Ieremia 1:1-19

  • Faatoroahia Ieremia ei peropheta (1-10)

  • Orama o te tumu sekadi (11, 12)

  • Orama o te pani (13-16)

  • Faaitoitohia Ieremia no te ohipa e tonohia oia (17-19)

1  Teie te mau parau a Ieremia* te tamaiti a Hilikia, hoê o te mau tahuˈa i Anatota+ i te fenua o Beniamina.  Tae maira te parau a Iehova ia ˈna i te 13 o te matahiti faatereraa a Iosia+ te tamaiti a Amôna,+ te arii o Iuda.  Tae atoa maira ta ˈna parau i te mau mahana o Iehoiakima+ te tamaiti a Iosia, te arii o Iuda, e hope roa te 11 o te matahiti faatereraa a Zedekia+ te tamaiti a Iosia, te arii o Iuda, tae roa i te hopoi-ê-raahia to Ierusalema i te pae o te avaˈe.+  Tae maira te parau a Iehova ia ˈu, e na ô ra:   “Hou vau a hamani ai ia oe i roto i te opu, ua ite au o vai* oe,+E hou oe a fanauhia mai ai,* ua haamoˈa vau* ia oe.+ Ua faariro vau ia oe ei peropheta no te mau nunaa.”   Parau atura râ vau: “Auê, e te Arii hau ê e Fatu ra o Iehova! Aita vau i ite i te paraparau,+ e tamarii* noa hoi au.”+   Parau maira Iehova ia ˈu: “Eiaha e parau: ‘E tamarii noa vau.’ E haere hoi oe i te feia atoa ta ˈu e tono ia oe,E e parau atu oe i te mau mea atoa ta ˈu e faaue ia oe.+   Eiaha e mǎtaˈu i to ratou hohoˈa,+No te mea ‘tei pihai iho vau ia oe no te faaora ia oe,’+ te parau ra Iehova.”  Toro maira Iehova i to ˈna rima e tapea ihora i to ˈu vaha.+ E parau maira Iehova ia ˈu: “Ua tuu vau i ta ˈu mau parau i roto i to oe vaha.+ 10  Inaha, i teie mahana ua horoa vau ia oe i te mana i nia i te mau nunaa e i nia i te mau faatereraa arii, no te iriti tumu e no te huri i raro, no te haamou e no te vavahi, no te patu e no te tanu.”+ 11  Tae faahou maira te parau a Iehova ia ˈu, e na ô ra: “Eaha ta oe e ite ra, Ieremia?” Na ô atura ïa vau: “Te ite ra vau i te amaa o te hoê tumu sekadi.”* 12  Parau maira Iehova ia ˈu: “Tera iho â ta oe i ite, ua ara roa hoi au no te faatupu i ta ˈu parau.” 13  Tae maira te parau a Iehova ia ˈu no te piti o te taime, e na ô ra: “Eaha ta oe e ite ra?” Parau atura ïa vau: “Te ite ra vau i te hoê pani* e pihaa ra,* e mea hipa to ˈna auvaha mai apatoerau mai i apatoa. 14  Parau maira Iehova ia ˈu: “Mai apatoerau mai e tairi ai te atiI te mau taata atoa o teie fenua.+ 15  No te mea ‘te titau nei au i te mau fetii atoa o te mau faatereraa arii no apatoerau,’ te parau ra Iehova,+‘E e tae mai ratou. E haamau ratou tataitahi i to ratou teronoI te tomoraa o te mau uputa o Ierusalema,+No te vavahi i to ˈna mau patu ati aˈeE no te vavahi i te mau oire atoa o Iuda.+ 16  E e faaite au i ta ˈu mau faautuaraa ia ratou no to ratou ino atoa,No te mea ua faarue ratou ia ˈu,+E te pûpû ra ratou i te tusia au auahi i te tahi atu mau atua+E te piˈo ra ratou i mua i te ohipa a to ratou rima.’+ 17  Ia ineine râ oe no te ohipa,*E ia tia oe e ia parau ia ratou i te mau mea atoa ta ˈu e faaue ia oe. Eiaha e riaria ia ratou,+Ia ore au ia faariaria ia oe i mua ia ratou. 18  Ua faariro hoi au ia oe i teie mahana ei oire auahia i te patu,Ei pou auri, e ei patu veo no te faaû i teie fenua taatoa,+I te mau arii o Iuda e to ˈna huiarii,I to ˈna mau tahuˈa e te mau taata o teie fenua.+ 19  E e aro mau â ratou ia oe,Eita râ ratou e upootia i nia ia oe,*No te mea ‘tei pihai iho vau ia oe,’+ te parau ra Iehova, ‘no te faaora ia oe.’”

Nota i raro i te api

“E faateitei Iehova” paha te auraa.
Aore ra “ua maiti au ia.”
Heb: “a haere mai ai i rapae i te opu.”
Aore ra “faataa ê au.”
Aore ra “taata apî.”
Heb: “tei ara mai ra.”
Aore ra “pani auvaha rahi.”
Heb: “pani e puhihia ra i nia iho,” oia hoi e pani i nia iho i te auahi puhihia i nia iho.
Heb: “Ia hatua râ oe i to oe tauupu.”
Aore ra “Eita râ oe e pau ia ratou.”