Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Tito 1:1-16

HAAPOTORAA O TE MAU TUMU PARAU

  • Aroharaa (1-4)

  • Ia faatoroa Tito i te tahi mau matahiapo i Kereta (5-9)

  • A‘o i te feia auraro ore (10-16)

1  O Paulo, e tavini na te Atua e e aposetolo na Iesu Mesia ia au i te faaroo o te feia maitihia e te Atua e te ite papu i te parau mau tei au i te haamoriraa i te Atua ana‘e  e tei niuhia i nia i te tiaturiraa o te ora mure ore ta te Atua, te ore e nehenehe e haavare, i fafau mai tahito mai â.  Ua faaite râ oia i ta ’na parau i te taime tano na roto i te pororaa i tuuhia mai ia ’u ia au i te faaueraa a to tatou Faaora, te Atua.  Te papai nei au ia Tito, e tamaiti mau na ’u e e hoa i roto i te faaroo: Ei ia oe ra te hamani maitai rahi e te hau no ǒ mai i te Atua te Metua e no ǒ mai i te Mesia ra o Iesu to tatou Faaora.  Ua vaiiho vau ia oe i Kereta ia faatitiaifaro oe i te mau mea e titauhia ia faatitiaifaro, e ia faatoroa oe i te tahi mau matahiapo i tera e tera oire mai ta ’u i faaue atu:  e tane aita i parihia i te ino, e tane faaipoipo i te vahine hoê, tei roto ta ’na mau tamarii i te faaroo e aita i parihia i te ohipa haapaoraa ore e te orure hau.  Ei tiaau hoi na te Atua, eiaha roa oia ia parihia i te ino, eiaha atoa te taata haapaari, te riri hanoa, te taero ava, te haavî,* te nounou tao‘a ia apîhia oia,  ei taata farii maitai râ oia, te au i te rave i te mau ohipa maitatai, te mana‘o paari,* te parau-tia, te haapao maitai, te haavî ia ’na iho,  e ia tapea maite oia i te parau mau* i roto i ta ’na huru haapiiraa i te taata, a nehenehe atu ai oia e faaitoito* atu maoti te haapiiraa maitai* e e faaite i te hapa a te feia e patoi mai. 10  E mea rahi hoi te taata auraro ore, te utata faufaa ore e te faahema, te feia iho â râ e turu ra i te peritomeraa. 11  A haamamû atu i to ratou vaha, no te mea te faahuehue noa ra tera mau taata i te faaroo o te mau utuafare taatoa ma te haapii atu i te parau tano ore ia apîhia ratou. 12  Ua parau hoê o ratou, ta ratou iho peropheta: “E feia haavare to Kereta, e animara oviri taehae, e feia tamaa roa ma te haapuupuu e e faatau.” 13  E parau mau iho â teie. No reira, a tamau i te faahapa etaeta ia ratou ia itoitohia mai ratou i roto i te faaroo, 14  ma te ore e tâu‘a i te mau aai a te ati Iuda e te mau faaueraa a te taata o te faarue i te parau mau. 15  E mea mâ te mau mea atoa no te feia mâ. No te feia viivii râ e ere ra i te faaroo, aita ïa e mea mâ, ua viivii hoi to ratou feruriraa e to ratou atoa mana‘o haava. 16  Te parau roa ra ratou e ua ite ratou i te Atua, aita nei râ ia au i ta ratou mau ohipa, no te mea e mea hairiiri ratou e te faaroo ore, e aita ratou i fariihia no te rave i te tahi ohipa maitai.

Nota i raro i te api

Aore ra “te tupai e te iria.”
Aore ra “te feruriraa maitai,” “te haro‘aro‘a.”
Aore ra “te poroi e nehenehe e tiaturihia.”
Aore ra “a‘o.”
Aore ra “faufaa.”