Ieremia 31:1-40
31 “I taua tau ra,” te parau ra Iehova, “e riro vau ei Atua no te mau fetii atoa o Iseraela, e e riro ratou ei nunaa no ˈu.”+
2 Teie ta Iehova e parau ra:
“Te nunaa tei ora ˈtu i te ˈoˈe, ua fanaˈo ïa i to ˈu farii maitai i te medebaraA haere ai Iseraela i to ˈna vahi faafaaearaa.”
3 Mai te atea ê mai to Iehova faraa mai ia ˈu e parauraa:
“Ua here au ia oe i te here mure ore.
No reira vau i faafatata mai ai ia oe ia ˈu nei ma te here taiva ore.*+
4 E patu faahou â vau ia oe e e patu-faahou-hia oe.+
E te tamahine apî* a Iseraela, e rave faahou oe i ta oe mau tariparauE e haere oe a ori ai ma te oaoa.*+
5 E tanu faahou oe i te vine i nia i te mau mouˈa o Samaria.+E tanu te feia tanu e e fanaˈo ratou i ta ratou maa.+
6 E tae mai hoi te mahana e tuô ai te feia tiai i nia i te mau mouˈa o Epheraima:
‘A tia mai, e pauma anaˈe i Ziona, ia Iehova ra to tatou Atua.’”+
7 Teie hoi ta Iehova e parau ra:
“A tuô ma te oaoa no Iakoba.
A umere no te mea to mua ˈˈe outou i te mau nunaa.+
A poro i te reira. A arue i te Atua e a parau:‘E Iehova, a faaora i to nunaa, te toea o Iseraela.’+
8 E faahoˈi mai au ia ratou mai te fenua no apatoerau mai.+
E haaputuputu vau ia ratou pauroa mai te mau vahi atea roa ˈˈe o te fenua nei.+
Te matapo e te pirioi to rotopu ia ratou,+Te vahine hapû e te vahine tei fatata i te fanau, ratou pauroa.
Ei amuiraa rahi e hoˈi mai ai ratou i ǒ nei.+
9 E tae mai ratou ma te taˈi.+
E aratai au ia ratou a taparuparu mai ai ratou.
E afai au ia ratou i te mau taheraa* pape,+Na nia i te eˈa manina e ore ai ratou e turori.
E Metua hoi au no Iseraela, e o Epheraima ta ˈu matahiapo.”+
10 A faaroo i te parau a Iehova, outou te mau nunaa,E a poro i te reira na te mau motu i te atea ê,+ a na ô ai:
“Tei haapurara ia Iseraela, e haaputuputu ïa ia ratou pauroa.
Na ˈna e haapao ia ratou mai te tahi tiai e haapao i ta ˈna nǎnǎ.+
11 E hoo mai Iehova ia Iakoba+E e faaora oia ia ˈna i te rima o tei puai aˈe ia ˈna.+
12 E haere mai e e tutuô ratou ma te oaoa i nia i te tupuai mouˈa o Ziona+E e oaoa ratou no te maitai o* Iehova,No te huero maa, te uaina apî,+ te hinu,E no te fanauˈa a te nǎnǎ mamoe e a te nǎnǎ puaatoro.+
E riro ratou* mai te hoê ô faarari-maitai-hia,+E eita ratou e paruparu faahou.”+
13 “I taua tau ra, e ori te tamahine apî* ma te oaoa,Oia atoa te mau tane apî e te mau tane ruhiruhia, ratou pauroa.+
E taui au i to ratou oto ei oaoaraa.+
E tamahanahana vau ia ratou, a horoa ˈtu ai i te oaoa ia ore ratou e oto faahou.+
14 E horoa vau na te mau tahuˈa* i te maa* e rave rahi,E e paia maitai to ˈu nunaa i to ˈu maitai,”+ te parau ra Iehova.
15 “Teie ta Iehova e parau ra:
‘E reo tei faaroohia i Rama,+ e oto e te taˈi rahi:
O Rahela te taˈi ra i ta ˈna mau tamarii.*+
Aita oia i hinaaro ia tamahanahanahia oia no nia i ta ˈna mau tamarii,No te mea aita faahou ratou.’”+
16 Teie ta Iehova e parau ra:
“‘A tapea i to oe reo ia taˈi e to oe mata ia tahe te roimata,E haamaitai hoi au ia oe no ta oe i rave,’ te parau ra Iehova.
