Ezera 6:1-22

  • Maimiraa e faaueraa mana a Dariu (1-12)

  • Faaotihia e avarihia te hiero (13-18)

  • Faatupuhia te Pasa (19-22)

6  I reira to te arii Dariu horoaraa i te hoê faaueraa, e maimihia aˈera i roto i te haaputuraa parau* i reira te pueraa taoˈa i vaiihohia ˈi i Babulonia.  E itehia maira te tahi otaro i te pare i Ekebatana, i te fenua o Medai, e teie tei papaihia i nia iho ei haamanaˈoraa:  “I te matahiti matamua o te arii Kuro, ua faaue te arii Kuro no te fare o te Atua i Ierusalema:+ ‘Ia patu-faahou-hia te fare ei vahi e pûpûhia ˈi te tusia, e ia haamauhia to ˈna mau niu. Ei 60 kubiti* to ˈna teitei e ei 60 kubiti to ˈna aano,+  e ei toru anairaa ofai rahi tei turaihia i to ratou vairaa, e hoê anairaa raau.+ E aufauhia te haamâuˈaraa i te faufaa a te arii.+  E ia faahoˈi-atoa-hia te mau farii auro e ario o te fare o te Atua ta Nebukanesa i rave i te hiero i Ierusalema a hopoi mai ai i Babulonia,+ ia faahoˈihia te reira i to ratou vairaa i te hiero i Ierusalema e ia vaiihohia i roto i te fare o te Atua.’+  “No reira i teie nei, Tatenai te tavana o te tuhaa fenua o tera ˈtu pae o te Anavai,* Setara-bozenai, e to orua mau apiti, te tahi atu mau tavana o te tuhaa fenua o tera ˈtu pae o te Anavai,+ eiaha e haapao faahou i tera ohipa.  Eiaha e haafifi i te paturaa o te fare o te Atua. E patu faahou te tavana o te ati Iuda e te mau matahiapo o te ati Iuda i tera fare o te Atua i to ˈna vairaa na mua ˈˈe.  Hau atu â, te horoa atu nei au i te hoê faaueraa no nia i ta outou e rave no tera mau matahiapo o te ati Iuda no te patu-faahou-raa i tera fare o te Atua: No roto i te pueraa taoˈa a te arii,+ no roto i te tute titauhia i te tuhaa fenua o tera ˈtu pae o te Anavai, ia horoa-oioi-hia te moni na tera mau taata ia tamau noa te ohipa ma te taupupu ore.+  E ia horoa-tamau-hia na ratou i tera e tera mahana i te mau mea atoa e hinaarohia, te puaatoro oni apî,+ te mamoe oni+ e te fanauˈa mamoe+ no te tusia taauahi i te Atua o te raˈi, te sitona,+ te miti papaa,+ te uaina+ e te hinu,+ mai ta te mau tahuˈa i Ierusalema e parau, 10  ia nehenehe ratou e hopoi tamau i te tusia e au i te Atua o te raˈi e e pure no te ora o te arii e ta ˈna mau tamaiti.+ 11  Ua horoa atoa vau i te faaueraa e ia ofati noa ˈtu te tahi i teie faaueraa mana, e tatarahia te tahi raau no roto mai i to ˈna fare e e taamuhia* oia i nia iho, e e faarirohia to ˈna fare ei vahi haumitiraa no te taata atoa* no teie hara. 12  E ia faataahuri te Atua tei haamau i to ˈna iˈoa i reira+ i te arii e te nunaa o te tamata i te ofati i teie faaueraa e i te vavahi i tera fare o te Atua, tei Ierusalema. Na ˈu, o Dariu, e horoa nei i teie faaueraa. Ia haapao-oioi-hia te reira.” 13  Rave oioi aˈera Tatenai te tavana o te tuhaa fenua o tera ˈtu pae o te Anavai, Setara-bozenai,+ e to raua mau apiti i te mau mea atoa ta te arii Dariu i faaue. 14  Tamau atura te mau matahiapo o te ati Iuda i te paturaa e nuu noa ˈtura ta ratou ohipa,+ faaitoitohia e Hagai+ te peropheta e Zekaria+ te mootua a Ido. Ua faaoti ratou i te paturaa o te reira ia au i te faaueraa a te Atua o Iseraela,+ e ia au i te faaueraa a Kuro,+ Dariu+ e te arii Aretehasaseta+ no Peresia. 15  Faaoti aˈera ratou i te fare i te toru o te mahana o te avaˈe o Adara,* i te ono o te matahiti faatereraa a te arii Dariu. 16  Faatupu aˈera te ati Iseraela, te mau tahuˈa, te ati Levi+ e te toea o tei hopoi-ê-hia na i te avariraa* o tera fare o te Atua ma te oaoa. 17  Hopoi aˈera ratou no te avariraa o tera fare o te Atua 100 puaatoro oni, 200 mamoe oni, 400 fanauˈa mamoe, e ei tusia no te hara no Iseraela taatoa, 12 puaaniho oni ia au i te rahiraa opu o Iseraela.+ 18  Faatoroa aˈera ratou i te tahuˈa i to ratou mau pǔpǔ e te ati Levi i to ratou mau pǔpǔ no te taviniraa i te Atua i Ierusalema,+ ia au i tei papaihia i roto i te buka a Mose.+ 19  Faatupu aˈera tei hopoi-ê-hia na i te oroa Pasa i te 14 o te mahana o te avaˈe matamua.+ 20  Ua tamâ pauroa te tahuˈa e te ati Levi ia ratou,+ ua mâ ïa ratou pauroa. Tupai aˈera ratou i te animara ei tusia no te Pasa no te feia atoa tei hopoi-ê-hia na, no te tahi atu mau tahuˈa, e no ratou iho. 21  Amu aˈera te ati Iseraela tei hoˈi mai na te hopoi-ê-raa i te reira, e te feia atoa tei apiti mai ia ratou e tei faataa ê ia ratou i te mau peu viivii a te mau nunaa o tera fenua no te haamori* ia Iehova te Atua o Iseraela.+ 22  Faatupu atoa aˈera ratou ma te oaoa i te Oroa pane hopue ore+ e hitu mahana, ua faaoaoa hoi Iehova ia ratou e ua ohipa i nia i te aau o te arii o Asura ia hamani maitai oia ia ratou,+ ia turu oia ia ratou* i roto i te paturaa o te fare o te Atua mau, te Atua o Iseraela.

Nota i raro i te api

Ar: “te fare o te pueraa parau.”
Piri i te 26,7 m. Hiˈo i te tuhaa hau B14.
Oia hoi Eupharate.
Aore ra “tarîhia.”
Huri-atoa-hia “ei faarueraa pehu,” “haapueraa pera.”
Hiˈo i te tuhaa hau B15.
Aore ra “pûpûraa.”
Heb: “imi.”
Heb: “ia haapuai oia i to ratou rima.”