Ieremia 5:1-31
5 A haere na te mau aroâ o Ierusalema.
A hiˈo haere e a mataitai.
A hiˈopoa i to ˈna mau mahoraE itehia mai anei ia outou te hoê taata ohipa parau-tia,+O te tutava i te faaite i te haapao maitai,E e faaore au i te hara a to te oire.
2 Noa ˈtu e parau ratou: “Te horeo nei au i te ora o Iehova!,”
E horeo noa ratou i te mea haavare.+
3 E Iehova, eita anei to oe mata e imi i te haapao maitai?+
I tairi na oe ia ratou, aita râ ratou i oto.*
I haamou na oe ia ratou, aita râ ratou i farii i te aˈo.+
Ua haapaari ratou i to ratou aro hau aˈe i te mato,+E aita ratou i hinaaro e hoˈi mai i muri.+
4 Na ô ihora râ vau i roto ia ˈu: “Papu, o te feia haihai tera.
E ohipa maamaa ta ratou, aita hoi ratou i ite i te hinaaro* o Iehova,Te ture a to ratou Atua.
5 E haere au e paraparau i te feia tiaraa teitei,Papu hoi ua tapao maitai ratou i te hinaaro o Iehova,Te ture a to ratou Atua.+
Ua ofati râ ratou pauroa i te zugoE ua mutu ia ratou te mau taamu.”
6 No reira te hoê liona o te uru raau e aˈuaˈu ai ia ratou,Te hoê luko o te mau vahi papu pâpâmǎrô e haamou noa ˈi ia ratou,Te hoê nemera e moemoe ai i to ratou mau oire.
E hahaehia te taata atoa e haere i rapae.
Mea rahi hoi ta ratou hapa.Mea rahi ta ratou mau ohipa taiva.+
7 E nafea vau e nehenehe ai e faaore i teie hara ta oe?
Ua faarue ta oe mau tamarii ia ˈu,E e horeo ratou i te iˈoa o te tahi mea e ere i te Atua.+
Ua haamâha vau i to ratou mau hinaaro mau,Ua faaturi noa râ ratou,E ua haaputuputu ratou i te fare o te vahine taiata.
8 E au ratou i te puaahorofenua e hinaaro uˈana ra i te ufa,Te uâ nei ratou tataitahi i te vahine faaipoipo a te tahi atu tane.+
9 “Eiaha anei au ia faautua ia ratou no teie mau mea?,” te parau ra Iehova.
“Eiaha anei au ia tahoo i nia i teie huru nunaa?”+
10 “A haere i Ierusalema e vavahi i te mau faaapu vine,Eiaha râ e faaano roa i te reira.+
A tâpû i to ˈna mau amaa apî,E ere hoi te reira na Iehova.
11 E taiva rahi hoi ta ratou ia ˈu,Te nunaa o Iseraela e te nunaa o Iuda,” te parau ra Iehova.+
12 “Ua parau ratou aita ratou i ite ia Iehova, e te parau noa nei ratou:‘Eita oia e hauti aˈe.*+
Eita tatou e roohia i te ati.Eita tatou e faaruru i te ˈoˈe aore ra te oˈe.’+
13 E parau faufaa ore anaˈe ta te mau peropheta,E aita te parau* i roto ia ratou.
Ia hoˈi mai te reira i nia ia ratou!”
14 No reira teie ta Iehova, te Atua o te mau nuu,* e parau ra:
“No te mea tera ta teie mau taata e parau ra,Teie au e faariro nei i ta ˈu mau parau ei auahi i roto i to oe vaha,+E o tera nunaa te vahie,E e pau ratou i te reira.”+
15 “Teie au e tono atu nei i te hoê nunaa na te atea mai no te aro ia outou, e te nunaa o Iseraela,”+ te parau ra Iehova.
“E nunaa tei vai ê na.
