Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Timoteo 2, 3:1-17

HAAPOTORAA O TE MAU TUMU PARAU

  • Tau ino mau i te mau mahana hopea (1-7)

  • Pee maite i to Paulo hi‘oraa (8-13)

  • “A tamau i roto i te mau mea i haapiihia ia oe” (14-17)

    • Papaihia te mau Papai mo‘a atoa i raro a‘e i te aratairaa a te varua o te Atua (16)

3  Ia ite râ oe e ia tae i te mau mahana hopea, e tau ino mau ïa e te fifi ia faaruru.  E haapao noa te taata ia ratou iho, e nounou i te moni, e faaahaaha, e teoteo, e faaino, e faaroo ore i te metua, e mauruuru ore, e taiva,  e au ore te taata te tahi i te tahi, e etaeta, e pari haavare, e haavî ore ia ratou iho, e iria, e au ore i te maitai,  e haavare, e farii ore i te a‘oraa, e faaoru, e au a‘e ratou i te mau mea navenave eiaha râ i te Atua,  ia hi‘ohia ’tu e au ra e te haamori ra ratou i te Atua, aita râ ratou e ora ra ia au i te reira. A fariu ê atu i taua mau taata ra.  No roto mai hoi ia ratou te mau tane e faaô i roto i te mau fare ma te haavare e e hopoi tîtî i te mau vahine paruparu tei teimaha i te hara e tei faatîtîhia e te mau hinaaro e rave rau,  te haapii noa nei ratou, eita râ ta ratou e nehenehe e ite papu i te parau mau.  Mai ia Iane e Iamebera i patoi ia Mose, te patoi noa atoa nei ratou i te parau mau. Ua ino roa te feruriraa o tera mau taata, tei ore i fariihia ia au i te faaroo.  Eita râ ratou e na reira noa, e ite-maitai-hia hoi to ratou maamaa* e te taata atoa, mai te reira atoa no Iane e Iamebera. 10  Ua pee maite râ oe i ta ’u mau haapiiraa, to ’u huru oraraa, ta ’u fa, to ’u faaroo, to ’u faaoromai, to ’u here, to ’u faaoromai tamau, 11  te hamani-ino-raa e te mauiui ta ’u i faaruru i Anetiohia, Ikonio, Lusetera. Ua faaruru vau i te reira, e ua faaora mai te Fatu ia ’u i taua mau mea atoa. 12  Oia mau, te feia atoa e hinaaro e haamori i te Atua ana‘e ma te hoê e te Mesia ra o Iesu, e hamani-ino-atoa-hia ïa. 13  Tera râ, e ino roa ’tu â te feia ino e te feia haavare, i te haavareraa ’tu e te haavareraahia mai. 14  Area oe, a tamau i roto i te mau mea i haapiihia ia oe e i tauturuhia ia oe ia tiaturi, e ua ite oe na vai i haapii atu ia oe 15  e mai to oe tamarii-rii-raa to oe iteraa i te mau Papai mo‘a e noaa ’i ia oe te paari a faaorahia ’tu ai oe na roto i te faaroo i te Mesia ra o Iesu. 16  Te mau Papai mo‘a atoa, ua papaihia ïa i raro a‘e i te aratairaa a te varua o te Atua, e mea faufaa no te haapii atu, no te faaite atu i te hapa, no te faaafaro* i te mau mea, no te a‘o atu ia au i te parau-tia, 17  ia aravihi roa te taata o te Atua e ia ineine roa no te mau ohipa maitatai atoa.

Nota i raro i te api

Aore ra “neneva.”
Aore ra “faatitiaifaro.”