Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Tito 3:1-15

HAAPOTORAA O TE MAU TUMU PARAU

  • Auraroraa e tano (1-3)

  • Ineine no te mau ohipa nehenehe (4-8)

  • Haapae i te aimârôraa maamaa e te pǔpǔ faaroo amaha (9-11)

  • Poroi ia Tito e aroharaa (12-15)

3  A haamana‘o noa ia ratou ia auraro e ia faaroo i te mau faatereraa e te feia mana, ia ineine no te mau ohipa maitatai atoa,  eiaha ia faaino i te taata e eiaha ia tatama‘i, ei haerea au noa râ to ratou e te mǎrû i nia i te taata atoa.  E feia ma‘ua hoi tatou na mua ’‘e e te faaroo ore, te vare hanoa, te faatîtîhia e te mau hinaaro e rave rau e te mau mea navenave, a rave noa ’i i te ino e a pohehae noa ’i, e feia ohipa ino e te hae te tahi i te tahi.  Tera râ, i te faaiteraahia mai te hamani maitai o to tatou Faaora, te Atua e to ’na here no te huitaata  (e ere no ta tatou mau ohipa parau-tia atoa i rave, no to ’na iho râ aroha),* ua faaora oia ia tatou ma te tamâ ia tatou ia ora mai tatou e ma te faataata apî ia tatou maoti te varua mo‘a.*  Ua ninii rahi mai oia i teie varua i nia ia tatou na roto ia Iesu Mesia to tatou Faaora,  e ua faariro-ana‘e-hia tatou ei taata parau-tia na roto i to ’na hamani maitai rahi, ia noaa mai ïa ia tatou te ora mure ore ia au i to tatou tiaturiraa.  E mea papu teie mau parau, e e hinaaro vau ia haafaufaa oe i te reira, a feruri maite atu ai te feia e tiaturi ra i te Atua i te raveraa i te mau ohipa maitai roa. E mea maitai roa teie mau mea e faufaahia ’i te taata.  Eiaha roa râ oe e faaô i roto i te mau aimârôraa maamaa, te mau pǎpǎraa tupuna e te mau tatama‘iraa e aroraa no nia i te ture a Mose, aita hoi e apî e mea faufaa ore. 10  Area te taata e haamau i te hoê pǔpǔ faaroo amaha, a a‘o maitai* ia ’na e piti a‘e taime, e ia ore oia ia faaroo, eiaha ïa e amuimui faahou ia ’na, 11  ua hahi ê hoi tera taata i te e‘a tia, e te hara ra oia e te faahapa ra to ’na haerea ia ’na iho. 12  Ia tono atu vau ia Aretema aore ra ia Tuhiko ia oe ra, a imi i te mau ravea atoa ia haere mai oe ia ’u nei i Nikopoli, ua faaoti hoi au e faaea i reira i te tau to‘eto‘e. 13  A tauturu maite ia Zena, mea ite i te ture a Mose, e ia Apolo eiaha raua ia ere i te tahi mea i to raua tere. 14  Ia haapii atoa râ to tatou mau taeae i te rave i te mau ohipa maitai roa no te horoa ’tu i te tauturu ia hinaaro-ru-hia, ia ore hoi ratou e riro ei tavini aita e nuu ra i mua. 15  Te aroha ’tu nei te mau taeae atoa ia ’u nei ia oe. A aroha ’tu i tei here* ra ia matou i roto i te faaroo. Ei ia outou paatoa te hamani maitai rahi.

Nota i raro i te api

Aore ra “aroha hamani maitai.”
Aore ra “puai ohipa o te Atua.”
Aore ra “faaara.”
Heleni phileo.