E nunaa tahito,E nunaa aita oe i ite i to ratou reo,E eita oe e taa ia paraparau ratou.+
16 E au ta ratou vairaa teˈa i te hoê menema matara noa.E aito anaˈe ratou.
17 E pau ia ratou ta oe i ooti e ta oe faraoa.+
E pau ia ratou ta oe mau tamaiti e ta oe mau tamahine.
E pau ia ratou ta oe nǎnǎ puaatoro e ta oe nǎnǎ mamoe.
E pau ia ratou ta oe mau tumu vine e ta oe mau tumu suke.
E haamou ratou i to oe mau oire auahia i te patu o ta oe e tiaturi ra i te ˈoˈe.”
18 “I tera atoa râ mau mahana,” te parau ra Iehova, “eita vau e haamou roa ia outou.+
19 E ia ui ratou: ‘Eaha Iehova to tatou Atua i rave ai i teie mau mea atoa ia tatou?,’ e pahono oe ia ratou: ‘Mai ia outou i faarue ia ˈu no te tavini i te hoê atua ê i to outou fenua, e tavini atoa ïa outou i te feia ěê i te hoê fenua e ere no outou.’”+
20 Teie ta oe e faaite i te huaai o Iakoba,E teie ta oe e poro i Iuda:
21 “A faaroo mai, e teie nunaa maamaa e te maramarama* ore:+
E mata to ratou aita râ e ite ra.+E tariˈa to ratou aita râ e faaroo ra.+
22 ‘Aita anei outou e mǎtaˈu ra ia ˈu?’ te parau ra Iehova,‘Eiaha anei outou e rûrû i mua ia ˈu?
Na ˈu i tuu i te one ei otia no te moana,E faatureraa mure ore o te ore e nehenehe e ofati.
Noa ˈtu e maraa to ˈna mau are, eita te reira e upootia.Noa ˈtu e haruru ratou, eita te reira e na nia ˈtu.+
23 E aau etaeta râ e te orure hau to teie nunaa.Ua hahi ê ratou e ua haere i to ratou haereraa.+
24 E eita ratou e na ô i roto i to ratou aau:
“E mǎtaˈu anaˈe ia Iehova to tatou Atua i teie nei,O ˈna te faatopa mai i te ûa i to ˈna tau,Te ûa matamua e te ûa hopea atoa,O ˈna te faaherehere no tatou i te mau hebedoma faataahia no te auhune.”+
25 No ta outou mau hape i ore ai outou i fanaˈo i teie mau haamaitairaa.Na ta outou mau hara i faaere ia outou i te mea maitai.+
26 E taata ino hoi to rotopu i to ˈu nunaa.
Te moemoe noa ra ratou, mai te feia haru manu e tipou ra.
E tuu ratou i te marei haapohe.
O te taata ta ratou e haru.
27 Mai te hoê vairaa tei î i te manu,Ua î atoa to ratou mau fare i te haavarevare.+
No reira ratou i puaihia ˈi e i taoˈahia ˈi.
28 Ua poriahia ratou e ua moremore to ratou iri.Ua î roa ratou i te ino.
Eita ratou e paturu i te haavaraa a te tamarii aita e metua tane,+
Ia apîhia ratou.
E e faaere ratou i te veve i te parau-tia.’”+
29 “Eiaha anei au ia faautua ia ratou no teie mau mea?,” te parau ra Iehova.
“Eiaha anei au ia tahoo i nia i teie huru nunaa?
30 E ohipa faufau e te ino roa tei tupu i teie fenua:
31 E tohuraa haavare ta te mau peropheta,+E te faatere ra te mau tahuˈa na roto i to ratou iho mana.
E mea au na to ˈu nunaa mai tera.+
Eaha râ ta outou e rave ua tae anaˈe mai te hopea?”
Nota i raro i te api
^ Heb: “paruparu.”
^ Heb: “eˈa.”
^ Huri-atoa-hia “Aita oia e vai mau ra.”
^ Oia hoi te parau a te Atua.
^ Aore ra “sabaota.”
^ Heb: “aau.”