‘E hoˈi mai ratou mai te fenua mai o te enemi.’+
17 ‘E te vai ra te tahi tiaturiraa no to oe oraraa no a muri aˈe,’+ te parau ra Iehova.
‘E hoˈi mai ta oe mau tamarii i to ratou iho tuhaa fenua.’”+
18 ‘Ua faaroo maitai au i te autâraa Epheraima:‘Ua aˈo oe ia ˈu, e ua aˈohia vau,Mai te hoê fanauˈa puaatoro aita i faaratahia.
A faahoˈi mai ia ˈu, e e fariu ê mai iho â vau,O oe hoi Iehova to ˈu Atua.
19 Inaha, i muri iho i to ˈu fariu-ê-raa mai, tatarahapa ihora vau.+I muri iho i to ˈu taaraa, tairi ihora vau i to ˈu huha no te oto.
Ua haama e ua faahaamahia vau+No te mau ohipa ta ˈu i rave i to ˈu apîraa.’”
20 “E ere anei Epheraima i te hoê tamaiti poiherehia e au, te hoê tamarii here?+
I te mau taime atoa hoi e tamaˈi ai au ia ˈna, e haamanaˈo noa vau ia ˈna.
No reira vau* e horuhoru ai ia ˈna.+
E e aroha mau â vau ia ˈna,” te parau ra Iehova.+
21 “A tuu i te mau tapao i nia i to oe purumu,E a faatia i te mau pou ofai.+
A haapao maitai i te purumu rahi, te purumu ia na reira oe i te haere.+
A hoˈi, e te tamahine apî* a Iseraela, a hoˈi i tera mau oire no oe ra.
22 Ehia â maororaa e feaa ˈi oe, te tamahine taiva?
Ua poiete hoi Iehova i te tahi mea apî i nia i te fenua:
E ru te tahi vahine i te tapapa i te tahi tane.”
23 Teie ta Iehova o te mau nuu,* te Atua o Iseraela, e parau ra: “E parau-faahou-hia teie mau parau i te fenua o Iuda e to ˈna mau oire atoa ia haaputuputu vau i to ratou mau tîtî i reira: ‘Ia haamaitai Iehova ia oe, te nohoraa parau-tia,+ te mouˈa moˈa.’+
24 E i reira e parahi ai pauroa to Iuda e to to ˈna mau oire atoa, te feia faaapu e te feia o te aratai i te mau nǎnǎ.+
25 E faaitoito hoi au i tei* rohirohi e e haapuai au i te feia* atoa e paruparu ra.”+
26 I reira iho, ara maira vau e hiˈo haere ihora, e mea au maitai to ˈu taotoraa.
27 “Inaha,” te parau ra Iehova, “te tae mai ra te mau mahana e faarahi ai au i te taata o te nunaa o Iseraela e o te nunaa o Iuda e ta ratou atoa animara.”+
28 “I vai noa na to ˈu mata i nia ia ratou no te iriti tumu, no te huri i raro, no te vavahi, no te haamou e no te tuino,+ e vai noa atoa ïa to ˈu mata i nia ia ratou no te patu e no te tanu,”+ te parau ra Iehova.
