Hosea 12:1-14

  • Ia hoˈi mai Epheraima ia Iehova ra (1-14)

    • Ua taputô Iakoba e te Atua (3)

    • Taˈiraa Iakoba ia farii-maitai-hia oia e te Atua (4)

12  “Te amu nei Epheraima i te mataˈi. Te horo nei oia na muri i te mataˈi no hitia o te râ i te mahana taatoa. Te rahi noa ˈtu ra ta ˈna mau haavare e ta ˈna haavîraa. Te faaau nei ratou i te hoê faufaa ia Asura+ e te hopoi nei i te monoˈi i Aiphiti.+   E haavaraa ta Iehova ia Iuda.+E faautua oia ia Iakoba no to ˈna haerea,E e faahoˈi oia i ta ˈna ia au i ta ˈna i rave.+   I roto i te opu, ua haru oia i te poro avae o to ˈna tuaana,+E ma to ˈna puai, ua taputô oia e te Atua.+   Ua taputô noa oia e te hoê melahi e ua upootia mai. Ua taˈi e ua taparu oia i ta ˈna farii maitai.”+ Ua ite mai te Atua ia ˈna i Betela, e i reira, ua paraparau mai oia ia tatou,+   O Iehova te Atua o te mau nuu,*+Ia haamanaˈo te taata e o Iehova to ˈna iˈoa.*+   “A hoˈi mai ïa i to Atua ra,+A tapea i te here taiva ore e te parau-tia,+E a tiaturi noa i to Atua.   E faito hape râ to roto i te rima o te taata tapihoo.Mea au roa na ˈna e eiâ.+   Te parau noa ra Epheraima: ‘Inaha, mea rahi ta ˈu taoˈa i teie nei,+Mea rahi ta ˈu faufaa.+ E i roto i ta ˈu mau ohipa atoa, eita ratou e ite i te mea hape aore ra te mea e faahapahia ˈi au.’   O vau râ o Iehova to oe Atua mai Aiphiti mai â.+ E haaparahi faahou vau ia oe i roto i te fare ieMai i te mau mahana o te hoê taime faataahia.* 10  Ua paraparau vau i te mau peropheta,+Mea rahi te orama ta ˈu i faaite ia ratou,E ua horoa vau i te tahi mau faahohoˈaraa na roto i te mau peropheta. 11  I Gileada, ua rave te taata i te ohipa manamana+ e ua haavare. I Gilagala, ua pûpû te taata i te puaatoro oni ei tusia,+E e au ta ratou mau fata i te pueraa ofai i roto i te hoê faaapu arotehia.+ 12  Ua horo Iakoba i te tuhaa fenua* o Arama.*+No te hoê vahine faaipoipo,+ ua tavini Iseraela+ i reira,E no te hoê vahine faaipoipo, ua tiai oia i te nǎnǎ mamoe.+ 13  Na roto i te hoê peropheta, ua aratai Iehova ia Iseraela i rapae i Aiphiti,+E na roto i te hoê peropheta, ua tiai oia ia ˈna.+ 14  E inoino rahi ta Epheraima i faatupu.+Te vai noa ra te toto ta ˈna i haamanii i nia ia ˈna.E tahoo to ˈna Fatu ia ˈna no to ˈna faahaamaraa ia ˈna.”+

Nota i raro i te api

Aore ra “sabaota.”
Aore ra “O Iehova te iˈoa e haamanaˈohia ˈi oia.”
Huri-atoa-hia “hoê oroa.”
Aore ra “Suria.”
Heb: “mataeinaa.”