E e riro Babulonia ei pueraa ofai,+Ei tapuniraa no te mau urî taehae,+Ei riariaraa e ei hioraa faaooo,Aita hoê e parahi ra i reira.+ 38  E uuru amui ratou mai te mau liona apî. E faaroohia ratou mai te fanauˈa liona.” 39  “A ura ˈi ratou i te hinaaro, e faanaho vau i ta ratou tamaaraa e e faataero vau ia ratou i te ava,Ia umere ratou.+I muri iho, e taoto ratou i te hoê taoto maoroA ore atu ai e ara mai,”+ te parau ra Iehova. 40  “E haapou mai au ia ratou mai te mamoe i te tupairaa,Mai te mamoe oni e te puaaniho oni.” 41  “Auê o Seseka* i te haruraahia,+Auê te Arueraa o te fenua atoa nei i te haruraahia!+ Auê o Babulonia i te riroraa ei riariaraa i rotopu i te mau nunaa! 42  Ua maraa mai te miti i nia ia Babulonia. Ua poˈi roa oia i te rahi o te mau are miti. 43  Ua riro to ˈna mau oire ei riariaraa, ei fenua pape ore e ei medebara. E fenua aita hoê e parahi i reira e e haere atu na reira.+ 44  E faautua vau ia Belâ+ i Babulonia,E e tatara vau i ta ˈna i horomii mai roto mai i to ˈna vaha.+ Eita te mau nunaa e horo faahou ia ˈna ra,E e marua te aua o Babulonia.+ 45  A haere ê mai rotopu mai ia ˈna, to ˈu nunaa!+ A horo ê a ora ˈtu ai outou+ i te riri ura o Iehova!+ 46  Eiaha e toaruaru aore ra e riaria no te faatiaraa o te faaroohia i te fenua. I roto hoê matahiti e faaroohia ˈi te faatiaraa,E i te matahiti i mua, te tahi atu ïa faatiaraa,Te haavîraa uˈana i te fenua e te mau faatere e aro te tahi i te tahi. 47  No reira, inaha, te tae mai ra te mau mahanaE faautua ˈi au i te mau tii nanaˈohia o Babulonia. E e faahaamahia to ˈna fenua taatoa,E e topa to ˈna mau taata tei haapohehia i ǒ ˈna.+ 48  Te raˈi, te fenua e to reiraTe umere ia Babulonia,+E tae mai hoi te feia haamou ia ˈna na apatoerau mai,”+ te parau ra Iehova. 49  “E ere noa tei taparahi-pohe-hia no Iseraela tei topa ia Babulonia.+I Babulonia atoa râ te toparaa tei taparahi-pohe-hia no te fenua atoa nei. 50  Outou tei ora ˈtu i te ˈoˈe, a haere, eiaha e faaea!+ A haamanaˈo ia Iehova i te vahi atea,E a manaˈo ia Ierusalema.”+ 51  “Ua faahaamahia matou, e faaoooraa hoi ta matou i faaroo.Ua poˈi to matou aro i te haama, E feia ěê hoi tei haere mai e aro i te mau vahi moˈa o te fare o Iehova.”+ 52  “No reira, inaha,” te parau ra Iehova,“E tae mai te mau mahana e faautua ˈi au i ta ˈna mau tii nanaˈohia,E e uuru ai te feia pêpê na to ˈna fenua taatoa.”+ 53  “Ia pauma noa ˈtu Babulonia i te raˈi,+Ia haapaari noa ˈtu oia i to ˈna mau pare etaeta,E tae atu to ˈna feia haamou no ǒ atu ia ˈu nei,”+ te parau ra Iehova. 54  “A faaroo na! E auê te faaroohia ra i Babulonia,+E haruru o te hoê ati rahi i te fenua o te mau Kaladaio,+ 55  E haamou hoi Iehova ia Babulonia,E haamamû oia i to ˈna reo puai,E e haruru to ˈna mau are mai te pape e rave rahi. E faaroohia te taˈi o to ratou reo. 56  E tae atu hoi te taata haamou i nia ia Babulonia.+E haruhia to ˈna mau aito,+E vavahihia ta ratou mau fana,E Atua hoi Iehova o te faautua ma te tano.+ E faahoˈi mau â oia i ta te taata mai ta ˈna i rave.+ 57  E faataero vau i to ˈna huiarii, to ˈna mau taata feruriraa paari i te ava,+To ˈna mau tavana, to ˈna huitoofa e to ˈna mau aito,E e taoto ratou i te hoê taoto maoroA ore atu ai e ara mai,”+ te parau ra te Arii, o Iehova o te mau nuu to ˈna iˈoa. 58  Teie ta Iehova o te mau nuu e parau ra: “E haamou-roa-hia te aua o Babulonia,+ noa ˈtu to ˈna aano,E e tutuihia to ˈna mau uputa, noa ˈtu te teitei. E rohi faufaa ore noa te mau nunaa.E faarohirohi te mau nunaa ia ratou no te tuu noa i te vahie i nia i te auahi.”+ 59  Teie te parau ta Ieremia te peropheta i faaue ia Seraia te tamaiti a Neria+ te tamaiti a Mahaseia ia ˈna i haere i Babulonia raua Zedekia te arii o Iuda i te maha o ta ˈna matahiti faatereraa. O Seraia te tiaau taoˈa a te arii. 60  Ua papai Ieremia i roto hoê noa buka i te mau ati atoa te tae mai i nia ia Babulonia, te mau parau atoa papaihia no nia ia Babulonia. 61  Hau atu â, ua parau Ieremia ia Seraia: “Ia haere oe e ia ite oe ia Babulonia, e taio haapuai oe i teie mau parau atoa. 62  I reira oe e parau ai: ‘E Iehova, ua parau oe e haamouhia teie vahi e eita faahou e parahihia e te taata aore ra te animara, e e vai ano oia e a muri noa ˈtu.’+ 63  E ia oti ia oe i te taio i teie buka, a taamu i te reira i te tahi ofai a taora ˈtu ai i ropu i Eupharate. 64  I reira oe e parau ai: ‘Mai te reira Babulonia e tomo ai a ore atu ai e tia faahou mai+ no te ati ta ˈu e faatae i nia ia ˈna. E e rohirohi ratou.’”+ I ǒ nei e hope ai te mau parau a Ieremia.

Nota i raro i te api

E au ra e iˈoa no Kaladaio ua faahuru-ê-hia te papai.
Heb: “taahi.”
Aore ra “sabaota.”
Oia hoi te fenua o te mau Kaladaio.
Huri-atoa-hia “A faaî i te mau vairaa teˈa.”
Aore ra “pou tapao.”
Heb: “faito.”
Aore ra “mâhu.”
Huri-atoa-hia “E hamani oia i te tamauraa pape.”
Aore ra “faatahehia.”
Aore ra “aho.”
Aore ra “pou tapao.”
Heb: “haamoˈa.”
Oia hoi Babulonia.
Heb: “haamoˈa.”
Hiˈo i te titionare.
E au ra e iˈoa no Babela (Babulonia) ua faahuru-ê-hia te papai.