Ieremia 30:1-24
-
Parau tohu e hoˈi te nunaa e e maitai mai ratou (1-24)
30 Teie te parau a Iehova tei tae mai ia Ieremia:
2 “Teie ta Iehova te Atua o Iseraela e parau ra: ‘A papai i roto i te hoê buka pauroa te parau ta ˈu e faaite ia oe.
3 “A faaroo mai,” te parau ra Iehova. “Te tae mai ra te mau mahana e haaputuputu ai au i te mau tîtî o to ˈu nunaa, o Iseraela e o Iuda,”+ te parau ra Iehova, “e e faahoˈi mai ai au ia ratou i te fenua ta ˈu i horoa no to ratou mau tupuna, e e fatu faahou ratou i te reira.”’”+
4 Tera ta Iehova i parau ia Iseraela e Iuda.
5 Teie ta Iehova e parau ra:
“E tutuô riaria ta tatou i faaroo.E mehameha, e ere te hau.
6 A uiui na e nehenehe anei te hoê tane e fanau.
No te aha ïa vau e ite ai i te rima o te mau tane puai atoa i nia i to ratou opu*Mai te hoê vahine e fanau ra?+
Eaha to ratou hohoˈa mata i maheˈaheˈa ˈi?
7 Auê! E mahana riaria* hoi tera mahana.+
Aita ˈtu e mahana mai tera,E tau ahoaho no Iakoba.
E faaorahia mai râ oia.”
8 “E i taua mahana ra,” te parau ra Iehova o te mau nuu,* “e ofati au i te zugo mai nia mai i to ratou aˈî, e e mutu roa ia ˈu ta ratou mau taura. E eita te taata ěê e faatîtî faahou ia ratou.
9 E tavini ratou ia Iehova to ratou Atua e ia Davida to ratou arii ta ˈu e faatoroa no ratou.”+
10 “E oe, ta ˈu tavini Iakoba, eiaha e mǎtaˈu,” te parau ra Iehova,“E eiaha e riaria, e Iseraela.+
E faaora hoi au ia oe mai te vahi atea to reira oeE to huaai mai te fenua i hopoi-tîtî-hia ˈi ratou.+
E hoˈi mai Iakoba e e parahi oia ma te hau e te haapeapea ore,Aita hoê e faariaria ia ratou.”+
11 “Tei pihai iho hoi au ia oe,” te parau ra Iehova, “no te faaora ia oe.
E haamou râ vau i te mau nunaa atoa i haapurara ˈi au i to oe nunaa.+O oe râ, eita ïa vau e haamou.+
E aˈo vau ia oe ma te tano noa,E faautua iho â vau ia oe.”+
12 Teie hoi ta Iehova e parau ra:
“Aita e rapaauraa no to oe hiˈaraa.+
Eita to oe pepe e ora.
13 Aita e taata e paruru ia oe ia haavahia oe,Aita e raau no to oe aai.
Aita e rapaauraa no to oe maˈi.
14 Ua haamoˈe ta oe mau tane atoa ia oe.+
Eita ratou e imi faahou ia oe.
I te tairiraa hoi a te hoê enemi i tairi ai au ia oe,+I te faautuaraa a te hoê taata ino mau,No ta oe hapa rahi e ta oe hara e rave rahi.+
15 Eaha oe e tuô ai no to oe hiˈaraa?
Eita to oe mauiui e ore!
No ta oe hapa rahi e ta oe hara e rave rahi+I na reira ˈi au ia oe.
16 No reira te feia atoa e haamou nei ia oe e haamouhia ˈi,+E pauroa to oe enemi te hopoi-tîtî-atoa-hia.+
Te feia e eiâ ra ia oe, e eiâhia ïa.E pauroa te taata e haru nei i ta oe mau taoˈa, e tuu ïa vau ia ratou i te feia haru taoˈa.”+
17 “E faaora râ vau i to oe maˈi e e rapaau i to oe mau pepe,”+ te parau ra Iehova,“Noa ˈtu ua parauhia oe ei vahine faaruehia:
‘Ziona, tei ore e tâuˈahia.’”+
18 Teie ta Iehova e parau ra:
“E haaputuputu vau i te mau tîtî o te mau fare ie o Iakoba,+E e aroha vau i to ˈna mau tiahapa.
E patu-faahou-hia te oire i nia i to ˈna aivi,+E e tia te pare faaetaetahia i to ˈna iho â vahi.
19 Mai reira mai e faaroohia ˈi te himene haamauruururaa e te ata.+
E horoa vau na ratou e rave rahi huaai, e eita ratou e iti mai.+E faarahi au ia ratou,*E eita ratou e riro ei mea haihai.+
20 E riro ta ˈna mau tamarii mai i mutaa iho,E i mua ia ˈu e riro ai ratou ei nunaa puai.+
E haapao vau i te feia atoa e haavî ra ia ratou.+
21 No roto i to ratou iho nunaa to ratou faatere,E no roto mai i to ratou huaai e fa mai ai to ratou arii.
E haafatata mai au ia ˈna, e e faafatata mai oia ia ˈu.”
“Aita anaˈe, o vai e tae ia ˈna ia* faafatata mai ia ˈu?” te parau ra Iehova.
22 “E e riro outou ei nunaa no ˈu,+ e e riro vau ei Atua no outou.”+
23 Inaha, e paaina mai te mataˈi vero a Iehova ma te uˈana,+E farara mai te vero i nia i te upoo o te feia ino.
24 Eita te riri ura o Iehova e mǎrû maiHaapao tupu roa ia ˈna te mau opuaraa o to ˈna aau.+
I te mau mahana hopea e taa ˈi ia outou te reira.+
Nota i raro i te api
^ Aore ra “mape.”
^ Heb: “rahi.”
^ Aore ra “sabaota.”
^ Huri-atoa-hia “E faariro vau ia ratou ei feia faaturahia.”
^ Heb: “o vai te horoa i to ˈna aau ei piri taoˈa no te.”
