Hosea 11:1-12

  • Te here o te Atua ia Iseraela mai to ˈna tamariiraa (1-12)

    • “Ua pii au i ta ˈu tamaiti ia haere i rapae i Aiphiti” (1)

11  “A tamarii noa ˈi Iseraela, ua here au ia ˈna,+E ua pii au i ta ˈu tamaiti ia haere i rapae i Aiphiti.+   Rahi atu â ratou* i te pii i te ati Iseraela,Rahi atu â te ati Iseraela i te faaatea ê ia ratou.+ Ua pûpû ratou i te tusia i te mau tii o Baala+E ua pûpû ratou i te tusia i te mau tii nanaˈohia.+   Na ˈu râ i haapii ia Epheraima ia haere,+ ua amo vau ia ratou i nia i to ˈu ouma.+E aita ratou i tâuˈa e na ˈu i faaora ia ratou.   Ua huti noa mai au ia ratou i te mau taura a te taata,* i te mau taura o te here.+Ua riro vau no ratou mai te hoê taata o te tatara i te zugo i nia i to ratou aˈî,*E ma te mǎrû, ua afai au i te maa na ratou tataitahi.   Eita ratou e hoˈi i te fenua o Aiphiti, e riro râ Asura ei arii no ratou,+Aita hoi ratou i farii e hoˈi mai ia ˈu nei.+   E ohu te ˈoˈe no te tairi i to ratou mau oire,+No te vavahi i te mau teˈa uputa o to ratou mau oire e no te amu haapau ia ratou no ta ratou mau opuaraa iino.+   Ua faaoti to ˈu nunaa i te taiva ia ˈu.+ Ua pii ratou* ia ratou i nia,* aita râ hoê e tia mai ra.   Eaha vau e faarue ai ia oe, e Epheraima e?+ Eaha vau e tuu ai ia oe i to oe ra mau enemi, e Iseraela e? Eaha vau e faariro ai ia oe mai ia Adema? Eaha vau e faariro ai ia oe mai ia Zeboîma?+ Ua taui to ˈu manaˈo.I te hoê â taime, ua tupu* to ˈu aumihi.+   Eita vau e manii i to ˈu riri uˈana. Eita vau e haamou faahou ia Epheraima,+E Atua hoi au, e ere i te taata,O vau Tei Moˈa i rotopu ia oe.E eita vau e haere atu ia oe ra ma te riri uˈana. 10  E haere ratou na muri ia Iehova, e e uuru oia mai te hoê liona.+Ia uuru oia, e haere mai ta ˈna mau tamaiti ma te rûrû mai te pae tooa o te râ.+ 11  E rûrû ratou mai te hoê manu ia haere mai ratou mai Aiphiti mai,Mai te hoê uupa ia haere mai ratou mai Asura mai.+E e haaparahi au ia ratou i roto i to ratou fare,” te na reira mai ra Iehova.+ 12  “Ua haaati Epheraima ia ˈu i te parau haavare,Te nunaa o Iseraela, i te haavare.+ Te haere noa ra râ Iuda e te Atua,E aita oia e taiva ra i Tei Moˈa Roa ˈˈe.”+

Nota i raro i te api

Oia hoi te mau peropheta e te tahi atu mau taata tonohia no te haapii ia Iseraela.
Aore ra “te mau taura o te hamani maitai.” E taura paha teie ta te mau metua e faaohipa no te haapii i ta ratou mau tamarii ia haere.
Heb: “taa.”
Oia hoi te mau peropheta e te tahi atu mau taata tonohia no te haapii ia Iseraela.
Oia hoi i te hoê huru haamoriraa hau ê.
Heb: “ua mahanahanahia.”