Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Timoteo 2, 1:1-18

HAAPOTORAA O TE MAU TUMU PARAU

  • Aroharaa (1, 2)

  • Haamauruuru Paulo i te Atua no to Timoteo faaroo (3-5)

  • Atuatu i te ô a te Atua (6-11)

  • Tapea noa i te parau maitatai (12-14)

  • To Paulo mau enemi e hoa (15-18)

1  O Paulo, e aposetolo na te Mesia ra o Iesu no te hinaaro o te Atua ia au i te parau fafau o te ora na roto i te Mesia ra o Iesu,  ia Timoteo, ta ’u tamaiti here: Ei ia oe te hamani maitai rahi, te aroha* e te hau no ǒ mai i te Atua te Metua e i te Mesia ra o Iesu to tatou Fatu.  Te mauruuru nei au i te Atua ta ’u e pûpû nei i te hoê taviniraa mo‘a mai to ’u mau tupuna ra ma te mana‘o haava mâ, a haamana‘o noa ’i ia oe i roto i ta ’u mau taparuparuraa i te po e te ao.  Te hinaaro ru nei au e ite ia oe a haamana‘o ai i to oe roimata, a oaoa roa ’tu ai au.  Te haamana‘o ra hoi au i to oe faaroo haavarevare ore, tei itehia na mua roa i roto i to oe mama ruau ra o Loidi e i to oe metua vahine ra o Eunike, e ua papu ia ’u e tei roto atoa ia oe taua faaroo ra.  No reira vau e haamana‘o ai ia oe ia atuatu i te ô a te Atua e vai ra i roto ia oe mai te hoê auahi ra, i to ’u tuuraa i to ’u rima i nia iho ia oe.  Aita hoi te puai ohipa o te Atua i horoa mai i te hoê aau taiâ, i te hoê râ aau itoito e te here e te mana‘o paari.  Eiaha ïa oe e haama i te poro no nia i to tatou Fatu e eiaha atoa e haama ia ’u tei tapeahia no ’na, ia ineine râ oe i te mauiui no te parau apî oaoa* ma te turui i nia i te puai o te Atua.  Ua faaora oia ia tatou e ua titau manihini ia tatou ia riro ei feia mo‘a, e ere no ta tatou mau ohipa, no ta ’na iho râ opuaraa e no to ’na hamani maitai rahi. Mai tahito mai â i horoahia mai ai to ’na hamani maitai rahi i roto i te Mesia ra o Iesu, 10  i teie nei râ, ua ite-maitai-hia te reira na roto i te faaiteraa mai to tatou Faaora te Mesia ra o Iesu ia ’na iho, oia tei haamou i te pohe e tei faaite mai na roto i te parau apî oaoa e nafea e noaa ’i te ora e te tahuti ore, 11  no taua ohipa ra hoi i faatoroahia ’i au ei taata poro, ei aposetolo e ei taata haapii. 12  No reira ïa vau e roo-atoa-hia ’i i taua mau mauiui nei, aita râ vau e haama ra. Ua ite hoi au o vai te Atua ta ’u e tiaturi ra, e ua papu ia ’u e e nehenehe oia e faaherehere i ta ’u i tuu atu ia ’na ra e tae roa ’tu i te mahana haavaraa. 13  A tapea noa i te hoho‘a o te parau maitatai* ta oe i ite ia ’u nei ma te faaroo e te here i roto i te Mesia ra o Iesu. 14  A faaherehere i teie mau mea maitai roa tei tuuhia ia oe ra na roto i te varua mo‘a* e vai ra i roto ia tatou. 15  Ua ite oe e ua faarue te mau taata atoa no te fenua Asia ia ’u, oia atoa o Phugelo e o Heremogene. 16  Ia aroha* mai te Fatu i te utuafare o Onesiphoro, mea pinepine hoi to ’na faaitoitoraa ia ’u, e aita oia i haama i to ’u nei mau fifi auri. 17  Ia ’na hoi i haere mai i Roma, ua imi maite oia ia ’u e ua itehia mai au. 18  Ia aroha* mai te Fatu ra o Iehova* ia ’na i te mahana haavaraa. E ua ite maitai oe i ta ’na i rave no ’u i Ephesia.

Nota i raro i te api

Aore ra “aroha hamani maitai.”
Aore ra “evanelia.”
Aore ra “te mau parau faufaa.”
Aore ra “puai ohipa o te Atua.”
Aore ra “aroha hamani maitai.”
Aore ra “aroha hamani maitai.”
A hi‘o i te titionare.