Eaha to roto?

Mau faaho'iraa ê

Tapura tumu parau

Ite no Iehova

Tahiti

Bibilia i nia i te reni | HURIRAA O TE AO APÎ O TE MAU PAPAI HELENI KERISETIANO

Timoteo 1, 5:1-25

HAAPOTORAA O TE MAU TUMU PARAU

  • Nafea ia paraparau i te feia apî e te feia ruhiruhia? (1, 2)

  • Tauturu i te mau vahine ivi (3-16)

    • Aupuru i to ’na iho utuafare (8)

  • A faatura i te mau matahiapo e rohi ra (17-25)

    • “Maa uaina no to oe opu” (23)

5  Eiaha oe e a‘o etaeta i te hoê tane paari a‘e. A paraparau râ ia ’na mai te hoê metua tane, e te tane apî a‘e mai te taeae,  e te vahine paari a‘e mai te metua vahine, e te vahine apî a‘e mai te tuahine ma te aau mâ.  A aupuru* i te mau vahine ivi, te vahine ivi mau.*  E tamarii râ aore ra e mootua ta teie vahine ivi, ia haapii na mua ratou i te faaite i te tura e au i te Atua i roto i to ratou iho utuafare, ma te faaho‘i atu i te mea e au i to ratou mau metua, papa ruau e mama ruau, o te mea maitai hoi i te aro o te Atua.  E teie nei, te vahine ivi mau e te veve, ua tuu ïa i to ’na tiaturiraa i te Atua e te tamau noa ra oia i te taparuparu e te pure ia ’na i te po e te ao.  Tera râ, te vahine ivi o te ora no te mau mea navenave ana‘e, ua pohe ïa a ora noa ’i oia.  A tamau noa i te horoa i teie mau aratairaa,* ia vai hapa ore noa ratou.  Ia ore hoi te tahi ia aupuru i to ’na iho, i te mau mero iho â râ o to ’na utuafare, ua ere oia i te faaroo e ua hau a‘e to ’na ino i to te taata aita e faaroo to ’na.  E nehenehe te hoê vahine ivi tei hau i te 60 matahiti e tapaohia i nia i te tapura, ei vahine i faaipoipo i te tane hoê, 10  ei vahine matauhia no ta ’na mau ohipa maitai roa, tei haapii maite i ta ’na mau tamarii, tei farii maitai i te taata, tei horoi i te avae o te feia mo‘a, tei tauturu i tei roohia e te ati, tei itoito i te rave i te mau ohipa maitatai atoa. 11  Eiaha râ e tapao i te mau vahine ivi apî a‘e i nia i te tapura, e taupupu hoi ta ratou taviniraa i te Mesia ia tupu te hinaaro, e opua ïa ratou e faaipoipo. 12  E e faautuahia ratou no te mea ua haapae ratou i te parau matamua ta ratou i fafau. 13  E ua mataro roa ratou i te faaea noa aita e ohipa, e i te haere hanoa i tera e tera fare. E ere râ i te vahine hupehupe ana‘e, e afai parau atoa râ e te faaô i roto i ta vera ma ohipa, e te faatiatia haere i te parau tano ore. 14  E hinaaro râ vau ia faaipoipo te mau vahine ivi apî a‘e, ia fanau i te tamarii, ia haapao i te utuafare, ia ore te enemi e faaino ia ratou. 15  Ua hahi ê a‘ena hoi te tahi mau vahine ivi e ua pee ia Satani. 16  E vahine ivi ra to roto i te utuafare o te tahi vahine faaroo, na ’na ïa e tauturu ia ratou ia ore te amuiraa ia teimaha. E nehenehe ïa te amuiraa e tauturu i te vahine ivi mau.* 17  Ia faatura-rahi-hia te mau matahiapo e aratai maitai roa ra i te amuiraa, ratou iho â râ e rohi ra i te parau e te haapii. 18  Te na ô ra hoi te mau Papai: “Eiaha oe e tavaha i te puaatoro oni e taataahi* i te sitona,” oia atoa: “E mea tano ia aufauhia te rave ohipa no ta ’na i rave.” 19  Eiaha oe e faaroo ia parihia te hoê tane ruhiruhia,* i te parau haapapuraa noa râ a toopiti aore ra tootoru ite. 20  A a‘o i te feia rave hara i mua i te taata atoa, ei faaararaa i te tahi pae.* 21  E faaueraa mana ta ’u e tuu atu ia oe i te aro o te Atua e o te Mesia ra o Iesu e te mau melahi maitihia, oia hoi ia haapao maite oe i teie mau aratairaa ma te ore e faahapa ru noa e ma te ore e maitiiti i te taata. 22  Eiaha roa oe e ru i te tuu atu i te rima i nia iho i te tahi taata.* Eiaha roa atoa e apiti i te hara a vetahi ê. Ei haerea mâ noa to oe. 23  Eiaha faahou oe e inu i te pape,* a inu râ maa uaina no to oe opu, e mea ma‘ima‘i roa hoi oe. 24  Te itehia ra ta te tahi pae ra mau hara e te taata atoa a faautuahia ’i ratou i reira iho, area ta te tahi atu pae, i muri a‘e ïa e itehia ’i. 25  Na reira atoa te mau ohipa maitai roa o te itehia ra e te taata atoa, e te mau ohipa maitai roa aita e itehia ra e te taata, eita roa ïa e vai huna noa.

Nota i raro i te api

“A faatura” na roto i te reo Heleni.
Aore ra “te mau vahine ivi veve,” oia hoi te mau vahine ivi aita e taata no te tauturu ia ratou.
Aore ra “faaueraa.”
Aore ra “te mau vahine ivi veve,” oia hoi te mau vahine ivi aita e taata no te tauturu ia ratou.
Te raveraa teie e matara ’i te huero sitona i to ’na tumu i te taataahiraa avae aore ra i te hoê mauhaa e hutihia e te animara.
Aore ra “te hoê matahiapo.”
“Ia mǎta‘u te tahi pae” na roto i te reo Heleni.
Oia hoi eiaha roa e ru i te faatoroa i te tahi taata.
Aore ra “a faaea i te inu noa i te pape.”