29 “I taua mau mahana ra, eita e parau-faahou-hia: “O te mau metua tei amu i te vine pî, o te niho râ o te mau tamarii tei mania.’+
30 E pohe râ te taata tataitahi no ta ˈna iho hape. Te taata atoa o te amu i te vine pî, to ˈna niho te mania.”
31 “Inaha,” te parau ra Iehova, “te tae mai ra te mau mahana e faaau ai au i te tahi faufaa apî i te nunaa o Iseraela e i te nunaa o Iuda.+
32 E ere taua faufaa ra mai te faufaa ta ˈu i faaau i to ratou mau tupuna i te mahana i tapea ˈi au i to ratou rima no te aratai mai ia ratou i rapae i te fenua o Aiphiti,+ ‘ta ˈu faufaa ta ratou i ofati,+ noa ˈtu o vau to ratou fatu mau,’* te parau ra Iehova.”
33 “Teie hoi te faufaa ta ˈu e faaau i te nunaa o Iseraela i muri aˈe i taua mau mahana ra,” te parau ra Iehova. “E tuu vau i ta ˈu ture i roto ia ratou,+ e i roto i to ratou aau e papai ai au i te reira.+ E e riro vau ei Atua no ratou, e e riro ratou ei nunaa no ˈu.”+
34 “Eita ratou tataitahi e haapii faahou i to ratou taata tupu e i to ratou taeae, a na ô ai: ‘Ia ite outou o vai Iehova!’+ E ite hoi ratou pauroa o vai au, mai te taata haihai e tae noa ˈtu i te taata tiaraa teitei,”+ te parau ra Iehova. “E faaore hoi au i ta ratou hape, e eita vau e haamanaˈo faahou i ta ratou hara.”+
35 Teie ta Iehova e parau ra,O te horoa ra i te mahana no te turama i te ao,Te mau ture* o te avaˈe e te mau fetia no te turama i te po,O te faaarepurepu i te miti, a haruru atu ai to ˈna mau are,O Iehova o te mau nuu to ˈna iˈoa:+
36 “‘Te mahana noa ˈtu e mou ai teie mau faatureraa,’ te parau ra Iehova,‘E ere faahou ïa te huaai o Iseraela i te nunaa i mua ia ˈu.’”+
37 Teie ta Iehova e parau ra: “‘Ahani e nehenehe e faito i te raˈi i nia e e hiˈopoa haere i te mau niu o te fenua i raro, e nehenehe atoa ïa vau e faarue i te huaai taatoa o Iseraela no te mau mea atoa ta ratou i rave,’ te parau ra Iehova.”+
38 “Inaha,” te parau ra Iehova, “te tae mai ra te mau mahana e patu-faahou-hia ˈi te oire+ no Iehova mai te Pare o Hananela+ tae roa i te Uputa i te poro.+
39 E haere afaro noa te taura faito+ tae roa i te aivi o Gareba, a tioi atu ai i Goa.
40 E te peho taatoa o te mau tino pohe e te rehu* e pauroa te faaapu tae roa i te peho o Kiderona,+ haere atu ai i te poro o te Uputa o te puaahorofenua+ i hitia o te râ, e riro ïa ei mea moˈa no Iehova.+ E ore roa te reira e iriti-tumu-faahou-hia aore ra e vavahi-faahou-hia.”
Nota i raro i te api
^ Aore ra “i tamau noa ˈi i te here ia oe ma te taiva ore.”
^ Heb: “aita i taoto aˈenei i te tane.”
^ Aore ra “e amui atu oe i te feia e ori ra a ataata ˈi.”
^ Aore ra “tahora.”
^ Aore ra “te mau mea maitatai no ǒ mai ia.”
^ Heb: “aita i taoto aˈenei i te tane.”
^ Heb: “mii.”
^ Heb: “tamaiti.”
^ Heb: “to ˈu aau.”
^ Heb: “aita i taoto aˈenei i te tane.”
^ Aore ra “sabaota.”
^ Huri-atoa-hia “ta ratou tane faaipoipo.”
^ Aore ra “faatureraa.”
^ Aore ra “rehu mii,” oia hoi e rehu anoihia e te mii o te mau tusia.
